Gündəm

"Prezident şəhid ailələrinə böyük qayğı, hörmət və ehtiram göstərir"

29 Yanvar 2019 13:26

Paşinyan Qarabağ münaqişəsinin həllində Rusiyanın vasitəçiliyini qəbul etmir

29 Yanvar 2019 13:18

Rusiya ilə Ermənistan arasında hələ də bir çox problemlər həllini tapmamış qalır. Keçən ilin aprelində işğalçı ölkədə baş verən hakimiyyət dəyişikliyi və inqilabçı Nikol Paşinyanın hakimiyyəti zəbt etməsi ilə gərginləşən Moskva-İrəvan münasibətləri hər ötən gün özü üçün yeni problemlərə yol açır. Paşinyanın İrəvanın yolunu Rusiyadan Qərbə doğru çevirmək istəyi Kreml tərəfindən ciddi narazılıqla qarşılansa da, inqilabçı baş nazir hələlik geri dönüş etmək fikrində görünmür. Elə bu səbəbdən də Moskva tərəfindən Ermənistana qarşı təzyiqlər artır. Hər halda sabiq prezident Robert Köçəryana Rusiyadan siyasi dəstəyin verilməsi, Paşinyanın siyasi təzyiqinə məruz qalan erməni siyasətçilərin himayə edilməsi bunların əyani sübutudur. Bütün bunların fonunda eyni zamanda “Qazprom”un Ermənistana satdığı qazın qiymətini qaldırmaq barədə açıqlaması İrəvanın Moskva tərəfindən əməlli-başlı küncə sıxışdırılması deməkdir. Hətta Ermənistanın baş naziri Nikol Paşinyanın müntəzəm olaraq Moskvaya gedərək Rusiya prezidenti Vladimir Putinlə danışıqlar aparması da öz müsbət nəticəsini vermir. Bu günlərdə Paşinyanın yenidən Putinlə görüş üçün xahiş etməsi və Kreml rəhbəri ilə bir artaya gəlməsi belə problemlərin həllinə yol aça bilmədi.