Gündəm
Saşa: ""İnter" əvvəlki gücündə deyil"
Uzun müddət "Neftçi"də çıxış etmiş, hazırda Qazaxıstanın "Okjetpes" klubunun şərəfini qoruyan serbiyalı qolkiper Saşa Stamenkoviç ölkəsinin mətbuatına açıqlama verib.
Daxili orqanında heroin, tiryək, həşiş qətranı və metadon aşkar edildi
Biləsuvar Gömrük İdarəsinin "Qoşa Təpə" gömrük postunda İran İslam Respublikasından Azərbaycan Respublikasına piyada gələn Azərbaycan vətəndaşı saxlanılaraq üzərində şəxsi yoxlama aparılıb. Dövlət Gömrük Komitəsindən “Olaylar”a verilən məlumata görə, şəxsi yoxlama zamanı zərurət yarandığı üçün sözügedən vətəndaşın daxili orqanları həkim müayinəsindən keçirilib. Nəticədə, həmin şəxsin düz bağırsağında narkotik vasitələr - 2 ədəd bükümdə ümumi xalis çəkisi 57,2 qram olan heroin, 1 bükümdə xalis çəkisi 6,0 qram olan tiryək, 1 bükümdə xalis çəkisi 1,981 qram olan həşiş qətranı, eləcə də 4 ədəd metadon adlı həb aşkar edilib. Faktla bağlı araşdırma aparılır.
Gizlədilən narkotik vasitə xidməti itin köməyi ilə aşkara çıxarıldı
Biləsuvar Gömrük İdarəsinin "Qoşa Təpə" gömrük postunda İran İslam Respublikasından Azərbaycan Respublikasına gələn İran vətəndaşının idarə etdiyi "Scania" markalı, 74B260-10 dövlət qeydiyyat nişanlı sərnişin avtobusuna kinoloji xidmət iti tətbiq edilməklə baxış keçirilib.
Sənubər İsgəndərlidən həmkarına: "Mənə olan sevgini qəbiristanlıqda basdırdım" - VİDEO
ARB TV-nin "Gəlin danışaq" proqramının qonağı olan əməkdar artist Əjdər Həmidov maraqlı açıqlamaları ilə diqqət çəkib. Proqram zamanı əməkdar artistin rol aldığı "Kişi sözü" filmindən qəbiristanlıqda çəkilən səhnə yayımlanıb. Həmin filmdə aktyorun tərəf müqabili olan xalq artisti, aktrisa Sənubər İsgəndərli müsahibə zamanı həmkarı barəsində ürək sözlərini bölüşüb: "Əjdərlə ikimizin debütü olub filmdə. İkimiz də eyni həyəcanı keçirirdik. Film, kamera nə idi bilmirdik. O vaxtdan başlayan dostluğumuz, artıq 30 il keçib üzərindən, amma hələ də davam edir. Heç vaxt şöhrət başını gicəlləndirməyib. Əjdər elə odur. Çəkisi belə artmadı. Xarici görkəmi belə dəyişmədi. Əjdər, mənə olan sevgini qəbiristanlıqda basdırdım. Amma o "Qasımçik" idi. Bilirəm ki, mənə olan dostluğun sənin ömürlükdür. Çünki bu qarşılıqlıdır. Sənə xəstəlik yaraşmır. Heç vaxt xəstələnmə".
.jpg)
Səmərqənddə “Azərbaycan milli libasları - Qarabağ geyimləri” sərgisi açılıb
Daşkənddəki Heydər Əliyev adına Azərbaycan Mədəniyyət Mərkəzinin (AMM) layihəsi və təşkilatçılığı ilə Səmərqənddə keçirilən Azərbaycan mədəniyyəti günləri çərçivəsində şəhərin Mərkəzi park-bulvarında “Azərbaycan milli libasları - Qarabağ geyimləri”nin dəb sərgisi keçirilib.
Məleykə: "Məni ruhdan salmaq üçün dedi-qodu yayanlar..."
Xalq artisti Məleykə Əsədova 90-cı illərdə şəklinin şokolad qutularının üzərinə vurulmasından danışıb. "10-dan sonra" verilişinin qonağı olan aktrisa həmin şəkillərin müqavilə əsasında qutulara vurulduğunu deyib: "1997-1998-ci illərdə həmin şokolad qutuları Türkiyədən gətirilirdi. Müqaviləmiz var idi.
Tutulan erməni kəşfiyyatçı ilə bağlı tərəflərlə dialoq başladı
Beynəlxalq Qızıl Xaç Komitəsi (BQXK) ötən gün Azərbaycan hərbçiləri tərəfindən saxlanılan erməni ilə bağlı tərəflərlə dialoqa başlayıb. BQXK-nın Azərbaycan nümayəndəliyinin İctimaiyyətlə əlaqələr şöbəsinin rəhbəri İlahə Hüseynova bildirib ki, BQXK saxlanılan şəxsə baş çəkmək üçün aidiyyəti tərəflərlə ikitərəfli konfidensial dialoq aparır: "Münaqişə nəticəsində saxlanılan şəxslərə baş çəkmə beynəlxalq humanitar hüquq normalarına görə BQXK-nın mandatıdır".
“Cəlilabad” ticarət mərkəzi yanıb
Cəlilabad şəhərində fəaliyyət göstərən “Cəlilabad” ticarət mərkəzində yanğın baş verib. Fövqəladə Hallar Nazirliyindən “Olaylar”a verilən məlumata görə, nəticədə ümumi sahəsi 4600 m2 olan “Cəlilabad” ticarət mərkəzinin dam örtüyünün yanar konstruksiyaları 120 m2 sahədə, içərisində olan müxtəlif mağazalar və əşyalar 400 m2 sahədə yanıb. Ticarət mərkəzinin qalan hissəsi yanğından mühafizə olunub. Yanğın saat 20:05-də yanğınsöndürənlər tərəfindən söndürülüb.
DİN arvadı və 40 günlük körpəsini öldürən şəxs barədə məlumat yaydı
Daxili İşlər Nazirliyi (DİN) arvadı və 40 günlük körpəsini qətlə yetirən şəxs barədə məlumat yayıb. “Olaylar” xəbər verir ki, DİN-in məlumatına görə, uyunun 21-də Daşkəsən rayonunun Şahvələdli kəndində kənd sakini Kamilə Məmmədovanın və 40 günlük qızının küt alətlə qətlə yetirilən meyitləri evlərində tapılıb. Polis və prokurorluq orqanları əməkdaşlarının birgə həyata keçirdikləri istintaq və əməliyyat tədbirləri nəticəsində hadisəni münaqişə zəminində törətməkdə şübhəli bilinən K.Məmmədovanın əri, əvvəllər məhkum olunmuş Raqif Ələkbərov tutulub.
Təcridxanada uşaq dünyaya gətirən qadına hökm oxunub
Bu gün Bakı Ağır Cinayətlər Məhkəməsində oğurluqda təqsirləndirilən Gülşən Bəkirova, Zoya Nadirova və Xalidə Bəkirovanın cinayət işi üzrə məhkəmə prosesi başa çatıb. Hakim Azər Orucovun sədrliyi keçirilən prosesdə hökm oxunub. Hökmə əsasən, G. Bəkirova 8 il, X. Bəkirova 8 il 6 ay müddətinda azadlıqdan məhrum edilib. Z. Nadirova isə 3000 min manat məbləğində cərimə edilib.
Zaxarova: “Həmsədrlərin son bəyanatı Rusiya XİN-in mövqeyini tam əks etdirir”
“ATƏT-in Minsk qrupu həmsədrlərinin regiona səfərinin yekunlarına dair bəyanatı Rusiya Xarici İşlər Nazirliyinin məsələ ilə bağlı mövqeyini tam əks etdirir”. Bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib.
İŞİD Mosulu tərk edən ailələrin uşaqlarını öldürür - UNİCEF
İŞİD İraqın Mosul şəhərini tərk etmək istəyən ailələrin uşaqlarını öldürür. Bu barədə BMT-nin Uşaq Fondu (UNİCEF) məlumat yayıb.
İtaliyada ilk dəfə olaraq Azərbaycan film festivalı
İyunun 22-24–də Romanın “Villa Borghese” parkındakı tarixi “Casa del Cinema” kino evində İtaliyada ilk dəfə olaraq Azərbaycan film festivalı keçiriləcək. Kinostudiyadan “Olaylar” - a bildirilib ki, festival Heydər Əliyev Fondunun, Mədəniyyət və Turizm Nazirliyinin, ölkəmizin İtaliyadakı səfirliyinin və digər qurumların dəstəyi ilə təşkil olunacaq. Festivalın keçirilməsində məqsəd Azərbaycan ilə İtaliya arasında mədəni əlaqələri gücləndirməkdi. Festivala iyunun 22-də “Əli və Nino” filminin nümayişi ilə start veriləcək. Açılışda filmin nümayişindən öncə İtaliyanın kino və akademik dairələrinin nüfuzlu nümayəndələrinin çıxışları nəzərdə tutulur.
Polşada kütləvi məzar aşkar edildi
Polşanın şərqində 150 il əvvəl yaşanan döyüş əsnasında ölən Rus əsgərlərinə aid kütləvi məzar aşkar edilib. “Olaylar” “Miliyyet” - ə istinadən bildirirlər ki, toplu məzarda təxminən 80 əsgərin olduğu, yan-yana basdırılan əsgərlərin cəsədlərin çoxunda maraqlı bir detal gözə dəyib. Belə ki, cəsədlərin hamısında basdırılarkən ağzlarının qışqıraraq açıq olması Arxeoloqların diqqətinə səbəb olur. Qalıqlar Zerdz şəhərindəki Lublin Warsaw ekspres quru yolu üzərində arxeoloqların reallaşdırdığı işlər əsnasında ortaya çıxarıldı.
Azərbaycana gətirilən oğurluq maşın gömrükdə saxlanıldı
Avtonəqliyyat Baş Gömrük İdarəsi Gömrük hüquqpozmalarına qarşı mübarizə şöbəsinin əməkdaşları daxil olmuş əməliyyat məlumatı əsasında Azərbaycan vətəndaşı Cəfərov Zakir İsrafil oğlu tərəfindən “Sərbəst dövriyyə üçün buraxılış” gömrük rejimində rəsmiləşdirmək üçün ölkəyə gətirilmiş 2016-cı il buraxılışlı “MERCEDES BENZ VİTO TOURER” markalı nəqliyyat vasitəsinə baxış keçiriblər.