Kriminal
Nardaran sakini silahını polisə könüllü təhvil verib
Daha bir Nardaran sakini silahını polisə təhvil verib. Daxili İşlər Nazirliyinin mətbuat xidmətindən “Olaylar”a verilən məlumata görə, aparılan profilaktiki tədbirlər nəticəsində Sabunçu rayonunun Nardaran qəsəbə sakini Ağasəməd Novruzov “İJ-16” markalı tüfəngi könüllü olaraq 42-ci Polis Bölməsinə təhvil verib.
Banka basqın edən tərkisilah edilib
Yanvarın 18-də paytaxtın Yasamal rayonu ərazisindəki banklardan birinə quldurluq yolu ilə basqın edərək, vətəndaşların həyatı üçün təhlükə törədən silahlı şəxs cinayət başında yaxalanıb. Daxili İşlər Nazirliyindən “Olaylar”a verilən məlumata görə, Yasamal Rayon Mühafizə İdarəsinin əməkdaşları tərəfindən qorunan banklardan birinin Yasamal filialından Mərkəzi Mühafizə Məntəqəsinə “həyəcan” siqnalı daxil olub.
Fədayə Laçının apellyasiya şikayəti təmin edilmədi
Yanvarın 19-da Bakı Apellyasiya Məhkəməsində Bakıda məhbusların qaçmasına kömək göstərməkdə təqsirləndirilən müğənni Fədayə Laçının həbs müddətinin uzadılması ilə bağlı məhkəmə qərarından verilən apellyasiya şikayətinə baxılıb. Bu barədə onun vəkili Türkel Süleymanlı məlumat verib.Onun sözlərinə görə, hakim Həsən Əhmədovun sədrliyi ilə keçirilən prosesdə qərar elan olunub. Qərara əsasən, apellyasiya şikayəti təmin edilməyib, birinci instansiya məhkəməsinin çıxardığı qərar dəyişdirilmədən saxlanılıb. Xatırladaq ki, Nəsimi Rayon Məhkəməsinin qərarına əsasən, F.Laçının barəsində seçilmiş həbs qətimkan tədbirinin müddəti daha 3 ay artırılıb.
Evi qarət edən qadının qolları qandallanıb
Bakıda mənzildən 5000 dollar oğurlayan qadın tutulub. DİN-dən “Olaylar”a veriln mlumata görə, yanvarın 17-də Bakı şəhər sakini olan qadın Yasamal Rayon Polis İdarəsinin 26-cı Polis Bölməsinə müraciət edərək evindən pulunun oğurlandığını bildirib.
Avtomobil piyadanı vurub 50 metr kənara atdı
Abşeronda piyadanın ölümü ilə nəticələnən ağır yol-nəqliyyat hadisəsi baş verib. Məlumata görə, əslən Füzuli rayonundan olan 1980-ci il təvəllüdlü Ocaqverdiyev Mahir Bayram oğlu Bakı-Sumqayıt yolunun Ceyranbatan qəsəbəsi ərazisindən keçən hissəsində yolu keçmək istəyərkən qarşı tərəfdən gələn naməlum avtomobil tərəfindən vurulub.
Fermada qətl - Şamaxı sakini qonşusunu güllələdi
Şamaxı rayonunda qətl hadisəsi törədilib. Məlumata görə, hadisə rayonun Acıdərə kəndi ərazisindəki mal-qara fermasında qeydə alınıb. Rayonun Quşçu kənd sakini, 1996-cı il təvəllüdlü Binyətov Natiq Şirbala oğlu şəxsi münasibətlər zəminində aralarında baş verən dava zamanı ov tüfəngindən atəş açaraq qonşusu, 1980-ci il təvəllüdlü Hacıyev Zaur Seyidağa oğlunu güllələyib.
Keçmiş MTN-in şöbə rəisi məhkəmədə rüşvət almadığını deyib
Bu gün Bakı Apellyasiya Məhkəməsində ləğv edilmiş Milli Təhlükəsizlik Nazirliyinin (MTN) istintaq idarəsinin həbsdə olan sabiq şöbə rəisi Vüsal Ələkbərovun barəsindəki hökmdən verilən apellyasiya şikayəti üzrə məhkəmə prosesi davam etdirilib.
Dünya çempionunu öldürən azərbaycanlının atası qətlə yetirildi - Qisas, yoxsa...
Rusiya İstintaq Komitəsinin Xabarovsk əyaləti üzrə İstintaq İdarəsi pauerliftinq üzrə dünya və Avropa çempionu Andrey Draçovun qətlində təqsirli bilinən azərbaycanlı Anar Allahverənovun atasının ölümünün qisas olub-olmadığı araşdırır.
Qəza törədərək hadisə yerindən qaçan sürücü saxlanıb
Qəza törədərək hadisə yerindən qaçan sürücü saxlanıb. DİN-dən “Olaylar”a verilən məlumata görə, yanvarın 14-də Balakən rayon sakini Nurlan Sabirovun aldığı ağır xəsarətlər nəticəsində xəstəxanaya yerləşdirilməsi barədə Rayon Polis Şöbəsinə məlumat daxil olub. Dərhal müvafiq tədbirlər həyata keçirilib.
Qeydiyyatdan keçməyən 400 ədəd dini ədəbiyyat müsadirə edilib
Paytaxtda qeydiyyatdan keçməyən dini ədəbiyyatın satılması faktı aşkar edilib. DİN-dən “Olaylar”a verilən məlumata görə, Baş İctimai Təhlükəsizlik İdarəsi, Sabunçu RPİ-nin 13-cü Polis Bölməsi və Dini Qurumlarla İş üzrə Dövlət Komitəsinin əməkdaşları tərəfindən Sabunçu rayonunun Sülh küçəsində yerləşən “Ənsar” mağazasına baxış zamanı Dini Qurumlarla İş üzrə Dövlət Komitəsindən qeydiyyatdan keçməyən 400 ədəd dini ədəbiyyat aşkar edilərək götürülüb.
"Çudo Peçka”nın baş direktoru: “MTN əməkdaşları tərəfindən həbs edildim, məndən 2 milyon manat istədilər"
Bakı Ağır Cinayətlər Məhkəməsində "Çudo Peçka” və “ÇP Aqro” MMC-nin təsisçisi Çingiz Cəlilovun cinayət işi üzrə məhkəmə iclası davam etdirilib. Hakim Əhməd Quliyevin sədrlik etdiyi iclasda şahid qismində Ç. Cəlilovun qardaşı Pərviz Cəlilov ifadə verib. O, "Çudo Peçka" şirkətində baş direktor işlədiyini deyib. Bildirib ki, 2001-ci ildə şirkəti yaradıblar: "Orta hesabla ildə 2-3 dükan açırdıq.
Bakıda banka basqın oldu – Son Dəqiqə
“Turanbank”ın Bakıdakı filiallarından birinə basqın olub. Hadisə bankın Nizami küçəsi-53 ünvanında yerləşən Yasamal filialında qeydə alınıb.
Qohumunu qətlə yetirən saxlanıb
Saray qəsəbəsindən baş verən qətlin üstü açılıb. DİN-dən “Olaylar”a verilən məlumata görə, yanvarın 15-də Abşeron rayonunun Saray qəsəbəsindən qəsəbə sakini Muğan Şalikovun yıxılaraq kəllə-beyin travması alaraq xəstəxanaya yerləşdirilməsi barədə DİN-in “102 Xidməti-Zəng Mərkəzi”nə məlumat daxil olub.
Röyanın qayınatası özünü təqsirli bilmədi
"Çudo Peçka" və "ÇP Aqro" MMC-lərin təsisçisi Çingiz Cəlilov və Bank Standartın İdarə Heyətinin keçmiş sədri Heydər Orucovun cinayət işi məhkəmə prosesi başlayıb. Bu gün Bakı Ağır Cinayətlər Məhkəməsində hakim Əhməd Quliyevin sədrliyi ilə baş tutan prosesdə prokuror ittiham aktını elan edib. İttihama münasibət bildirən Çingiz Cəlilov özünü təqsirli saymayıb.