Mədəniyyət
Fərman Kərimzadə anıldı
Martın 3-də Milli Kitabxanada Azərbaycan ədəbiyyatının nümayəndələrindən biri, yazıçı Fərman İsmayıl oğlu Kərimovun ( Fərman Kərimzadə) anadan olmasının 80 illiyi münasibəti ilə sərgi təşkil olunub. Milli Kitabxanadan “Olaylar” – a bildirilib ki, “Fərman Kərimzadə - 80” adlı kitab sərgisi böyük maraqla qarşılanıb.
“Manaf Süleymanov -105”
Martın 3-də Milli Kitabxanada Azərbaycan ədəbiyyatının görkəmli nümayəndələrindən biri, nasir, Əməkdar mədəniyyət xadimi Manaf Fərəc oğlu Süleymanovun anadan olmasının 105 illiyi münasibətilə sərgi təşkil olunub. Milli Kitabxanadan “Olaylar” – a bildirilir ki, kitab sərgisi “Manaf Süleymanov -105” adlanır.
Teatr ictimaiyyəti Eldəniz Zeynalovu andı...
Azərbaycan Teatr Xadimləri İttifaqında Xalq Artisti Eldəniz Zeynalovun anadan olmasının 80 illiyi münasibətilə tədbir keçirilib. İttifaqdan “Olaykar” – a bildilib ki, tədbir Mədəniyyət və Turizm Nazirliyi, Teatr Xadimləri İttifaqı və Azərbaycan Dövlət Akademik Milli Dram Teatrı tərəfindən təşkil edilib. Xalq Artisti, Teatr Xadimləri İttifaqının İdarə heyətinin sədri, professor, Azərbaycan Dövlət Akademik Milli Dram Teatrının bədii rəhbəri və baş rejissoru Azərpaşa Nemətov Azərbaycan kinosunda və səhnəsində silinməz iz qoymuş Eldəniz Zeynalovun yaradıcılığından söz açıb..
Xalça Muzeyində pilot layihə
Yeni Azərbaycan Partiyası Gənclər Birliyi və Azərbaycan Xalça Muzeyinin birgə təşkilatçılığı ilə “Xalçaçılıq sənətini yaşat və təbliğ et” adlı pilot layihəyə start verilib. Muzeydən “Olaylar” – a bildirilib ki, layihə– Azərbaycan Respublikasının Prezidenti İlham Əliyev cənablarının imzaladığı “Azərbaycan xalça sənətinin qorunması və inkişaf etdirilməsi” haqqında Azərbaycan Respublikasının qanunun 6-cı maddəsində qeyd onunan “Azərbaycan xalça sənətinin təbliği “ - bəndinə uyğun olaraq həyata keçirilir. Layihənin əsas məqsədi – Azərbaycan xalqının sevə-sevə yaşatdığı, əsrlər boyu qoruduğu qədim sənət növü olan xalçaçılıq tarixinin öyrənilməsi, unudulmaqda olan xalça sənətinin dirçəlişi və gənc nəsillərə təbliği məqsədilə xalçaçılıq üzrə tədris planı təşkil etməkdi.
Xalça Muzeyində “Novruz nemətləri”
Martın 4 – də Azərbaycan Xalça Muzeyində “Novruz nemətləri” adlı dinləniləcək. Muzeydən “Olaylar” – a bildirilib ki, mühazirə Milli Kulinariya Mərkəzinin baş direktoru, əməkdar mədəniyyət işçisi, tarix elmləri üzrə fəlsəfə doktoru, professor Tahir Əmiraslanov tərəfindən oxunacaq. Mühazirədə Novruz şirniyyatlarının yaranma tarixi, hazırlanma üsullarının incəlikləri və naxışlarının rəmzi mənalarından bəhs ediləcək. Mühazirə Azərbaycan dilində aparılacaq.
Ankarada “Molla Pənah Vaqif ili”
Ankarada Beynəlxalq Türk Mədəniyyəti Təşkilatı (TÜRKSOY) tərəfindən XVIII əsr Azərbaycan poeziyasının parlaq siması, görkəmli şairi, məşhur siyasi və dövlət xadimi Molla Pənah Vaqifin anadan olmasının 300 illiyi münasibətilə 2017-ci ilin “Molla Pənah Vaqif ili” elan edilməsi münasibətilə anma mərasimi təşkil olunub.Beynəlxalq Türk Mədəniyyəti Təşkilatının, Azərbaycanın və Türkiyənin Mədəniyyət və Turizm nazirliklərinin, Azərbaycan Milli Kitabxanasının, Beynəlxalq Türk Mədəniyyəti və İrsi Fondunun birgə təşkilatçılığı ilə TÜRKSOY-un qərargahında keçirilən mərasimdə rəsmi şəxslər, diplomatlar, Ankara ictimaiyyətinin tanınmış nümayəndələri, elm və mədəniyyət xadimləri, şeirsevərlər və digər şəxslər iştirak ediblər.
Floridada Cövdət Hacıyev haqqında məruzə dinlənilib
Florida Dövlət Musiqi Müəllimləri Assosiasiyasının konfransında görkəmli bəstəkar, Azərbaycanın Xalq Artisti Cövdət Hacıyevin yaradıcılığı haqqında məruzə dinlənilib.
"Bizim evin qonaqları"
Mart ayının 9 – da, saat 15:00-da Bakı Şəhər Mədəniyyət və Turizm Baş İdarəsinin H.Sarabski adına Mədəniyyət evi "Bizim evin qonaqları" rubrikasında növbəti görüş keçiriləcək. Baş İdarədən “Olaylar” – a bildirilir ki, Binəqədi qəsəbə Mədəniyyət evində təşkil olunacaq görüşün budəfəki qonağı Misir Ərəb Respublikasının Azərbaycandakı Səfirliyinin Misir Mədəniyyət və Təhsil Əlaqələri Mərkəzinin müdiri Mədəniyyət Attaşesi Doktor Əhməd Sami Elaydi olacaq.
Nərgiz Əliyevanın yeni kitabı
AMEA Milli Azərbaycan Tarixi Muzeyinin Elmi işlər üzrə direktor müavini, t.ü.e.d. Nərgiz Əliyevanın yeni - "Ибн Макула о мухаддисах Азербайджана" əsəri işıq üzü görüb. Muzeydən “Olaylar” – a verilən məlumata görə, kitabda orta əsrlərin məhşur ərəb alimi İbn Makulanın (1030 – 1082) “Əl-İkmal” əsəri araşdırılır. Burada onun Azərbaycana səyahətinin təəssüratları öz əksini tapıb. N.Əliyeva alimin yaradıcılığını səciyyələndirərkən topladığı bilgilərin böyük elmi dəyərini nəzərə çatdırıb.
Nazir Musiqili Teatrın əməkdaşlarını mükafatlandırdı
Azərbaycan Respublikası Mədəniyyət və Turizm naziri cənab Əbülfəs Qarayev 10 - Mart Milli Teatr Günü münasibəti ilə teatr sahəsində uzunmüddətli, səmərəli fəaliyyətlərinə və milli mədəniyyətimizin inkişafındakı xidmətlərinə görə Musiqili Teatrın bir neçə əməkdaşını mükafatlandırıb.
“Azərbaycan Qafqazın dürdanəsi” sərgisini ziyarət edənlərin sayı günbəgün artır
Daşkənddəki Dəmiryol Kollecinin tələbələri və 147 nömrəli orta məktəbin şagirdləri Özbəkistan Dövlət Tarix Muzeyində açılan “Azərbaycan Qafqazın dürdanəsi” adlı sərgi ilə tanış olub.