Mədəniyyət
“Nəsimi ili” ilə bağlı tədbirlər planı
Prezident İlham Əliyevin 11 yanvar tarixli Sərəncamına əsasən, böyük Azərbaycan şairi İmadəddin Nəsiminin 650 illik yubileyi münasibətilə 2019-cu il “Nəsimi ili” elan edilib. Olaylar.az bildirir ki, bu əlamətdar hadisəylə bağlı bir çox təhsil və mədəniyyət müəssisələrində irimiqyaslı tədbirlərin keçirilməsi nəzərdə tutulur.
Filarmoniya səhnəsindən müasir musiqi səslənəcək
Fevralın 20-də Azərbaycan Dövlət Akademik Filarmoniyasında “Şnitke.Qarayev.Şostakoviç” adlı müasir musiqi axşamı keçiriləcəkdir.
“Keçmişə səyahət” kitabı təqdim edildi
Azərbaycan Milli Elmlər Akademiyası Milli Azərbaycan Tarixi Muzeyinin nəzdində fəaliyyət göstərən “Hacı Zeynalabdin Tağıyev Klubu”nun növbəti tədbiri keçirilib. Olaylar.az bildirir ki, tədbirdə geologiya-mineralogiya üzrə fəlsəfə doktoru Səidə Mirizadənin “Keçmişə səyahət” (rus dilində) kitabının təqdimatı olub.
Şərtləri açıqlandı - Buktreyler Festivalında
Kinoaktyor, prodüser Ruslan Sabirlinin təşəbbüsü, Mədəniyyət Nazirliyinin dəstəyi ilə keçirilən Buktreyler Festivalının növbəti, sayca dördüncü mövsümündə iştirak etməyin şərtləri açıqlanıb. Olaylar.az bildirir ki, festivala yaşından asılı olmayaraq arzu edən hər kəs qatıla bilər. Festivalda çap şəklində nəşrdən çıxmış (nəşr ilindən asılı olmayaraq) Azərbaycanlı müəllifin kitabından və ya kitab seriyasından bəhs edən buktreylerlər iştirak edəcək.
Aşıqlar Sarayda bir araya gələcək
Martın 5-də Heydər Əliyev Sarayı və Azərbaycan Aşıqlar Birliyinin birgə təşkilatçılığı ilə “Yaz bayramı – saz bayramı” adlı konsert proqramı təqdim olunacaq. Heydər Əliyev Sarayında reallaşacaq konsertdə ustad aşıqlar, gənc saz ifaçıları, mədəniyyət və incəsənət xadimləri iştirak edəcək.
“Dahi hekayəçi” növbəti dəfə səhnədə
Azərbaycan Dövlət Akademik Opera və Balet Teatrında ilin yeni baleti - Frans Şubertin musiqisi əsasında səhnəyə hazırlanmış “Dahi hekayəçi” növbəti dəfə təqdim olunub. Olaylar.az bildirir ki, balet görkəmli Danimarka yazıçısı Hans Xristian Andersenin nağıllarına həsr edilib. Səhnə əsərinin süjet xəttini yazıçının “Kənd xoruzu və flüger”, “Qar kraliçası”, “Düyməcik”, “Qalay əsgər”, “Sehrli dibçək”, “Kralın təzə libası” kimi dünyaca məşhur olan nağılları təşkil edir. Andersenin nağılları əsasında baletin librettosunu Əjdər Ulduz yazıb. Tamaşanın quruluşçu baletmeysteri Opera və Balet Teatrı balet truppasının bədii rəhbəri, Xalq artisti, Kamilla Hüseynova, dirijoru Orxan Həşimov, quruluşçu rəssamı Əməkdar mədəniyyət işçisi Tehran Babayevdir.
Cəfər Cabbarlinin şəxsi arxivi rəqəmsallaşdırılır
Prezident İlham Əliyevin “Cəfər Cabbarlının 120 illiyinin qeyd edilməsi haqqında” 2018-ci il 17 dekabr tarixli Sərəncamına əsasən hazırlanmış tədbirlər planına uyğun olaraq, böyük yazıçı və dramaturqun AMEA-nın Əlyazmalar İnstitutunda saxlanılan şəxsi arxiv materiallarının rəqəmsallaşdırılmasına başlanılıb.
"Anarın ruhu narahatdır..." - Keçmiş arvadı
ARB TV-nin “Show news” proqramının növbəti müsahibi mərhum reper Anar Nağılbazın həyat yoldaşı Anjelika olub. O, uşaqlarının ataları üçün darıxdığını bildirib: “Anarı yuxumda gördüm. Dedi, tərpənə bilmirəm. Üzü həm görünürdü, həm görünmürdü, qarışıq yuxu idi. Fikirləşdim, bəlkə paltarları qalıb ona görə ruhu narahatdır. Yaxşı olardı ki, ailəmiz dağılmayaydı. Özünə də demişdim ki, gün gələcək ailəmizi dağıdacaqlar, peşman olacaqsan.
Xalq rəssamının 80 illik yubileyi keçiriləcək
Olaylar.az bildirir ki, fevralın 15-də Azərbaycan Respublikasının Mədəniyyət Nazirliyi, Azərbaycan Dövlət Rəsm Qalereyasının təşkilatçılığı ilə Muzey Mərkəzində Xalq rəssamı Rafis İsmayılovun 80 illik yubileyi keçiriləcəkdir. Rafis Rza oğlu İsmayılov 30 mart 1939-cu ildə Bakı şəhərində anadan olmuşdur. O, 1962-ci ildə Əzim Əzimzadə adına Azərbaycan Dövlət Rəssamlıq məktəbini (müəllimləri: Kamil Xanlarov və Abdulxalıq), 1972-ci ildə isə Moskva Ümumittifaq Dövlət Kinematoqrafiya İnstitutunu (müəllimləri: M.A. Boqdanov, Nemenskiy və Qenadiy Myasnilkov) bitirmişdir. “Azərbaycanfilm” Kinostudiyasında 1970-2007-ci ildə quruluşçu-rejissor işləmiş, 30-dan artıq bədii filmə rəssamlıq üzrə quruluş vermişdir.
“Balaca şahzadə”nin premyerası təxirə salındı
Premyerası fevralın 21-də Azərbaycan Dövlət Musiqili Teatrında nəzərdə tutulan Antuan de Sent-Ekzüperinin “Balaca şahzadə” əsərinin motivləri əsasında hazırlanan eyniadlı tamaşanın premyerası təxirə salınıb. Olaylar.az bildirir ki, beynəlxalq layihə kimi təqdim olunan tamaşanın premyera tarixi ilə bağlı ictimaiyyətə yaxın vaxtlarda məlumat veriləcək.
Cəlil Məmmədquluzadənin 150 illik yubileyi Mədəniyyət evində qeyd edildi
Bakı Şəhər Mədəniyyət Baş İdarəsinin Ş.Ələkbərova adına Mədəniyyət evində Azərbaycan ədəbiyyatının görkəmli nümayəndəsi, yazıçı, dramaturq, publisist və ictimai xadim Cəlil Məmmədquluzadənin anadan olmasının 150 illik yubileyinə həsr olunmuş tədbir keçirib. Olaylar.az bildirir ki, tədbiri Mədəniyyət evinin direktoru Cabbar Süleymanov açaraq böyük sənətkarın həyat və yaradıcılığı barədə məlumat verib.