Kriminal
Jurnalistlərin binasından mənzil vəd edən baş redaktora cəza istənildi
Bu gün Bakı Ağır Cinayətlər Məhkəməsində "Zaman Press" qəzetinin baş redaktoru Gündüz Hüseynovun cinayət işi üzrə məhkəmə iclası davam etdirilib. Hakim Eldar İsmayılovun sədrliyi ilə keçirilən prosesdə məhkəmə istintaqının başa çatdığı elan olunub. Prokuror çıxışında G.Hüseynovun 9 il müddətinə azadlıqdan məhrum edilməsini istəyib.
Dövlət sərhədini pozan şəxslər saxlanılıb
Dövlət Sərhəd Xidməti (DSX) əməkdaşlarının sayıqlığı və peşəkarlığı sayəsində külli miqdarda narkotik vasitənin ölkə ərazisinə qanunsuz yolla gətirilməsinin qarşısı alınıb. DSX-dən “Olaylar”a verilən məlumata görə, aprelin 23-də Astara rayonunun Sım kəndi yaxınlığındakı sərhəd zastavasının xidməti sahəsində dövlət sərhədinin pozulması ilə əlaqədar təxirəsalınmaz sərhəd axtarışı əməliyyatı keçirilib, yaxınlıqdakı yaşayış məntəqələrinə hərəkət yolları qapadılaraq tam nəzarətə götürülüb.
Məşhur azərbaycanlı avtoritet Moskvaya gəldi - Lotu Quliyə qarşı ordu yığılır
36 yaşlı "qanuni oğru", kriminal dairələrdə "Hacı Beyləqanski" ləqəbi ilə tanınan Hacıbaba Talıbxanov Moskvaya gedib.
Eldar Mahmudova qarşı məhkəmə başladı
Bu gün Yasamal Rayon Məhkəməsində "MTN işi"ndə zərərçəkmiş qismində tanınan Mətləb Mustafayevin keçmiş milli təhlükəsizlik naziri Eldar Mahmudova qarşı iddiası əsasında məhkəmə başlayıb.
Hüseyn Abdullayev vəkili ilə görüşdü
Türkiyədə saxlanılaraq Azərbaycana gətirilən sabiq millət vəkili Hüseyn Abdullayev vəkili ilə görüşüb. Bu barədə H.Abdullayevin vəkili məlumat verib. Vəkil bildirib ki, H.Abdullayev istintaqa cəlb edilib, hazırda onunla bağlı istintaq hərəkətləri aparılır: "Hüseyn Adbullayev Azərbaycana gətirilib və aprelin 23-dən istintaq hərəkətləri aparılmasına başlanılıb. Vəkillə görüşü də təmin edilib. Hələlik istintaq təcridxanasına köçürülməyib. Yaxın günlərdə istintaq təcridxanasına köçürüləcək".
“O qız mənim sevgilim olub” - Zorlamada ittiham olunan falçı - VİDEO
Falçılıqla məşğul olub 50-yə yaxın qızı zorladığı iddia olunan Ramil Talıbov "Bizimləsən" proqramının qonağı olub. O, şikayətçi olan qızların fikirləri ilə razılaşmadığını bildirib: "Mənim 40 yaşım var, ailəli olmuşam. Şikayətçilər rəfiqədirlər. Şəkillər çəkdirdiyim xanımla sevgili olmuşam, yaşamışıq. Bir restoranlara getmişik, oranın kameralarında da əks olunub. O şəkilləri mən yox, özü çəkib. Niyə iki qızın üzləri qapalıdır, mənim üzüm açıq? Xeyir ola?
İrandan narkotik vasitələrin gətirilməsinin qarşısı alınıb
Dövlət Sərhəd Xidməti (DSX) tərəfindən külli miqdarda narkotik vasitənin ölkə ərazisinə gətirilməsinin qarşısı alınıb. DSX-dan verilən məlumata görə, “Biləsuvar” dövlət sərhədindən buraxılış məntəqəsində İrandan rəsmi qaydada Azərbaycana gələn 1979-cu il təvəllüdlü Azərbaycan vətəndaşı Əzizov Gülmirzə Adil oğlu saxlanılıb və şəxsi baxış nəticəsində üzərində 2500 qram tiryək, 500 qram heroin aşkar olunub. Faktla bağlı əməliyyat - istintaq tədbirləri davam etdirilir.
Məhkəmə DTX-nin 1 milyon manatlıq iddiasını təmin edib
Ləğv edilmiş MTN-in sabiq baş idarə və idarə rəisləri, generallar Sübahir Qurbanov, Teymur Quliyev, Natəvan Mirvətova, həmin qurumun vəzifəli şəxsləri Fizuli Əliyev, Zaur Məmmədov, Natiq Alıyev, Fərhad Atayev, Anar Şirəliyev, Eşqin Əliyev, Elşad Əzizovun cinayət işi üzrə bu gün yekunlaşan məhkəmə prosesində Dövlət Təhlükəsizliyi Xidmətinin 1 milyon manatlıq mülki iddiasının təmin olunması barədə qərar çıxarılıb. Məhkəmə "Daşkəsən" epizodu üzrə 686 min manatlıq mülki iddia və zərərçəkmiş iş adamı Kamal Seyfullayevin 2 milyon manatlıq mülki iddiası təmin etməyib.
MTN-in sabiq qadın generalına şərti cəza verilib, 2 nəfər azadlığa buraxılıb- YENİLƏNİB
Ləğv edilmiş MTN-in sabiq baş idarə və idarə rəisləri, generallar Sübahir Qurbanov, Teymur Quliyev, Natəvan Mirvətova, həmin qurumun vəzifəli şəxsləri Fizuli Əliyev, Zaur Məmmədov, Natiq Alıyev, Fərhad Atayev, Anar Şirəliyev, Eşqin Əliyev, Elşad Əzizovun cinayət işi üzrə məhkəmə prosesi davam etdirilir.
Avtomobil qəzasında 1 nəfər ölüb, 2-si yaralanıb
Ağcabədi rayonunda ölümlə nəticələnən yol-nəqliyyat hadisəsi baş verib. DİN-dən “Olaylar”a verilən məlumata görə, aprelin 21-də saat 1 radələrində Ağcabədi rayonunun Avşar kəndində Ceyhun Bayramov idarə etdiyi “Mitsubishi-L200” markalı avtomobili aşırıb. Nəticədə sürücü hadisə yerində ölüb, 2 sərnişini xəstəxanaya yerləşdirilib.
İmişli sakinindən marixuana götürülüb
İsmayıllı rayonunun Zərnava kənd sakinində narkotik vasitə aşkar edilib. DİN-dən “Olaylar”a verilən məlumata görə, İsmayıllı RPŞ əməkdaşlarının keçirdikləri əməliyyat-axtarış tədbirləri nəticəsində Zərnava kənd sakini Hikmət Abdurəhimovun yaşadığı evin həyətyanı sahəsinə baxış zamanı 662,21 qram marixuana aşkar edilərək götürülüb.
Bağ evlərinə qənim kəsilən şəxs ələ keçib
Oğurluqda şübhəli bilinən Corat qəsəbə sakini saxlanılıb. DİN-dən "Olaylar"a verilən məlumata görə, Sumqayıt ŞPİ 1-ci PB əməkdaşlarının keçirdikləri əməliyyat-axtarış tədbirləri nəticəsində martın 8-dən 18-dək olan müddətdə şəhər ərazisindəki 4 bağ evindən məişət əşyaları oğurlamaqda şübhəli bilinən Corat qəsəbə sakini, əvvəllər məhkum olunmuş Anar Fərəcov saxlanılıb. Araşdırma aparılır.
Maştağada qətl törədilib
Sabunçu rayonunun Maştağa qəsəbəsində qəsəbə qətl hadisəsi qeydə alınıb. Daxili İşlər Nazirliyinin mətbuat xidmətindən “Olaylar”a verilən məlumata görə, aprelin 21-də qəsəbə sakini Hətəm Şabanovun küt alətlə qətlə yetirilmiş meyiti tapılıb.