Mədəniyyət
“Dərs” filmi ilə kinoteatrlarda
9 mart tarixindən etibarən Mədəniyyət və Turizm Nazirliyinin dəstəyi ilə Cəfər Cabbarlı adına "Azərbaycanfilm" kinostudiyasının təşkil etdiyi “Bizim Kino Günləri 2017” layihəsi çərçivəsində Rafiq Əliyev və Cavid Təvəkkülün “Dərs” bədii filminin kinoteatrlarda nümayişinə başlanılır.Kinostudiyadan “Olaylar” – a bildirilib ki, filmin nümayişi 9 mart tarixindən etibarən Nizami Kino Mərkəzində, “Park Cinema” və “CinemaPlus” kinoteatrlar şəbəkəsində baş tutacaq. Film Azərbaycan Respublikası Mədəniyyət və Turizm Nazirliyinin dəstəyi ilə Cəfər Cabbarlı adına “Azərbaycanfilm” kinostudiyasında lentə alınıb.
Beynəlxalq Qadınlar günü ilə əlaqədar konsert keçirilib
Bakı Şəhər Mədəniyyət və Turizm Baş İdarəsinin təşkilatçılığı ilə Nizami Kino Mərkəzində 8 mart – Beynəlxalq Qadınlar gününə həsr olunmuş bayram konserti keçirilib. Baş İdarədən 2Olaylar2 – a bildirilib ki, konsertdə Bakı Şəhər Mədəniyyət və Turizm Baş İdarəsinin rəisi Vuqar Zeynalov, Azərbaycan Respublikası Mədəniyyət və Turizm Nazirliyinin Elm, təhsil və gənclərlə iş şöbəsinin müdiri Yaşar Əliyev, Azərbaycan Bəstəkarlar İttifaqının katibi, Üzeyir Hacıbəyovun ev-muzeyinin direktoru Sərdar Fərəcov, əməkdar artist Anar Şuşalı, uşaq musiqi və incəsənət məktəblərinin direktorları və digər qonaqlar iştirak ediblər.
Bu həftə Musiqili Teatrda
Azərbaycan Dövlət Musiqili Teatrında bu həftə 4 gün ərzində 6 tamaşa nümayiş ediləcək. Qurumun Mətbuat katibi Samir Sədaqətoğlu “Olaylar” – a bildirib ki, tamaşaçılar 8, 10, 11, 12 mart tarixlərində saat 12.00 və 19.00-da Qara Qarayevin musiqiləri əsasında “Mənim günahım” (İ. Əfəndiyev), “Arşın mal alan” (Ü. Hacıbəyli), “Qızıl cücə” (V. Ulanovski, V. Orlov), “Talelər qovuşanda” (R. Hacıyev), “Bir dayan, canavar!” (R. Ağayeva, A. Kurlyanskiy, A. Xayt) və “Toya bir gün qalmış” (Ə. Səmədli) tamaşalarını izləyə bilərlər. Musiqili Teatr bu həftə də rusdilli və balaca tamaşaçılarını unutmayıb. Belə ki, 11 mart tarixində saat 12.00-da V. Ulanovski, V. Orlovun “Qızıl cücə”,12 mart tarixində isə R. Ağayeva, A. Kurlyanskiy və A. Xaytın “Bir dayan, canavar!” əsərləri rus dilində uşaqlar üçün nümayiş olunacaq.
Əli Əmirlinin əsəri Ümumrusiya teatr festivalında
"Tatar-inform"un verdiyi xəbərə görə martın 12-də Tatarıstan Respublikasının Buinsk şəhərində Volqaboyu və Ural xalqları teatrlarının "İdel - Bua - Ural - dialoq məkanı" adlı Birinci Ümumrusiya teatr festivalı start götürəcək. Festivalda Qazağıstan, Tatarıstan, Başqırdıstan, Udmurtiya, Mari-El, Ulyanovck vilayəti, Komi və Kalmıkiya Respublikalarının teatrları çıxış edəcək.
Azərbaycanda "piy biznesi" - Arıqlamaq üçün pul tökən məşhurlar
Son illərdə şou-biznesdə əksər xanım sənətçilər arıqlamaqları ilə gündəmə gəlirlər. Onlar arasında təbii yolla, yəni pəhriz saxlayıb idman edənlər əlbəttə ki, azlıq təşkil edir. İncəsənət nümayəndələri qüsursuz bədənə sahib olmaq üçün həkimlərə müraciət edir, liposaksiya etdirmək niyyətinə düşürlər.
"Paxıllığımı çəkənlər var" - Məleykə Əsədova
"Dedi-qodu ilə şöhrət tapan bir-iki il gündəmdə olacaq. Paxıllığımı çəkənlər var. Var olan yüksəkliyə çox daş atarlar. Onlara fikir vermirəm".
“Quriya gündəlikləri” təqdim olunacaq
Mart ayının 9-da saat 12:00-da Milli Kitabxanada - “Açıq kitabxana” bölməsində Mədəniyyət və Turizm Nazirliyi və Azərbaycan Milli Kitabxanası ilə birgə gənc gürcü şairin kitabı çap olunub. Kitabxanadan “Olaylar” bildirilir ki, gənc şair Giorgi Kekelidzenin Azərbaycan dilinə tərcümə edilmiş “Gürcü ədəbiyyatı silsiləsi” seriyasından nəşr olunan “Quriya gündəlikləri”nin imza günü və təqdimatı keçiriləcək.
Dövlət Gənc Tamaşaçılar Teatrı ölkənin birinci vitse-prezidentini təbrik edir...
Ölkəmizin birinci xanımı, Heydər Əliyev Fondunun və Azərbaycan Mədəniyyəti Dostları Fondunun Prezidenti, Millət vəkili, UNESCO və İSESCO-nun xoşməramlı səfiri, çox hörmətli Mehriban xanım! Sizi birinci vitse-prezident təyin olunmağınız münasibətilə şəxsən öz adımdan və Azərbaycan Dövlət Gənc Tamaşaçılar Teatrının kollektivi adından ürəkdən təbrik edirəm. Bu uğurlu qərar ölkə Prezidentimiz cənab İlham Əliyevin uzaqgörənliyinin daha bir bariz göstəricisidir. Və biz bu qərarın çox tezliklə öz nəticəsini göstərəcəyinə əminik. Siz və prezidentimiz cənab İlham Əliyev Azərbaycanın parlaq rifahı və uğurlu gələcəyi üçün əlinizdən gələni edirsiniz. Azərbaycanın son illər dünya ölkələri arasında öz layiqli yerini tutması, ölkəmizdə həyata keçirilən dünya miqyaslı Beynəlxalq tədbirlər bu siyasətin müvəffəqiyyətindən xəbər verir.
Turizm şirkətinin nümayəndələri Gənc Tamaşaçılar Teatrında...
Hər zaman maraqlı layihələrə dəstək verən Azırbaycan Dövlət Gənc Tamaşaçılar Teatrında yeni layihənin reallaşdırılmasına start verilib. Teatrdan “Olaylar” – a bildirilib ki, ölkəmizdə fəaliyyət göstərən bir sıra turizm şirkətlərinin rəhbərləri və nümayəndələri ilə Dövlət Gənc Tamaşaçılar Teatrında dəyirmi masa ətrafında səmimi və işgüzar görüş keçirilib. Görüşdə Azərbaycan Respublikası Mədəniyyət və Turizm Nazirliyi Turizm Sənayesi ilə iş sektorunun müdiri Bəxtiyar Qılıncov, Turizm Sənayesi ilə İş sektorunun məsləhətçisi Rüstəm Mehdizadə ilə bərabər, bir sıra turizm şirkətlərinin rəhbərləri – Əziz Şiriyev (“Baku Travel Tourism”), Tural Müzəffərov (“Baku Tours”), İlkin Əhmədov (“Via Caucasus”), Tural Zeynalov (“Alde – Tur”), Sənan Şıxəliyev (“Victory Tour”), Marina Əhmədova (“Averta Travel”) və başqaları iştirak ediblər.
“Vaqif Arzumanlı-70”
Azərbaycan Milli Kitabxanasında Ədəbiyyatşünas alim Vaqif Arzumanlının anadan olmasının 70 illiyi münasibətilə “Vaqif Arzumanlı-70” adlı kitab sərgisi təşkil olunub. Kitabxanadan “Olaylar” – a bildirilib ki, sərgidə alimin Azərbaycan və rus dillərində əsərləri, tərtib və tərcümə etdiyi, redaktoru olduğu, ön söz yazdığı, haqqında olan kitablar nümayiş olunub.
“Ən yaxşı bədii film” mükafatına...
Mirbala Səlimlinin “Qırmızı bağ” filmi 15-ci Dəkkə Beynəlxalq Film Festivalının “Mənəvi filmlər” müsabiqə proqramında “Ən yaxşı bədii film” mükafatına layiq görülüb. Kinostudiyadan “Olaylar” – a bildirilib ki, proqramın əsas mükafatı filmimizə Kanada, İslandiya, İtaliya, Qırğızıstan, Filippindən olan münsiflər heyəti tərəfindən təqdim olunub. Dəkkə şəhərində keçirilən festivalda 60 ölkədən 150 film iştirak edib.
“XX əsrin teatr tendensiyaları” mövzusunda tələbə elmi konfrans
Azərbaycan Dövlət “Yuğ” teatrında Azərbaycan Dövlət Mədəniyyət və İncəsənət Universitetinin Tələbə Elmi Cəmiyyəti və Teatrşünaslıq kafedrasının təşəbbüsü ilə “XX əsrin teatr tendensiyaları” (The Solo Me and You) mövzusunda tələbə elmi konfransı keçirilib. Universitetdən “Olaylar” – a verilən məlumata görə, konfransı giriş sözü ilə açan Teatrşünaslıq kafedrasının müdiri, Sənətşünaslıq üzrə fəlsəfə doktoru, professor Aydın Talıbzadə və Azərbaycan Teatr Treninq Mərkəzinin direktoru, Beynəlxalq layihələr üzrə müşavir Şaiq Səfərov “XX əsrin teatr tendensiyaları” mövzusu ilə bağlı fikirlərini bölüşüblər.
Musiqili Uşaq Teatrı “Qırmızı Papaq” tamaşası ilə çıxış etdi
Bu günə qədər bir çox tamaşaları uğurla səhnələşdirən Musiqili Uşaq Teatrı bu dəfə Şarl Perronun “Qırmızı Papaq” nağılı ilə öz tamaşaçılarının görüşünə gəlib.