Tiflisdə güclü partlayış: Ölkədə matəm elan edildi

Tiflisin Didi Diqomi rayonunda yerləşən yaşayış binasında qaz sızması səbəbindən baş verən partlayış nəticəsində 3 nəfər həlak olu.

Axar.az xəbər verir ki, bu barədə ölkənin Səhiyyə naziri David Sergeyenko məlumat verib.

Partlayış nəticəsində 7 nəfər yaralanıb, onlardan 6-ı azyaşlıdır.

Yaralılardan birinin vəziyyətinin ağır olduğu deyilib.

***

Partlayış zamanı yaralanan 4 yaşlı qızcığaz dünyasını dəyişib.

***

Baş vermiş faciə ilə əlaqədar yanvarın 17-si Gürcüstanda matəm elan edilib.

Bununla bağlı Baş nazir Mamuka Baxtadze müvafiq sərəncam imzalayıb.