Quşla toqquşan layner təcili eniş etdi

30 Avqust 2019 15:14 Dünya

"Ural Hava Yolları" nın təyyarəsi Sankt-Peterburq (Rusiya) - Xocalan (Tacikistan) marşrutu ilə Koltsovo hava limanına (Yekaterinburq) təcili eniş edib.

Olaylar.az Trend-ə istinadən xəbər verir ki, "U6-2641" təyyarəsi Yekaterinburq hava limanına enib.

Ural Nəqliyyat Prokurorluğunun mətbuat xidmətindən verilən məlumata görə, məcburi enişin səbəbi quşlarla toqquşma olub: "Təcili enişin səbəbi Sankt-Peterburq hava limanından havaya qalxarkən təyyarənin quş sürüsü ilə toqquşması olub. Təyyarə enişi zamanı xəsarət alan olmayıb. Laynerdə 193 sərnişin olub, onlardan 22-si uşaq, 4-ü ekipaj üzvüdür".

"Ural Hava Yolları" isə yanacaq doldurduqdan sonra laynerin uçuşa davam edəcəyini bildirib.

Təklifinizi, şikayətinizi bizə yazın. Sizi dinlərik. 055 634 88 31