Gündəm
"İşim ağırdır" - Qurban Qurbanov "Qarabağ"dan AYRILIRMI? - ÖZÜ AÇIQLADI
Azərbaycan millisinin və "Qarabağ" klubunun baş məşqçisi Qurban Qurbanov “Region Plus” jurnalına müsahibə verib. 46 yaşlı mütəxəssis “Qarabağ” komandasındakı postundan ayrılmaq fikrində olmadığını bildirib.
İlham Əliyev Davosda OPEC-in baş katibi ilə görüşdü
Azərbaycan Respublikasının Prezidenti İlham Əliyev yanvarın 23-də Davosda Neft İxrac edən Ölkələr Təşkilatının (OPEC) baş katibi Məhəmməd Barkindo ilə görüşüb.
Manatın dəyəri xarici valyutanı üstələyəcəkmi?
Artıq bir xeyli müddətdir ki, milli valyutanın dəyəri stabil qalır. Düzdür, məlum neft və maliyyə böhranı zamanı baş verən devalvasiya prosesi manatın dəyərini kifayət qədər aşağı saldı və onu ucuzlaşdırdı. Lakin qısa müddətdə həyata keçirilən qabaqlayıcı tədbirlər tədricən manatın dəyərini özünə qaytara bildi. Hazırda manatın Amerika dollarına olan nisbəti bizi qane etməsə də. Lakin ümumilikdə 2015 və 2016-cı ildəki vəziyyətdən kifayət qədər yaxşıdır.
Tarixi mirasımız: Azərbaycan Xalq Cümhuriyyəti
Heç kəsə sirr deyil ki, geridə qoyduğumuz 2017-ci ildə Azərbaycanın daxili və xarici siyasətinin uğurları artan tempdə inkişaf etmişdir. Ölkəmizin istənilən lokal və ya beynəlxalq layihələrdə yüksək səviyyədə iştirakı dünya arenası tərəfindən diqqət mərkəzində olmağımızla nəticələnmişdir. Dünyada baş verən mənfi çaxnaşmalarla paralel olaraq ölkəmizdə bu və ya bu kimi müsbət müvəffəqiyyətlərə nail olmaq olduqca çətin bir məsələdir. Bütün bunlara baxmayaraq, Azərbaycanın stabil şəkildə tərəqqisi ötən il ərzində də çox uğurla baş tutdu və bu tərəqqinin səbəbi isə, təbii ki, Respublika daxilində olan əmin-amanlıqdır. Əlbəttə, bu firavan həyatın və cəmiyyət üzvləri arasında ictimai sabitliyin olması birbaşa olaraq ölkənin artan templə inkişafına səbəb olmuşdur. Ölkə rəhbərimiz cənab İlham Əliyevin vurğuladığı kimi: “Sabitlik olmadan heç bir ölkə inkişaf edə bilməz”. Həqiqətən də, Azərbaycan xalqının ən önəmli dəyəri onun cəmiyyətinin firavan həyat yaşamasıdır.
Ermənilərin Dağlıq Qarabağda narkotik plantasiyaları salması
Bəşəriyyətin əsas problemlərindən biri olan narkomaniyaya qarşı nə qədər səmərəli mübarizə aparılsa da, lakin hələ də sözügedən problemin tamamilə aradam qaldırılmasına nail olmaq mümkün deyil. Bunun isə bəzi obyektiv və subyektiv səbəbləri var. Başlıca səbəblərdən biri ayrı-ayrı dövlətlərin açıq və ya gizli şəkildə bu biznesdə iştirak etməsidir. Yaxud bəzi ölkələrdə narkotiklərin aşkar şəkildə satışına yaradılan şərait, narkoplantasiyaların salınmasıdır.
Türkiyə kürd planına zərbə vurdu
Artıq bir neçə gündür ki, Türkiyə Suriyada PKK-YPĞ/PYD-yə qarşı uğurlu antiterror əməliyyatları həyata keçirir. Hər nə qədər bu Türkiyənin haqqı olsa da, ancaq Ankaranın Suriya ərazisində antiterror əməliyyatları həyata keçirməsi bəzi gücləri razı salmayıb. Bir tərəfdən İran, digər tərəfdən Birləşmiş Ştatlar Ankaranın başlamış olduğu əməliyyatlara etirazlarını bildiriblər. Hətta Tehran bir qədər də irəli gedərək Ankaradan antiterror əməliyyatlarını dayandırmağı tələb edib. Buna oxşar mövqeni Qərb, Vaşinqton da sərgiləyib. Və belə olan halda haqlı olaraq belə bir mövqe ortaya çıxıb ki. deməli PKK və digər bu kimi terror təşkilatlarını dəstəkləyənlər elə Türkiyənin Suriyada apardığı antiterror əməliyyatına qarşı çıxanlardır.
“Avropa Şurası ikili standartlar siyasətindən əl çəkməlidir”
Avropa Şurası Parlament Assambleyasının (AŞPA) qış sessiyası çərçivəsində Büro və Daimi Komitənin ötən sessiyadan sonra keçən müddətdə görülən işlər barədə hesabatı dinlənilib və onun ətrafında geniş müzakirələr aparılıb. Parlament Assambleyası Bürosu və Daimi Komitəsinin “İnkişaf haqqında hesabatı” ətrafında müzakirələrdə Azərbaycan nümayəndə heyətinin üzvü Rafael Hüseynov da çıxış edərək diqqəti bir sıra mühüm məsələlərə çəkib. O, əvvəlcə Avropa Şurasının keçən müddətdəki fəaliyyətini xatırladaraq, keçmişdə buraxılmış nöqsanlara daha ciddi münasibət bildirməyin vacib olduğunu söyləyib.
Nikahdankənar uşaqların hansı hüquqları var?
Azərbaycanda qeyri-qanuni nikahların sayı artmaqda davam edir. Maraqlı məqam ondan ibarətdir ki, qanunsuz nikahlar cəmiyyətdə tam şəkildə də olmasa, müəyyən mənada qəbul edilməkdədir. Artıq heç kim belə ailələri qınamır, irad tutmur, bir çox qanunsuz ailələr isə özlərini daha çox xoşbəxt hiss etdiklərini dilə gətirirlər. Rəsmi statistik məlumata görə, Azərbaycanda 1990-cı ildə ölkə üzrə rəsmi qeydə alınmamış nikahda olan qadınlar tərəfindən doğulan uşaqların sayı həmin il ərzində doğulan bütün uşaqların 2,6 faizini (4800 uşaq) təşkil etdiyi halda, 2012-ci ildə belə uşaqların sayı ölkədə doğulan bütün uşaqların 15,5 faizini təşkil edərək 27 031-ə çatıb.
Bəzi qeyri-ənənəvi İslami məzhəblərdən ziyanlı çağırış
Zaman-zaman müəyyən məkirli qüvvələr, xaricdəki maraqlı dairələr Azərbaycanda dövlət-din münasibətlərinə dair yalnış təsəvvürlər, fikirlər formalaşdırmağa, cəmiyyətdə çaşqınlıq yaratmağa çalışırlar. Onlar hər vəchlə iddia edir və hım daxildə, həm də xaricdə belə fikir formalaşdırırlar ki, guya ölkəmizdə dövlət-din münasibətləri normal məcrada deyil, dindarlar təqib və təzyiqlərə məruz qalırlar və. s. Ancaq mövcud reallıq heç də antiAzərbaycan şəbəkənin iddia etdiyi durumdan ibarət deyil. Bunun tam əksi.
Azərbaycan iqtisadi inkişaf səviyyəsinə görə ön sıralarda gedir
Ölkədə həyata keçirilən uğurlu iqtisadi inkişaf strategiyasının nəticəsidir ki, Azərbaycanı inkişaf etmiş ölkələr sırasında görmək istəyimizi böyük inam və qətiyyətlə reallaşdıra bilirik. Qətiyyətlə demək olar ki, Azərbaycanın iqtisadi inkişaf modeli bir sıra dünya ölkələri üçün münumunə hesab edilə bilər. Ölkəmizin dinamik iqtisadi inkişafı artıq beynəlxalq təşkilatlar tərəfindən də təsdiqini tapır. Belə ki, ölkəmiz Dünya İqtisadi Forumunun illik “İnklüziv inkişaf indeksi - 2018” hesabatında inkişaf etməkdə olan ölkələr arasında üçüncü yeri tutub.Ümumi daxili məhsula alternativ qismində hazırlanmış “İnklüziv inkişaf indeksi” insanların öz ölkələrində iqtisadi inkişafı dəyərləndirmə meyarlarını daha dəqiq əks etdirir. Qeyd edək ki, cari hesabatda Azərbaycan 7 mümkün baldan 4,69 bal toplayıb. Hesabata əsasən, inkişaf etməkdə olan ölkələr indeksində Litva, Macarıstan, Azərbaycan, inkişaf etmiş ölkələr indeksində isə Norveç, İslandiya və Lüksemburq liderlik edirlər.
Çarşablı ordular və inqilabi bombalar
Almaniyada nasional-sosialistləri hakimiyyətə gətirəndə Adolf Hitler tiraniyası yalnız kişi ordularının üzərində qərar tutacağına əmin deyildi. Faşizmin dərin kök atması və insanların bətninə düşərək, münbit zəmində böyüməsi üçün alman qadınını öz müqəddəs sosial missiyasından çıxarmaq tələb olunurdu.”Kinder, kürche, kirche-uşaq, mətbəx, kilsə” şüarını ideal ailə modeli sayan böyük bir toplum mənəvi metamorfozaya uğrayaraq,yaxınlaşmaqda olan apokalipsisdən xəbər verirdi.
"Human Rights Watch" kimi təşkilatlar ölkəmizə təzyiq edə bilməz
"Human Rights Watch" təşkilatının Azərbaycana qarşı növbəti dəfə qərəzli hesabatı heç də təəccüb doğurmur. Çünki "Human Rights Watch" kimi təşkilatlar qərəzli hesabatlar hazırlayaraq kimlərinsə maraqlarına xidmət etdiklərini çoxdan təsdiqləyiblər. Eyni amala xidmət edən hüquq müdafiə təşkilatları illərlədir Azərbaycan dövlətinin maraqları əleyhinə çıxaraq ölkəmiz haqqında yalan məlumatlar yaymaqla məşğuldurlar.
Tarixi keçmişimizi təbliğ etmək üçün daha bir fürsət
Azərbaycan Prezidenti İlham Əliyevin “1918-ci il azərbaycanlıların soyqırımının 100 illiyi haqqında” sərəncamı ölkə ictimaiyyəti tərəfindən müsbət dəyərləndirilir. Ona görə ki, tarixdə müxtəlif soyqırım hadisələri baş verib və bu soyqırım hadisələri “Genosid cinayətinin qarşısının alınması və onun cəzalandırılması haqqında” Konvensiyanın təsnifatına, əhatə dairəsi və həyata keçirilmə formasına görə bütün dünya ölkələri tərəfindən qəbul olunur.
AŞPA baş katibi: “Avropa Şurası maliyyə böhranı yaşayır”
"Avropa Şurası (AŞ) maliyyə böhranı yaşayır, Rusiya və Türkiyədən yardımların eyni zamanda azalması ilə əlaqədar olaraq fəallığını azaltmaq məcburiyyətindədir". Bunu təşkilatın baş katibi Turbyorn Yaqland AŞPA deputatları qarşısında çıxış edərkən deyib.
Davosa 1.5 metrdən çox qar yağıb, qonaqlar yollarda qalıb
İsveçrənin məşhur dağ xizəyi kurortu olan Davosa yağan son 20 ilin ən güclü qarı hərəkəti iflic edib. Xatırladaq ki, bu gün burada Dünya İqtisadi Forumu başlamalıdır. Virtualaz.org “The Guardian” nəşrinə istinadən xəbər verir ki, küçələri və şose yollarını bağlamış qar dünya liderlərinin və məşhur iş adamlarının tədbirə planlaşdırılmış gəlişini ləngidə bilər.