İqtisadiyyat
Azərbaycanın ixrac potensialı artır
Son illərdə Azərbaycanın ixrac potensialının artması ölkəmizə olan marağı daha da artırıb. İndi təkcə yaxın qonşu ölkələr deyil, eləcə də Avropa, Asiya qitəsinin bazarlarında da Azərbaycan məhsullarına rast gəlmək mümkündür.
Nazirlik neft hasilatı ilə bağlı məlumatları açıqlayıb
Neft İxrac Edən Ölkələr Təşkilatına (OPEC) üzv olan və kartelə daxil olmayan ölkələrin neft hasilatının azaldılması ilə bağlı Vyana razılaşmasına uyğun olaraq Azərbaycan cari ilin iyun ayı ərzində gündəlik neft hasilatı ilə bağlı məlumatları Birgə Monitorinq Komitəsinin Müştərək Texniki Komissiyasına təqdim edib.
Təminatlı krediti çıxış yolu hesab etmək olarmı?
Hazırda dünyada yaşanan qlobal problemlərdən biri də kredit borcları ilə bağlıdır. Kredit öhdəliyi dünya ölkələrində elə cənginə alıb ki, artıq dövlətin dövlətə, bankın banka, insanların bir-birinə kredit borcu yaranıb. Bəs, yaranmış problemin aradan qaldırılması yolları varmı? Necə etmək olar ki, bəşəriyyət kredit borcundan yaxa qurtara bilsin?
Qeyri-etik reklamlar küçə və xiyabanları zəbt edib
Azərbaycanda “Reklam haqqında” qanunun dəfələrlə dəyişdirilməısinə baxmayaraq hələ də mövcud problemləri tamamilə aradan qaldırmaq mümkün olmayıb. Xüsusən, sosial reklamlarla bağlı yaranan neqativ hallar cəmiyyətdə birmənalı qarşılanmır. Düzdür, sözügedən qanunun yeni variantında sosial və kommersiya reklamlarının fərqi açıq şəkildə göstərilib, ancaq onun icrasında sadlanan prinsiplərə yetərincə riayət olunmur. Halbuki hazırda sosial reklamlar cəmiyyət həyatında mühüm rol oynayır.
Ceyhan limanından 1 milyon 429 min 248 ton xam neft ixrac edilib
SOCAR 2017-ci ilin iyun ayında Novorossiysk limanından 159 min 826 ton, Supsa limanından 176 min 139 ton, Ceyhan limanından 1 milyon 429 min 248 ton xam neft ixrac edib. Ümümilikdə yanvar-iyun ayları ərzində Novorossiysk limanından 733 min 664 ton, Supsa limanından 1 milyon 315 min 184 ton, Ceyhan limanından 8 milyon 126 min 315 ton xam neft ixrac edilib. “OLAYLAR”-ın xəbərinə görə, SOCAR tərəfindən ixrac olunmuş xam neftin göstəriciləri həm Azərbaycan dövlətinə, həm də şirkətin özünə məxsus xam neft həcmlərini əks etdirir.
Keçən ay 52 min 640 ton dizel yanacağı ixrac edilib
SOCAR-ın Marketinq və İqtisadi Əməliyyatlar İdarəsi 2017-ci ilin iyun ayında 52 min 640 ton dizel yanacağı, 3 min 479 ton təyyarə yanacağı, 7 min 471 ton yüksək təzyiqli polietilen, 286 ton mütləqləşdirilmiş izopropil spirti, 6 min 201 ton maye piroliz qətranı, 5 min 149 ton propilen və 3 min 152 ton butilen butadien fraksiyası ixrac edib.
Qazaxıstan Azərbaycanın 81 ton kartofunu geri qaytardı
Kənd Təsərrüfatı Nazirliyi yanında Dövlət Fitosanitar Nəzarəti Xidməti bildirir ki, cari ilin iyun ayında Azərbaycan Respublikasının Cəlilabad rayonunda yetişdirilən, Qazaxıstan Respublikasına ixrac olunan ümumilikdə 81,5 ton kartof məhsulu karantin tətbiq edilən zərərli orqanizm Qızılı kartof nematodu (Globodera rostochiensis Behrens) aşkar edilməsi əsas göstərilərək bu ölkədən geri qaytarılıb. Bu haqda Kənd Təsərrüfatı Nazirliyindən məlumat verilib.
Nazir: “ABB-nin xarici borcuunu artması Azərbaycanın kredit reytinqinə mənfi təsir etməyəcək”
“Dövlətin ABB-nin borclarını üzərinə götürməsi Azərbaycanın kredit reytinqinə mənfi təsir etməyəcək”. “Olaylar” xəbər verir ki, bunu maliyyə naziri Samir Şərifov bildirib. Nazir qeyd edib ki, Azərbaycan Beynəlxalq Bankının (ABB) xarici öhdəliklərinin könüllü restrukturizasiyası ilə bağlı proqramın qəbulundan sonra xarici kredtorların xeyrinə 2,4 mlrd. dollar dəyərində orta və uzunmüddətli dövlət istiqrazları buraxılacaq.
Azad sahibkarlığın və liberal iqtisadiyyatın təşviqi
Azərbaycanın yeni müstəqillik tarixində iqtisadi inkişafı xarakterizə edən ən mühüm cəhətlərdən biri ölkəmizdə güclü sahibkarlıq institunun formalaşmasıdır. Bu gün Azərbaycanda ümumi daxili məhsul istehsalında özəl sektorun xüsusi çəkisi aydın hiss olunur, iqtisadi artımın təminatında sahibkarların mövqeyi davamlı şəkildə güclənir.
Bank Məcəlləsinin qəbuluna nə mane olur?
Son illər ölkənin maliyyə sektorunda arzuolunmaz proseslər yaşanmaqdadır. Xüsusilə, 2014-cü ildən etibarən dünya bazarlarında neftin qiymətinin kəskin şəkildə aşağı düşməsindən sonra bu mənfi tendensiya özünü büruzə verməyə başladı. Milli valyutanın dəyərinin Amerika dollarına nisbətən nəzərəçarpacaq dərəcədə aşağı düşməsi, bir-birinin ardınca baş verən kəskin devalvasiya ölkənin bank sektorunda zəlzələ effekti yaratdı. Yaranmış vəziyyətə, qarşıdakı müddətdə meydana çıxa biləcək hər hansı bir mənfi situasiyaya hazırlıqlı olmayan bir neçə bank fəaliyyətini dayandırdı, bəziləri ilə digər banklarla birləşmək yolunu tutaraq böhrandan çıxmaq istiqamətində çaba göstərdi. Etiraf edək ki, həmin dövrdə hökumətin atmış olduğu məqsədyönlü addımlar, eləcə də banklara göstərilən dəstək müəyyən mənada problemi minimuma endirmiş oldu. Hazırda da dövlət bank sektorunda vəziyyəti tam mənada qaydaya qoymaq üçün bəzi zəruri addımlar atır.
TAP-ın rəhbəri dəyişdi
Azərbaycana məxsus təbii qazın Avropaya nəql edəcək Trans Adriatik Boru Kəmərinin (TAP) rəhbərliyi yenidən formalaşdırılıb. Luka Şipati konsorsiumun icraçı direktoru, Uolter Piraeri isə prezidenti təyin edilib. Qeyd edək ki, L.Şipati bundan əvvəl İtaliyanın “Snam” şirkətində (Avropada təbii qazın utilizasiyası üzrə iri şirkətlərdən biridir) çalışıb, 26 illik iş təcrübəsi var. O, yeni vəzifəsində İan Bradşavı əvəz edib. U.Piraeri isə bundan əvvəl Belçikanın “Fluxys” şirkətində (Avropada kommunal sektorun idarə edilməsi üzrə aparıcı şirkətlərdən biridir) işləyib, 30 ildən artıq iş təcrübəsi var.
Bayram bir ailə üçün faciəyə döndü
Bayram günü Balakən rayonunda baş verən ağır yol qəzasında bir ailənin bir üzvü ölüb, daha üç üzvü isə ağır xəsarət alıb. Hadisə Balakən-Qazma avtomobil yolunda baş verib. Rayonun Qazma kənd sakini, 1941-ci il təvəllüdlü Rəhim Alı oğlu Bayramovun idarə etdiyi "VAZ 2106" markalı 08 BE 941 dövlət nömrə nişanlı minik avtomobili ilə həmkəndlisi, 1990-cı il təvəllüdlü Tamerlan Sabir oğlu Atayevin idarə etdiyi "Mercedes" markalı 08 BF 891 dövlət nömrə nişanlı avtomobil toqquşub. Qəzadan sonra VAZ 2106 markalı avtomobilin sürücüsü Rəhim Bayramov, onun həyat yoldaşı, 1947-ci il təvəllüdlü Zərnişan Sarı qızı Bayramova, nəvəsi, 2013-cü il təvəllüdlü Zərnişan Taleh oğlu Bayramova, Zərnişanın anası, 1969-cu il təvəllüdlü Əminə Kamal qızı Bayramova və "Mercedes"in sürücüsü Tamerlan Atayev aldıqları müxtəlif dərəcəli bədən xəsarətləri ilə Balakən Mərkəzi Rayon Xəstəxanasına (MRX) aparılıblar.
Dövlət büdcəsinə yenidən baxılacaq
Dünyada və ölkədə cərəyan edən iqtisadi proseslər, neftin qiymətlərində qeydə alınan dəyişikliklər 2017-ci ilin dövlət büdcəsinə yenidən baxmağı zəruri edib. Elə bu səbəbdəndir ki, cari ilin dövlət büdcəsinə yenidən baxılacağı deyilir. Bəs görəsən buna ehtiyac varmı və iqtisadçılar bu barədə nə düşünür?
Qubada sahibkarlara güzəştli kredit verilib
İqtisadiyyat Nazirliyinin Sahibkarlığa Kömək Milli Fondu sahibkarların maarifləndirilməsi, sahibkarlığın inkişafına maliyyə dəstəyinin göstərilməsi tədbirlərini davam etdirir. İqtisadiyyat Nazirliyindən “Olaylar”a verilən məlumata görə, Sahibkarlığa Kömək Milli Fondu bu sahədə növbəti işgüzar forumunu – Quba rayonunun Timiryazev qəsəbəsində keçirib.İqtisadiyyat Nazirliyinin Sahibkarlığa Kömək Milli Fondunun icraçı direktoru Şirzad Abdullayev məlumat verib ki, 2017-ci ilin ötən dövrü ərzində 653 sahibkarlıq subyektinin investisiya layihəsinin maliyyələşdirilməsinə 50 milyon manata yaxın güzəştli kredit yönəldilib.