Gündəm
“Ölülər” beynəlxalq festivalda çıxış edəcək
Azərbaycan Dövlət Akademik Milli Dram Teatrı “Ölülər” tamaşası ilə Azərbaycanı Mahaçqalada keçiriləcək beynəlxalq teatr festivalında təmsil edəcək. Olaylar.az bildirir ki, festival Dağıstanın Mədəniyyət Nazirliyi, Teatr Xadimləri İttifaqı və M.Qorki adına Dövlət Respublika Rus Dram Teatrının təşkilatçılığı ilə baş tutacaq. Bu, Dağıstanda ilk dəfə keçirilən Xəzəryanı Dövlətlərin Beynəlxalq Milli Teatr Festivalıdır.
Nəsimi yaradıcılığına həsr olunmuş rəsm müsabiqəsi
Mədəniyyət Nazirliyi Azərbaycan Rəssamlar İttifaqı ilə birlikdə böyük Azərbaycan şairi və mütəfəkkiri İmadəddin Nəsiminin yaradıcılığına həsr olunmuş “Şairə ithaf” adlı respublika rəsm müsabiqəsini elan edib. Olaylar.az bildirir ki, müsabiqədə Azərbaycan Rəssamlar İttifaqının üzvləri, o cümlədən respublikada fəaliyyət göstərən ali və orta ixtisas məktəblərinin magistr tələbələri iştirak edə bilərlər. Müsabiqəyə təqdim olunacaq əsərlərə Mədəniyyət Nazirliyi və Azərbaycan Rəssamlar İttifaqının mütəxəssislərindən və tanınmış rəssamlardan ibarət Komissiya tərəfindən baxılacaq. Qaliblərə heykəltəraşlıq, rəngkarlıq, qrafika (o cümlədən kitab qrafikası), dekorativ-tətbiqi sənət nominasiyaları üzrə mükafat və diplomlar təqdim olunacaq.
Brilliant Dadaşova məktəb direktorunu BİABIR ETDİ: "İnsani keyfiyyətlərdən məhrumsunuz"
Xalq artisti, görkəmli sənətkar Brilliant Dadaşova bir neçə gündür gündəmdən düşməyən 8-ci sinif şagirdi Elina Hacıyevanın intiharı haqqında fikirlərini instaqramda paylaşıb. Müğənni şagirdi faciəli şəkildə vəfat edən 162 nömrəli tam orta məktəbin direktoru Sevinc Abbasovanın mətbuatda yayılan səs yazısına münasibət bildirib. O, bildirib ki, məktəblinin ailəsi haqqında təhqiramiz fikirlər səsləndirmək təhsil işçisinə yaraşan hərəkət deyil:
“WhatsApp”da yenilik - “feyk” mesajların yayılmasının qarşısı alınacaq
Bir neçə dəfə göndərilmiş mesaj qruplarda göstərilməyəcək. Bu, “feyk” mesajların yayılmasını çətinləşdirəcək. Güman ki, “WhatsApp” tez-tez göndərilən mesajları gizlətmək imkanını əlçatan edəcək. Bu haqda “WABetainfo” nəşri məlumat yayıb. Sözügedən funksiya proqramın beta-versiyasında aşkar edilib.
Fransa Müəssisələr Hərəkatının prezidenti Bakıya səfər edəcək
Bu ilin iyul ayında Fransa Müəssisələr Hərəkatının (MEDEF) prezidenti Jöfrua Ru dö Bözye “MEDEF International” təşkilatının müəssisələrinin təmsilçilərindən ibarət nümayəndə heyəti ilə Bakıda səfər edəcək. Bu, MEDEF-in prezidentinin Qafqaz regionuna ilk səfəridir.
UNESCO-nun xoşməramlı səfiri Heydər Əliyev Sarayında konsert proqramı ilə çıxış etdi
Heydər Əliyev Sarayında dünyaca məşhur virtuoz pianoçusu, Rusiyanın Xalq artisti, UNESCO-nun xoşməramlı səfiri Denis Matsuyev konsert proqramı ilə çıxış edib. Konsertdə pianoçu L.V.Bethovenin fortepiano üçün “17 nömrəli Sonata”sını, S.V.Raxmaninovun fortepiano üçün Korelli mövzusunda variasiyalarını, F.Şopenin “4 nömrəli Ballada”, P.İ.Çaykovskinin “Düşüncə”, S.S.Prokofyevin fortepiano üçün “7 nömrəli sonata”sını ifa edib.
“Böyük tikə olub, boğazında qalaram” - Ramaldan Abbasa
Müğənni Ramal İsrafilov əməkdar artist Abbas Bağırovun “Söhbətsiz” verilişində onun ünvanına səsləndirdiyi fikirlərə münasibət bildirib. İfaçı sərt reaksiya verərək, ona İnstaqramda cavab yazıb: “Bu həyatda ailəmdən başqa təşəkkür edəcəyim, qarşısında üzükölgəli olduğum, minnət borcumun olduğu heç kim yoxdur. İçi Abbas Bağırov olmaqla. Musiqiçi və ifaçı kimi kariyeramın efirə qədərki və efirdən sonrakı dövrü var. Toylar, el məclisləri hələ uşaq yaşlarımda idarə etdiyim meydan olub və burada ustad sənətkarlar görmüşəm. Onlardan da bəhrələnmişəm. Bir çox festvivallarda çıxış etmişəm. “A-Trio” qrupuna isə mən israrla gətirilmişəm - minnətlə yox... “A-Trio”dan əvvəl bəstələrimi artıq estrada ulduzları oxuyurdu. Yəni, “A-Trio” həyatımda dönüş nöqtəsi olmadı, sadəcə fərqli bir səhifə oldu. Abbas Bağırov açıqlamasında “böyük” görünmək istəyib və guya “böyüklük” edib. D
“Creative Business Cup”un Azərbaycan üzrə Milli mərhələsinə layihə qəbulu və seçimi başa çatıb
Mədəniyyət Nazirliyinin əsas tərəfdaşlığı və “Social Innovation Lab (Sil.)” innovasiya mərkəzinin rəsmi təşkilatçılığı ilə yaradıcı və mədəniyyət sənayeləri üzrə beynəlxalq startap proqramı-“Creative Business Cup (CBC)”un Azərbaycan üzrə 2019-cu il üçün Milli mərhələsinə layihə qəbulu başa çatıb. Nazirlikdən Olaylar.az-a bildirilib ki, müraciət müddətində müsabiqəyə 168 onlayn qeydiyyat içərisindən 49 tam müraciətlə startap layihələri təqdim edilib. Martın 16-dək layihələrin dəyərləndirilməsi aparılıb və 19 layihə proqrama qəbul olunub.
Pompeo İranı hücumla hədələdi
Əgər İran hakimiyyəti Yaxın Şərqdə ABŞ-a hərbi hücuma qərar verərsə, onda bu, nəticələrsiz qalmayacaq. Bu haqda ABŞ-ın dövlət katibi Mayk Pompeo bildirib. Qeyd edək ki, bu gün ABŞ İran İslam İnqilabı Keşikçiləri Korpusunu (SEPAH) "xarici terrorçu təşkilat” kimi tanıyıb. Bu barədə ABŞ prezidenti Donald Tramp bildirib.
“Yaradanlar və yaşadanlar” layihəsində Süleyman Rüstəm yaradıcılığı
Aprelin 8-də Beynəlxalq Muğam Mərkəzində “Yaradanlar və yaşadanlar” layihəsi çərçivəsində keçirilən konsert Azərbaycan şairi, dramaturq, ictimai xadim Süleyman Rüstəmin yaradıcılığına həsr oluub. Olaylar.az bildirir ki, tədbir Azərbaycan Televiziyası “Mədəniyyət” kanalının və Beynəlxalq Muğam Mərkəzinin birgə layihəsi çərçivəsində, Azərbaycan Respublikası Mədəniyyət Nazirliyinin dəstəyi ilə həyata keçirilmişdi.
