Mədəniyyət
“Teatr heyrətləndirməyi hər zaman bacarmalıdı”
Martın 10-da Teatr Xadimləri İttifaqında “Zaman və Teatr” adlı elmi – praktik konfrans keçirildi. Mədəniyyət və turizm nazirinin müavini Ədalət Vəliyev 144 illik inkişaf yolu keçən teatr ömrünə nəzər salaraq, bu günə qədər əldə olunan uğurlardan bəhs etdi. 144 illik yaşam yolu keçən Azərbaycan teatrı təbii ki, bu illər ərzində enişli – yoxuşlu, uğurlu – uğursuz yollardan keçib.
Fərman Kərimzadə - 80
Bakı Şəhər Mədəniyyət və Turizm Baş İdarəsinin təşkilatçılığı ilə mart ayında 10-da Suraxanı rayon Heydər Əliyev Mərkəzində yazıçı, nasir Fərman Kərimzadənin 80 illik yubileyinə həsr olunmuş tədbir keçirilib. Baş İdarədən “Olaylar” – a bildirilib ki, tədbirdə kinorejissor, ssenarist Şeyx Əbdül, əməkdar artist, aktyor Elxan Qasımov, Azərbaycan Milli Elmlər Akademiyasının Ədəbiyyat İnstitutunun filologiya üzrə fəlsəfə doktoru Aynur Xəlilova, Şadlinski nəslinin nümayəndəsi Eşqin Şadlinski, İdarənin əməkdaşları və digər qonaqlar iştirak ediblər.
“Bizim Evin Qonaqları” – nda növbəti görüş
Bakı Şəhər Mədəniyyət və Turizm Baş İdarəsinin H.Sarabski adına Mədəniyyət Evinin “Bizim Evin Qonaqları” rubrikasının növbəti qonağı Misir Ərəb Respublikasının Azərbaycandakı Səfirliyinin Misir Mədəniyyət və Təhsil Əlaqələri Mərkəzinin Ateşesi və direktoru Ahmed Sami Elaydi ilə görüş keçirilib. Baş İdarədən “Olaylar” – a bildirlib ki, görüş Binəqədi Mərkəzi mədəniyyət evində baş tutub.
Uşaq Filarmoniyasının Sankt-Peterburq şəhərində
Mart ayının 14 – də Rusiyanın Sankt - Peterburq şəhərində «Sankt-Peterburqun Azərbaycan milli-mədəni muxtariyyat» şəhər ictimai birliyinin hər il Novruz bayramı ərəfəsində keçirdiyi xeyriyyə tədbiri bu il də qeyd olunacaq.Keçiriləcək tədbirdə ölkəmizi bu dəfə Azərbaycan Dövlət Uşaq Filarmoniyasının rəqs ansamblı təmsil edəcək.
Ramiz Novruzun iştirakı ilə "Boy çiçəyi"
Martın 10-da Akademik Milli Dram Teatrında görkəmli aktyor, xalq artisti Ramiz Novruzun iştirakı ilə “Boy çiçəyi və ya sən həmişə mənimləsən” səhnə əsərinin ilk tamaşası təqdim olunacaq. Teatrın mətbuat xidmətindən “Olaylar” – a bildirilib ki, tamaşanın təqdimindən əvvəl 10 mart Azərbaycanda Milli Teatr Günü münasibəti ilə tədbir təşkil olunacaq və tədbir zamanı Azərbaycan peşəkar teatrının keçdiyi yola nəzər salınacaq.
“Osmanlı əsgəri” Amerikada 300 film mərkəzində
Məşhur türkiyəli rejissor Alinur Velidedeoğlunun rejissorluğu ilə çəkilən “The Ottoman Lieutenant” ( Osmanlı əsgəri) adlı film sabah Amerikada 300 film mərkəzində nümayiş olunacaq. “Olaylar” “Sabah” – a istinadən bildirir ki, rejissor amerikalı həmkarı ilə birgə çəkdiyi filmin çəkilişləri Çexiyada, İstanbulda və Kapadokyada olub. “Osmanlı əsgəri” adlı filmdə Oskar mükafatı qazanmış aktyorlar Ben Kingsley, Josh Hartnett, Hera Hilmar ilə bərabər, məşhur türkiyəli aktyor Haluk Bilginer də rol alıb.
Fərman Kərimzadənin 80 illik yubileyi qeyd olunacaq
Bakı Şəhər Mədəniyyət və Turizm Baş İdarəsinin təşkilatçılığı ilə mart ayının 10-da saat 12:00-da Suraxanı rayon Heydər Əliyev Mərkəzində yazıçı, nazir Fərman Kərimzadənin 80 illik yubileyinə həsr olunmuş tədbir keçiriləcək.
Almatıda “Teatr baharı - 2017”
Mart ayının 13-dən 18-dək Almatıda M.Auezov adına Qazaxıstan Dövlət Akademik Dram Teatrı tərəfindən təşkil olunan ənənəvi “Teatr baharı - 2017” festivalı baş tutacaq. 1995-ci ildən etibarən davamlı şəkildə keçirilən Festival hər il teatrın görkəmli aktyorlarından birinə həsr olunur. Festivalda teatrın ən son premyeraları nümayiş olunaraq beynəlxalq münsiflər tərəfindən qiymətləndirilir. SSRİ-nin xalq artisti Xadişa Bukeevanın 100 illik yubileyinə həsr edilən bu ilki festival çərçivəsində həmçinin “Xadişa Bukeeva və müasir aktyor sənətinin problemləri” mövzusunda Beynəlxalq elmi-praktiki konfrans keçiriləcək.