İqtisadiyyat
Keçən ilin əvvəlindən başlanan yeni islahatlar
Son illərin iqtisadi göstəriciləri və bu sahədə həyata keçirilən uğurlu tədbirlər Azərbaycan istehsalı olam mal və məhsulların sayının artması, onların daxili bazarın tələbatını ödəməkdə oynadığı mühüm rol, eləcə də bu prosesin bir qədər də genişləndirilməsidir.
Gürcüstanla mədəniyyət və turizm əlaqələri müzakirə olunub
Mədəniyyət və turizm naziri Əbülfəs Qarayev Gürcüstanın Azərbaycandakı səfiri Teymuraz Şaraşenidzeni qəbul edib. “OLAYLAR”-ın nazirliyə istinadən verdiyi xəbərə görə, nazir iki ölkə arasında mədəniyyət və turizm əlaqələrinin yüksək səviyyədə olduğunu deyib, son illərdə mədəniyyət sahəsində əməkdaşlığın daha da möhkəmləndirilməsi və müştərək layihələrin inkişaf etdirilməsinin əhəmiyyətini vurğulayıb.
Dollara tələbat niyə azalıb?
Ölkədə milli valyutayanın möhkəmlənməsi dollara olan tələbatın azalmasına səbəb olub. Baxmayaraq ki, Azərbaycanın xarici ticarət dövriyyəsinin həcmi xeyli dərəcədə artıb, ölkəyə gələn turistlərin sayı çoxalıb, ancaq fakt ondan ibarətdir ki, xarici valyutaya tələbat azalıb. İqtisadçı ekspert Vuqar Bayramov qeyd edib ki, doğrudan da son günlər dollara tələbin yenidən azalması müşahidə edilir.
“Shopping festival”ının verəcəyi dividentlər
Aprelin 10-dan Bakıda Ticarət Festivalına start verilib. Mayın 10-dək davam edəcək bu festival ilk dəfədir ki, keçirilir. Cari il ərzində belə bir festivalın daha biri də təşkil olunacaq. Ümumiyyətlə, bundan sonra hər il 2 dəfə olmaqla bu kimi festivalların keçirilməsi nəzərdə tutulur. Bəs görəsən bu cür festivalların perspekivləri nədən ibarətdir? Ümumiyyətlə, Ticarət Festivalını təşkil etməyin əsas məqsədi nədir?
Açıq Hökumət Platforması strateyi yol xəritələrinin həyata keçirilməsində yaxından iştirak edəcək
Bu günlərdə İqtisadi İslahatların Təhlili və Kommunikasiya Mərkəzi ilə Açıq Hökumət Platforması birlikdə "Milli iqtisadiyyat və iqtisadiyyatın əsas sektorları üzrə strateji yol xəritəsinin başlıca istiqamətləri" mövzusunda konfrans təşkil edib. Konfrans vətəndaş cəmiyyətinin strateji yol xəritələrinin həyata keçirilməsi yaxından iştirakı məsələlərinin müzakirəsi ilə yadda qalıb.
Xarici ticarət dövriyyəsi 13 faiz azalıb
Gömrük orqanlarında rəsmiləşdirilməsi tam başa çatdırılmamış ixrac olunan xam neft və təbii qazın statistik qiymətləndirilmiş dəyəri nəzərə alınmaqla 2017-ci ilin yanvar-fevral aylarında xarici ticarət dövriyyəsi 3,2 milyard dollar olub. Bu barədə Dövlət Statistik Komitəsindən məlumat verilib. Məlumatda bildirilir ki, ixracın dəyəri 2,3 milyard dollar, idxalın dəyəri 972,0 milyon dollar təşkil edib.
Alkoqollu içkilərin, tütün məmulatlarının idxalı, tranziti və ixracı zamanı lisenziya tələb olunmayacaq
Nazirlər Kabineti “Gömrük sərhədindən keçirilən malların və nəqliyyat vasitələrinin bəyan edilməsi Qaydaları”nda dəyişiklik edib. Qaydaya əsasən Azərbaycanın gömrük sərhədindən keçirilən, gömrük nəzarəti altında yerləşdirilən mallar və nəqliyyat vasitələri barədə məlumatlar gömrük orqanına şifahi, kağız üzərində yazılı və ya elektron formalarda bəyan edilir.
Avtomobil nəqliyyatında yükdaşımalar bahalaşıb
2017-ci ilin yanvar-mart aylarında 2016-cı ilin eyni dövrünə nisbətən nəqliyyat sektorunda yükdaşıma qiymətləri milli valyutada 12,4 faiz bahalaşıb. Sytatistika Komitəsindən verilən məlumata görə, cari ilin mart ayında fevral ayına nisbətən yükdaşıma qiymətləri 2,5 faiz, o cümlədən boru kəməri nəqliyyatı ilə neft və qazın nəql olunma qiyməti müvafiq olaraq 4,5 və 2,7 faiz, ölkələrarası yükdaşıma qiymətləri dəmir yolu və hava nəqliyyatında 2,7 faiz, dəniz nəqliyyatında 3,0 faiz ucuzlaşıb, avtomobil nəqliyyatında 8,0 faiz bahalaşıb, ölkədaxili yükdaşıma qiymətləri sabit qalıb.
Turagentlər və otel fəaliyyəti ilə məşğul olan vergi ödəyiciləri ilə görüş keçirilib
Aprelin 11-də “Excelsior” otelində ölkəmizdə fəaliyyət göstərən turagentlər və otel fəaliyyəti ilə məşğul olan vergi ödəyiciləri üçün Vergilər Nazirliyi ilə Azərbaycan Turizm Assosiasiyasının birgə təşkil etdiyi görüş keçirilib. Görüşdə Vergilər Nazirliyi yanında Lokal Gəlirlər Departamentində qeydiyyatda olan 50-dək vergi ödəyicisi iştirak edib. “Olaylar” xəbər verir ki, tədbiri Lokal Gəlirlər Departamentinin baş direktoru Nəsimi Cəfərov açaraq bildirib ki, ölkə rəhbərliyi tərəfindən aparılan iqtisadi islahatlar nəticəsində son illərdə təkcə paytaxt Bakıda deyil, respublikamızın regionlarında da turizm fəlaiyyəti ilə məşğul olan iş adamlarının sayı artır, çoxlu turizm obyektləri istifadəyə verililir. Bildirilib ki, bu obyektlər arasında dünya brendləri hesab edilən turizm mərkəzləri və otellər də vardır. İntizamlı vergi ödəyicisi olmağın üstünlüklərinə toxunan N.Cəfərov Departamentin qeydiyyatında olan vergi ödəyiciləri arasında 1 turagentin və 3 otelin şəffaf vergi partnoru statusuna malik olduğunu, daha 2 turagent və 4 otelin bu statusu almaq üçün müraciət etdiyini və hazırda onların göstəricilərinin təhlil olunduğunu diqqətə çatdırıb.
"2017-ci il uğurla başlayıb, uğurla da bitəcək"
“Azərbaycan Prezidentinin ötən gün Nazirlər Kabinetinin I rübün yekunlarına dair iclasda çıxışı zamanı səsləndirdiyi rəqəmlərə fikir versək görərik ki, ölkəmizdə 3 ay müddətində qeyri-neft sektorunun, ixracın artımı və idxalın əvəzlənməsi istiqamətində böyük əsaslı işlər görülüb”. Bunu iqtisadçı-ekspert Emin Əliyev deyib.
Azərbaycanda perspektiv üçün yeni inkişaf kursu müəyyənləşdirilib
Qlobal iqtisadi təhdidlərə, böhrana baxmayaraq Azərbaycan iqtisadiyyatı öz inkişaf yolunu davam etdirir. Düzdür, bu təhdidlər müəyyən mənada ölkəmizə təsirsiz ötüşmür. Ancaq müsbət məqam ondan ibarətdir ki, qeyd edilən təsirlər minimum səviyyədədir və Azərbaycan dövləti öz uğurlu siyasəti ilə həmin təsirləri də önləməyə müvəffəq olur. Nəticə etibarilə Azərbaycan dünya iqtisadiyyatına inteqrasiya istiqamətində çox uğulu addımlar atır.
Bank sektorunda sağlamlaşdırılma aparılmalıdır
Azərbaycanda banklarla müştərilər arasında yaranan çəkişmələr tükənmək bilmir. Rəsmi məlumata görə, hazırda məhkəmələrdə baxılan mülki işlərin böyük əksəriyyəti məhz bu sahəni əhatə edir. Məsələ orasındadır ki, sözgedən çəkişmələrdə hər iki tərəfin suçu danılmazdır.
SOCAR brendli 25-ci yanacaqdoldurma məntəqəsinin açılışı olub- FOTO
Aprelin 11-də Bakının Nobel prospektində ''SOCAR PETROLEUM'' Qapalı Səhmdar Cəmiyyətinə məxsus ən yüksək standartlara cavab verən, SOCAR brendli yanacaqdoldurma məntəqəsinin rəsmi açılış mərasimi olub.
Bahalaşan malların qiyməti açıqlandı
Azərbaycanda 2017-ci ilin yanvar-mart aylarında 2016-cı ilin eyni dövrünə nisbətən kənd təsərrüfatı məhsullarının istehsalçı qiymətləri 10,0 faiz, o cümlədən bitkiçilik məhsullarının istehsalçı qiymətləri 8,6 faiz, heyvandarlıq məhsullarının istehsalçı qiymətləri isə 11,8 faiz artıb.
Nazirlik büdcə tapşırığını 103% icra edib
2017-ci ilin yanvar-mart ayları ərzində vergi ödəyiciləri tərəfindən dövlət büdcəsinə 1 milyard 420 milyon 746 min manat məbləğində vəsait ödənilib. Bu barədə Vergilər Nazirliyinin analitik-informasiya şöbəsindən məlumat verilib. Məlumatda bildirilir ki, Vergilər Nazirliyi üzrə müəyyənləşdirilmiş proqnoz tapşırıqlarına 103,8% əməl olunub.