Kriminal
Oğurunun digər əməllərinin üstü açılıb
Oğurluq etdiyinə görə tutulan şəxs Xəzər rayonu ərazisində 3 mağazadan, 6 evdən və 2 avtomobildən də oğurluq törətməsi müəyyən edilib. Daxili İşlər Nazirliyinin (DİN) mətbuat xidmətindən “Olaylar”a verilən məlumata görə, oğurluq etdiyinə görə tutulan Zaur Suleykinin ətrafında Xəzər rayon Polis İdarəsinin 1-ci polis bölməsi əməkdaşları tərəfindən aparılan tədbirlərlə onun ötən il martın 26-dan cari il avqustun 6-dək olan müddətdə rayon ərazisində 3 mağazadan, 6 evdən və 2 avtomobildən pul, qızıl əşyalar, ərzaq məhsulları, tütün məmulatı və məişət əşyaları oğurlaması müəyyən edilib.
Avtomobillərə qənim kəsilmiş şəxslər tutulub
Paytaxtın Nizami rayonu ərazisində müxtəlif avtomobillərdən maqnitafon və səsgücləndiricilər oğurlamaqda şübhəli bilinən şəxslər tutulublar. Daxili İşlər Nazirliyinin (DİN) mətbuat xidmətindən “Olaylar”a verilən məlumata görə, avqustun 22-də Nizami rayon Polis İdarəsinə rayon ərazisində müxtəlif avtomobillərdən maqnitafon və səsgücləndiricilər oğurlanması barədə məlumat daxil olub.
Həyətində çətənə kolları becərən Sabirabad sakini saxlandı
Sabirabad rayon sakininin həyətyanı sahəsində çətənə kolları aşkar edilib. Daxili İşlər Nazirliyinin (DİN) mətbuat xidmətindən “Olaylar”a verilən məlumata görə, Sabirabad rayon Polis Şöbəsi əməkdaşlarının daxil olan məlumat əsasında keçirdikləri əməliyyat tədbirləri nəticəsində Qaratəpə kənd sakini Vəli Mehdiyevin həyətyanı sahəsində kultivasiya yolu ilə yetişdirilən 12 ədəd çətənə kolu aşkar edilərək götürülüb.
Polis əməliyyat keçirdi-Dövriyyədən 33 kq narkotik çıxarıldı
Daxili işlər orqanlarının əməkdaşları tərəfindən narkomaniya, narkotik vasitələrin qanunsuz dövriyyəsi və kultivasiyasına qarşı, habelə həmin qanunsuz əməlləri törədən şəxslərin ifşa edilməsi istiqamətində növbəti uğurlu əməliyyat tədbiri həyata keçirilib. Nəticədə qanunsuz dövriyyədən 33 kiloqramdanartıq müxtəlif növ narkotik vasitə çıxarılıb. DİN-in mətbuat xidmətindən “Olaylar”a bildirilib ki, Baş Narkotiklərlə Mübarizə İdarəsinin Cənub Bölgəsində Regional Şöbəsi əməkdaşlarına Cəlilabad rayonu ərazisində bir nəfər şəxsin külli miqdarda narkotik vasitə satmaq niyyətində olduğu barədə əməliyyat məlumatı daxil olub. Həyata keçirilən təxirəsalınmaz əməliyyat-axtarış tədbirləri nəticəsində Cəlilabad rayonu ərazisində şəhər sakini, əvvəllər məhkum olunmuş Əli Piriyev saxlanılıb. Onun əlindəki çantaya baxış zamanı ümumi çəkisi 19 kiloqram 705 qram olan tiryək aşkar olunaraq götürülüb.
Ərəb turistini qarət edənlər tutulub
Bakıda əcnəbi vətəndaşı qarət edən şəxs yaxalanıb. Daxili İşlər Nazirliyindən “Olaylar”a verilən məlumata görə, Yasamal RPİ 28-ci PB əməkdaşlarının keçirdikləri əməliyyat-axtarış tədbirləri nəticəsində avqustun 13-də əcnəbi vətəndaş Ayoub Tavfeqə məxsus 340 manat və 3000 dollar oğurlamaqda şübhəli bilinən Bakı şəhər sakinləri Samir Məmmiyev və Vüqar Qurbanov tutulublar.
Corabdan iki bağlama heroin çıxdı
Astara Gömrük İdarəsinin Gömrük hüquqpozmalarına qarşı mübarizə şöbəsinə daxil olan məlumat əsasında, İran İslam Respublikasından Azərbaycan Respublikasına piyada gələn Azərbaycan vətəndaşı saxlanılıb və onun üzərində şəxsi yoxlama aparılıb.Dövlət Gömrük Komitəsindən “Olaylar”a verilən məlumata görə, yoxlama zamanı, vətəndaşın ayağındakı corabların içəri alt hissəsində 2 ədəd bağlamada olmaqla, ümumi xalis çəkisi 137,471 qram təşkil edən narkotik vasitə - heroin aşkar olunub. Faktla bağlı araşdırma aparılır.
Dələduz ana və oğluna hökm oxundu
Avqustun 30-da Bakı Ağır Cinayətlər Məhkəməsində dələduzluqda təqsirli bilinən Qədəm Tanrıverdiyeva və onun oğlu Nadir Tanrıverdiyevin cinayət işi üzrə məhkəmə iclası başa çatıb.“Olaylar” xəbər verir ki, hakim Azad Məcidovun sədrliyi ilə keçirilən prosesdə hökm oxunub. Məhkəmənin hökmü ilə Q.Tanrıverdiyevanın 10 il, oğlu N.Tanrıverdiyevin isə 7 il 6 müddətinə azadlıqdan məhrum edilib. Xatırladaq ki, prokuror çıxışında Q.Tanrıverdiyevanın 10 il 6 ay, oğlu N.Tanrıverdiyevin isə 8 il müddətinə azadlıqdan məhrum edilməsini istəmişdi.
Akif Çovdarovun vəkili çıxış üçün məhkəmədən bir ay vaxt istəyib
Sabunçu Rayon Məhkəməsində ləğv olunmuş Milli Təhlükəsizlik Nazirliyinin (MTN) Energetika və Nəqliyyat Sahələrində Təhlükəsizlik Baş İdarəsinin həbsdə olan sabiq rəisi, general-mayor Akif Çovdarovun və digərlərinin cinayət işi üzrə məhkəmə prosesi bu gün davam etdirilib.
Qısqanc ər arvadını boğaraq öldürüb
Paytaxt Bakıda qətl hadisəsi baş verib. Məlumata görə, Bakının Nizami rayon sakini, 1981-ci il təvəllüdlü Bəxtiyar Cəbrayıl oğlu Məmmədov qısqanclıq zəminində həyat yoldaşı, 1991-ci il təvəllüdlü Zülfiyyə Zülfüqar qızı Mərifovanı boğaraq öldürüb. Hadisəni törədən şəxs saxlanılıb. Faktla bağlı cinayət işi başlanıb, istintaq aparılır.
Azərbaycanda həbs edilən Türkiyə vətəndaşının apellyasiya şikayətinə baxılıb
Bakı Apellyasiya Məhkəməsində dələduzluqda təqsirləndirilən Türkiyə vətəndaşı Emin Serttaşın barəsindəki hökmdən verilən apellyasiya şikayəti üzrə məhkəmə başlayıb. Hakim Namiq Məmmədovun sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib. Məhkəmə iclası avqustun 31-də davam etdiriləcək.
5 ay əvvəl törədilən qətlin üstü açıldı
Polis və prokurorluq orqanlarının əməkdaşları tərəfindən həyata keçirilmiş istintaq hərəkətləri və əməliyyat-axtarış tədbirləri nəticəsində Kürdəmir rayonunda bağlı qalmış qətlin üstü açılıb. Respublika Baş Prokurorluğu və Daxili İşlər Nazirliyinin mətbuat xidmətlərinin daxil olan birgə məlumatında bildirilir ki, cari il martın 22-də səhər radələrində Kürdəmir rayonunun Yenikənd kənd sakini Namiq Qubatovun baş nahiyəsindən aldığı xəsarətlə rayon Mərkəzi Xəstəxanasına yerləşdirilməsi, tibbi personal tərəfindən göstərilən səylərə baxmayaraq orada ölməsi barədə Polis Şöbəsinə məlumat daxil olub.
MTN generallarının məhkəməsində şahidlər dindirilib
Ləğv edilmiş MTN sabiq baş idarə və idarə rəisləri Sübahir Qurbanov, Teymur Quliyev, Natəvan Mirvətova, həmin qurumun vəzifəli şəxsləri Fizuli Əliyev, Zaur Məmmədov, Natiq Alıyev, Fərhad Atayev, Anar Şirəliyev, Eşqin Əliyev, Elşad Əzizovun barəsində olan cinayət işi üzrə məhkəmə prosesi davam etdirilib.