Gündəm
Dekabrın 20-də 65 analoq TV yayım stansiyası söndürüləcək
“Dekabrın 20-də 10 Radio-televiziya yayım stansiyasında işləyən 65 analoq TV yayım stansiyası söndürüləcək”. Bunu APA-ya Milli Televiziya və Radio Şurasının (MTRŞ) Texniki nəzarət şöbəsinin müdiri, professor İsa Məmmədov deyib. O bildirib ki, analoq yayımın III mərhələdə dayandırılması nəzərdə tutulan Masallı, Beyləqan, Biləsuvar, Hacıqabul rayonlarında Radio-televiziya yayım stansiyası olmadığından, onlar TV verilişlərini qonşu rayondakı TV stansiyaları vasitəsilə izləyirlər.
İstirahət mərkəzlərində bütün yerlər bronlanıb
Hansı oteldə Yeni il gecəsi 2400 manata başa gəlir? Ölkədə baş verən devalvasiyadan sonra ərzaq və qeyri-ərzaq məhsullarının qiymətlərində bahalaşma müşahidə olunur. Qiymət artımı həm idxal, həm də yerli məhsullarda özünü göstərir. Dövlət Statistika Komitəsinin (DSK) son məlumatına görə, 2016-cı ilin yanvar-noyabr aylarında istehlak məhsulları və xidmətlərin qiymətləri 2015-ci ilin eyni dövrünə nisbətən 12,1 faiz, o cümlədən ərzaq məhsullarının qiymətləri 14,1 faiz, qeyri-ərzaq məhsullarının qiymətləri 16,8 faiz, əhaliyə göstərilən ödənişli xidmətlərin qiymətləri 5,6 faiz bahalaşıb. 2016-cı ilin noyabr ayında oktyabr ayına nisbətən istehlak məhsullarının və xidmətlərin qiymətləri 1,7 faiz, o cümlədən ərzaq məhsullarının qiymətləri 2,6 faiz, qeyri-ərzaq məhsullarının qiymətləri 1,9 faiz, əhaliyə göstərilən ödənişli xidmətlərin qiymətləri isə 0,3 faiz bahalaşıb.
FES-in qərarı manatın taleyinə necə təsir göstərəcək?
Pərviz Heydərov: “Manatın məzənnəsini FES-in qərarlarına bağlamaq düzgün deyil” Uzun müddətdən sonra nəhayət ki, gözlənilən oldu. Əslində bu dünya ölkələri üçün arzuedilən bir situasiya deyildi. Amma bütün bunlara baxmayaraq Birləşmiş Ştatların Federal Ehtiyat Sisteminin (FES) Direktorlar Şurası əsas uçot dərəcəsini 0,5‒ 0,75 faizədək artırmaq barədə qərar qəbul etdi. Bu da son qərar kimi dəyərləndirilmir. Amerikalı iqtisadşılar hesab edirlər ki, FES 2017-ci ildə ABŞ-ın stabil iqtisadi göstəricilərini nəzərə alıb uçot dərəcələrini artırmaqla bağlı daha 2 dəfə də qərar çıxaracaq.
Suriyada yaşanan insanlıq dramı və beynəlxalq güclərin mübarizəsinin yeni mərhələsi
Suriyada proseslər yenidən arzuedilməz məcraya yönəlir. İŞİD-ə qarşı İraqda başlanan hərbi əməliyyatlardan sonra terror təşkilatının Suriyadakı bazalarının da tezliklə məhv ediləcəyi proqnozlaşdırılsa da, gözlənilənlərin əksi baş verdi. Belə ki, İŞİD tam əksinə Suriyada yeni mövqelər ələ keçirdi, bir müddət əvvəl itirdiyi ərazilərə yenidən nəzarəti ələ aldı. İndi Suriyada əsl insanlıq cinayəti yaşanır. Xüsusilə Hələb bu cinayətin baş verdiyi əsas məntəqədir. Bir tərəfdən Əsəd qüvvələri, digər tərəfdən İŞİD-in ağır artilleriya zərbələri hər gün yüzlərlə insanın həyatına son qoyur. Sanki Suriya uğrunda mübarizə yeni başlayır.
