Sosial

“İslam həmrəylik və birliyə çağırış dinidir” mövzusunda tədbir keçirilib

22 Fevral 2018 16:37

Fevralın 22-də Dini Qurumlarla İş üzrə Dövlət Komitəsinin (DQİDK) dəstəyi ilə Kürdəmir şəhər “İmam Rza” məscidi dini icması tərəfindən “İslam həmrəylik və birliyə çağırış dinidir” layihəsi çərçivəsində növbəti maarifləndirici tədbir keçirilib. “OLAYLAR” xəbər verir ki, tədbir iştirakçıları əvvəlcə 26 Fevral Xocalı faciəsi qurbanları və torpaqlarımızın azadlığı uğrunda şəhid olanların əziz xatirəsini  bir dəqiqəlik sükutla yad ediblər.

Nazirdən çıxartdığı baş həkimin yerinə təyinat

22 Fevral 2018 16:34

Mərkəzi Neftçilər Xəstəxanasına yeni baş həkim təyin olunub. Məlumatı Səhiyyə Nazirliyinin mətbuat xidmətinin əməkdaşı Səfayə Əhmədova yayıb. O bildirib ki, həmin vəzifəyə müvəqqəti olaraq Hüseyn Şahmalıyev təyinat alıb. H.Şahmalıyev xəstəxananın poliklinika şöbəsinin müdiri vəzifəsində çalışıb.

4000 manat məbləğində ziyan dəydi

22 Fevral 2018 16:15

İmişli rayonu Əliyetməzli kəndi ərazisində Kür çayının mühafizə zonasında yaşköküstə 50 ədəd yulğun kolu kəsilib. Ekologiya və Təbii Sərvətlər Nazirliyinin mətbuat xidmətindən Olaylar.az -a verilən məlumata görə, fakt 7 saylı Ərazi Ekologiya və Təbii Sərvətlər şöbəsi nəzarət etdiyi İmişli rayonu ərazisində ekoloji qanunvericiliyin tələblərinə riayət olunmasını yoxlamaq məqsədilə keçirdiyi növbəti reyd zamanı aşkarlanıb.

Cavid Qurbanov Avstriya Parlamentinin üzvü ilə görüşüb

22 Fevral 2018 16:12

Avstriyada səfərdə olan Milli Məclisin üzvü, Azərbaycan-Avstriya parlamentlərarası əlaqələr üzrə işçi qrupunun rəhbəri Cavid Qurbanov Vyanada Avstriya Parlamentinin (Milli Şura) üzvü, Avstriya-Azərbaycan ikitərəfli parlament qrupunun sədri Barbara Krenn ilə (Avstriya Xalq Partiyası) görüşüb. “OLAYLAR” xəbər verir ki, Milli Şuraya keçirilmiş son seçkilərdən sonra parlament qrupunun rəhbəri vəzifəsini üzərinə götürdüyünə görə məmnun olduğunu bildirən B. Krenn iki ölkə arasında münasibətlərin daha da inkişaf etdirilməsinə töhfə vermək imkanı əldə etdiyinə görə qürur hissi duyduğunu ifadə edib. Siyasi fəaliyyətindən öncə Avstriyanın turizm bölgələrindən birində mer vəzifəsində çalışdığını qeyd edən B. Krenn bu fəaliyyəti zamanı xarici əlaqələrə xüsusi diqqət yetirdiyini və bu təcrübəsinə əsaslanaraq yeni vəzifəsində də parlamentlərarası əlaqələrə prioritet verəcəyini vurğulayıb.

“İRƏLİ” Xocalı faciəsi ilə bağlı aksiyaya başlayır

22 Fevral 2018 16:12

“İRƏLİ” İctimai Birliyi sosial şəbəkələrdə erməni təcavüzkarlarının törətdiyi Xocalı faciə ilə bağlı aksiyalara start verib. İctimai Birlikdən “OLAYLAR”-a daxil olan məlumata görə, aksiyaların keçirilməsində məqsəd bütöv Azərbaycanı parçalamaq arzusunda olan erməni təcavüzkarlarının xalqımızın başına gətirdiyi müsibəti dünya ictimaiyyətinə çatdırmaq, faciə haqqında məlumatsız olan insanları insanlığa qarşı törədilmiş cinayət haqqında məlumatlandırmaqdır. Birlikdən verilən məlumata görə, sosial şəbəkələrdə təsir qüvvəsi çox olan Twitter sosial şəbəkəsində aksiyaya çoxlu sayda gənc qoşulub. Aksiyanın 27 fevral tarixinə kimi davam etməsi nəzərdə tutulur.

Səlim Müslümov İslam Əməkdaşlıq Təşkilatının konfransında çıxış edib

22 Fevral 2018 16:13

Fevralın 21-22-də Səudiyyə Ərəbistanının Ciddə şəhərində İslam Əməkdaşlıq Təşkilatına (İƏT) üzv ölkələrin əmək nazirlərinin dördüncü konfransı keçirilib.  “İşçi qüvvəsinin inkişafı üçün ümumi strategiyanın hazırlanması” mövzusunda təşkil edilən Konfransda İƏT-ə üzv ölkələrdə əmək bazarı, əməyin təhlükəsizliyi, əmək məhsuldarlığının və məşğulluq imkanlarının artırılması sahəsində təcrübə və bilik  mübadiləsi, gənclərin məşğulluğu və s. kimi məsələlər, bu sahələrdə üzv dövlətlər arasında əməkdaşlığın istiqamət və məqsədlərini müəyyən edən “İƏT-in Əmək Bazarı Strategiyası” müzakirə olunub. Tədbirdə həmçinin İƏT ölkələri arasında işçi qüvvəsi mübadiləsinə dair ikitərəfli sazişlərin hazırlanmasına, bilik və bacarıqların qarşılıqlı tanınmasına, işçilərin  sağlamlığı ilə bağlı İƏT-in strategiyasına və digər məsələlərə dair fikir mübadilələri aparılıb.

Bakıda müəllim şagirdinin açıq-saçıq görüntülərini yaydı

22 Fevral 2018 15:58

Bakı şəhəri, Nərimanov rayonunda yerləşən 82 saylı orta məktəbin şagirdlərindən birinin valideyni polisə şikayət edib. Nərimanov Rayon Polis İdarəsinin 17-ci polis bölməsinə müraciət edən C.Ş. (şərtidir) bu məktəbdə təhsil alan yeniyetmə qızının açıq-saçıq görüntülərinin yayıldığını bildirib. C.Ş. şikayətində bu məsələdə qızının Ə. (şərtidir) adlı qadın müəlliminin əli olduğunu qeyd edib. Polis faktla bağlı araşdırmalara başlayıb.

Vətəndaşlar niyə polislə əməkdaşlıqdan çəkinirlər?

22 Fevral 2018 15:54

Ölkədə təhlükəsiziliyin, ictimai asayişin təmin olunması, cinayətkarlığın qarşısının alınması məsələsində polislə vətəndaşın əməkaşlığı mühüm rol oynayır. Bu işdə polisin və vətəndaşın qanunla müəyyən olunmuş hüquq və vəzifələri mövcuddur. Maraqlıdır, polis və vətəndaş üzərlərinə düşən vəzifələrin israsında nə dərəcədə fəallıq nümayiş etdirilər? Qanunvericiliyə görə, baş vermiş cinayət və hadisələr barədə ərizə və məlumatlara operativ reaksiya verilməsi, təxirəsalınmadan istintaq hərəkətlərinin aparılması, cinayətlərin “isti izlər”lə açılması, cinayəti törədənlərin tutulması, habelə əməliyyat-axtarış və digər tədbirlərin vaxtında həyata keçirilməsi polisin əsas vəzifələrindən hesab olunur.

"Xocalı şahidləri danışır" kitabının təqdimat mərasimi keçirilib

22 Fevral 2018 15:53

Fevralın 22-də Beynəlxalq Mətbuat Mərkəzində "Azərbaycan" qəzetinin nəşr etdiyi "Xocalı şahidləri danışır" kitabının təqdimat mərasimi keçirilib. Məlumat üçün qeyd edək ki, ideya müəllifi Azərbaycan Respublikası Prezidentinin İctimai-siyasi məsələlər üzrə köməkçisi-şöbə müdiri, tarix elmləri doktoru, professor Əli Həsənov olan kitabın redaktoru Milli Məclisin deputatı, "Azərbaycan" qəzetinin baş redaktoru Bəxtiyar Sadıqovdur. Buraxılışa məsul Prezident Administrasiyasının İctimai-siyasi məsələlər şöbəsinin müdir müavini, tarix üzrə fəlsəfə doktoru Ərəstun Mehdiyevdir. Kitab Azərbaycan Respublikasının Prezidenti yanında Bilik Fondunun dəstəyi ilə nəşr olunub. Xocalıda dinc azərbaycanlı əhaliyə qarşı həyata keçirilən soyqırımı cinayətlərinin dünyada tanıdılması üçün mühüm mənbə olan kitab həmin faciəyə şahidlik etmiş xocalılıların acı xatirələrindən ibarət materialların toplusudur.

“Naxçıvan şəhəri İslam mədəniyyətinin paytaxtı kimi” mövzusunda  “İnteraktiv açıq dərs” keçirilib

22 Fevral 2018 15:50

AMEA Naxçıvan Bölməsi və Naxçıvan Muxtar Respublikası Təhsil Nazirliyinin birgə təşkilatçılığı ilə muxtar respublikanın ümumtəhsil məktəblərinin şagirdləri üçün növbəti interaktiv açıq dərsdə əsrlərdən bəri yaşadılan və yüksək dövlət qayğısı ilə əhatə olunan islami dəyərlər, İslam mədəniyyəti abidələrinin qorunub saxlanması, bərpası və təbliği sahəsində aparılan işlər haqqında şagirdlərə ətraflı məlumat verilib.

Xocalı faciəsinin 26-cı ildönümünə həsr olunan sərgi təşkil olunub

22 Fevral 2018 15:49

AMЕA Naxçıvan Bölməsinin Elektron kitabxanasında XX əsrin dəhşətli faciəsi olan Xocalı soyqırımının 26-cı ildönümü ilə əlaqədar sərgi təşkil olunub.

Aydın Əliyev 4 rayonun sakinlərini qəbul edəcək

22 Fevral 2018 15:45

Dövlət Gömrük Komitəsinin sədri, gömrük xidməti general-polkovniki Aydın Əliyev fevralın 27-də saat 11:00-da Xaçmaz şəhərindəki Heydər Əliyev Mərkəzində (N. Nərimanov küç.) bu bölgədən olan vətəndaşları qəbul edəcək.

Avtomobil su kanalına aşıb

22 Fevral 2018 15:43

Ucar rayonunda baş verən avtomobil qəzası ölümə səbb olub. DİN-dən “Olaylar”a verilən məlumata görə, fevralın 22-də saat 2 radələrində Ucar rayonunun Qarabörk kəndində Qaradağlı kənd sakini Vüsal Həşimovun idarə etdiyi “VAZ-2107” markalı avtomobil yolayırıcısına dəyərək kanala aşmış və sürücü hadisə yerində ölmüşdür.

Neftçala sakini silahı polisə könüllü təhvil verib

22 Fevral 2018 15:37

Neftçala sakininin odlu silah saxladığı müəyyən olunub. DİN-dən “Olaylar”a verilən məlumata görə, aparılan profilaktiki tədbirlər nəticəsində Qırmızıkənd kənd sakini Adil Cavadov müvafiq sənədləri olmayan “TOZ-8” markalı ov tüfəngini könüllü olaraq Neftçala RPŞ-yə təhvil verib. Ətrafında aparılan araşdırmalar zamanı onun əvvəllər məhkum olunduğu müəyyən edilib.