Müğənni Samirə Yusifqızı həmkarı Vəfa Şərifovanın Afət Fərmanqızı ilə bağlı səsləndirdiyi fikirlərə münasibət bildirib.

Milli.Az xəbər verir ki, sənətçi "palatka toyu" ifadəsinin kiçildici mənada işlədilməsinin düzgün olmadığını deyərək Vəfa Şərifovaya sərt ismarıc göndərib.

Samirə Yusifqızı bildirib ki, həm Vəfa Şərifovanı, həm də Afət Fərmanqızını çox sevir və hər iki sənətçiyə hörmətlə yanaşır. O, sənət adamlarının bu mövzuda bir-birini incitməsinin doğru olmadığını vurğulayıb.

İfaçı qeyd edib ki, "palatka müğənnisi" olmaq ayıb deyil və vaxtilə bir çox tanınmış sənətçilər də məhz həmin toy məclislərində çıxış ediblər.

Samirə Yusifqızı çıxışında Nazpəri Dostəliyeva və Brilliant Dadaşovanın da vaxtilə belə məclislərdə oxuduğunu xatırladaraq, bu cür toyların xalqın toyları olduğunu bildirib.

Samirə Yusifqızı sonda tərəflərə müraciət edərək aralarında olan narazılığı öz aralarında həll etmələrinin daha doğru olacağını bildirib.