Mədəniyyət
Röya: "Əgər qocalanda efirə çıxıb gic-gic danışsam..."
Əməkdar artist Röya qadının ən gözəl yaş dövrünün 30-dan 40-a qədər olduğunu söyləyib. Müğənni Azərbaycanda müasir kino sahəsinin inkişafından danışıb. O, yerli filmlərin çəkilməsini müsbət hal kimi qiymətləndirib: "Filmlərin məni bir tamaşaçı kimi qane edib-etməməsi o qədər də əhəmiyyətli deyil. Ən önəmlisi odur ki, xoşdur. Çox şadam ki, Azərbaycanda da filmlər çəkilir.
Elmi Kitabxananın Nadir kitab fondunun inciləri
AMEA Mərkəzi Elmi Kitabxanasında (MEK) “Nadir kitab fondunun inciləri”nin təqdimatı keçirilib. AMEA Mərkəzi Elmi Kitabxanasının direktoru Leyla İmanova Nadir fondun təqdimatının əhəmiyyətindən danışıb. Kitabxanadan “Olaylar" – a bildirilib ki, L.İmanova təqdimatları keçirməkdə məqsəd Mərkəzi Elmi Kitabxanada mühafizə olunan zəngin ədəbiyyatı, faktları, Azərbayacan haqqında həqiqətləri geniş ictimaiyyətə çatırmaqdı. Qeyd edildi ki, görülən işlər, təqdimatlar operativ şəkildə mek.az saytında, kitabxanaya məxsus sosial şəbəkələrdə və mediada paylaşılmaqla ictimaiyyətə çatdırılır.
Tarix Muzeyinə etnoqrafik material təqdim edildi
Milli adət-ənənələrimizin öyrənilməsində mühüm rol oynayan Tarix Muzeyinin Etnoqrafiya elmi-fond şöbəsi vətəndaşların təqdim etdiyi yeni materiallar hesabana daim zənginləşir. Muzeydən “Olaylar” – a bildirilir ki, bu materiallar dövrün etnoqrafik mədəniyyətini öyrənmək baxımından xüsusi əhəmiyyətə malikdi.
“Uşaq musiqisi və müasirlik”
Azərbaycan Bəstəkarlar İttifaqında “Uşaq musiqisi və müasirlik” mövzusunda elmi-praktiki konfrans keçirilib. İttifaqdan “Olaylar” – a bildirilib ki, tədbirdə ittifaqın sədri, xalq artisti, professor Firəngiz Əlizadə konfransın mövzusunun aktuallığından danışıb. Uşaq musiqisinin problemlərinə toxunan F.Əlizadə bu istiqamətdə atılan addımların uşaqlarda musiqi zövqünün formalaşmasına müsbət təsir edəcəyini diqqətə çatdırıb. Azərbaycan Bəstəkarlar İttifaqının katibi, əməkdar incəsənət xadimi İmruz Əfəndiyeva “Müasir dövrdə uşaq musiqisinin problemləri” mövzusunda məruzə ilə çıxış edib.
“Dastan” brendinin yeni kolleksiyası
Şirvanşahlar Sarayı Kompleksində İçərişəhər Ənənəvi İncəsənət Mərkəzinin “Dastan” brendinin “Şirvanşahlar” kolleksiyasının təqdimat mərasimi keçirilib. Mərasimdə “İçərişəhər” Dövlət Tarix-Memarlıq Qoruğu İdarəsinin rəisi Əsgər Ələkbərov çıxış edərək Ənənəvi İncəsənət Mərkəzi barədə məlumat verdi. Bildirib ki, rəhbərlik etdiyi idarənin və Ənənəvi İncəsənət üzrə Şahzadə Məktəbinin birgə layihəsi olan İçərişəhər Ənənəvi İncəsənət Mərkəzi Heydər Əliyev Fondunun təşəbbüsü və dəstəyi ilə 2012-ci ilin oktyabr ayından etibarən tədris və sənətkarlıq mərkəzi kimi fəaliyyət göstərir.
Mərkəzi Kitabxanada təlim
Bu gün AMEA Mərkəzi Elmi Kitabxanasında (MEK) 2017-cı ilin Mülki Müdafiə tədbirlər planına müvafiq olaraq, “Fövqəladə hadisələrin nəticələrinin aradan qaldırılması, yanğın və qəza hadisələri zamanı düzgün təxliyə olunma qaydaları” mövzusunda növbəti kompleks mülki müdafiə təlimi keçirilib.
“MDB və Baltikyanı ölkələrin ən yaxşı filmi”- "Qırmızı bağ"
Mirbala Səlimlinin "Qırmızı bağ" bədii filmi Rusiyada 30-cu "Nika" mükafatının “MDB və Baltikyanı ölkələrin ən yaxşı filmi” mükafatına nominant elan olunub.
“Gəl, gözəl bahar, coşsun arzular”
Azərbaycan Musiqi Mədəniyyəti Dövlət Muzeyi muzeyin filialı olan Niyazinin mənzil muzeyində, Klassik Musiqi Həvəskarları Klubunda Bakı Musiqi Akademiyasının tələbəsi, Beynəlxalq Müsabiqələr laureatı, Prezident təqaüdçüsü Nəriman Əmiraslanovun konserti keçirilib. Muzeydən “Olaylar” – a bildirilib ki, istedadlı gənc pianoçu Nəriman Əmiraslanov baharın ilk günündə dinləyicilərə bahar ovqatı bəxş edib. Konsert proqramında Azərbaycan və Avropa bəstəkarlarının əsərlərindən ibarət rəngarəng musiqi proqramı təqdim edilib.
Tarixi Muzeyinə şəhid materialları təhvil verilib
Milli Azərbaycan Tarixi Muzeyi Azərbaycan torpaqları uğrunda canından keçən, şəhidlik zirvəsinə ucalan Vətən övladlarına məxsus materialların qorunub nümayiş etdirilməsində, təbliğində və gələcək nəsillərə ötürülməsində mühüm missiyanı həyata keçirir.
Çingiz Abdullayev Misir Mədəniyyət Mərkəzində
Çingiz Abdullayev Misir Ərəb Respublikasının Azərbaycandakı Səfirliyinin Mədəniyyət və Təhsil Əlaqələri Mərkəzində qonaq olub. Misir Mədəniyyət və Təhsil Əlaqələri Mərkəzinin rəhbəri Əhməd Sami Elaydi qonağı salamlayaraq Azərbaycanda fəaliyyət göstərən ilk və yeganə ərəb mədəniyyət mərkəzi olan Misir Mədəniyyət və Təhsil Əlaqələri Mərkəzinin yaranma tarixindən, həyata keçirdiyi işlər barədə, Misir və Azərbaycan arasında mədəni əməkdaşlıq əlaqələri barədə məlumat verdi. Öz növbəsində Çingiz Abdulayev dəvət üçün təşşəkürünü bildirdi.
Filarmoniyada konsert
Martın ayının 14 – də, saat 19:00-da Azərbaycan Dövlət Filarmoniyasının Kamera və Orqan Musiqi zalında Azərbaycan Dövlət Filarmoniyası və Mədəniyyət kanalı birgə konsert keçiriləcək. Filarmoniyadan “Olaylar” – a bildirilir ki, konsertdə bədii rəhbər və dirijor Faiq Sadıqovun rəhbərliyi ilə Azərbaycan Televiziyası və Radiosunun Səid Rüstəmov adına Xalq Çalğı Alətləri Orkestri çıxış edəcək. Solist – Səbuhi Cəfərovdu (tar).
Xalça Muzeyində Mülki Müdafiə Günü
Azərbaycan Xalça Muzeyində “1 Mart - Ümumdünya Mülki Müdafiə Günü” münasibəti ilə tədbir təşkil olunub. Muzeydən “Olaylar” – a bildirilir ki, tədbirdə Azərbaycan Xalça Muzeyinin Mülki müdafiə üzrə əməkdaşları çıxış ediblər. Qeyd olunub ki, bu tipli tədbirlərin keçirilməsində əsas məqsəd işçilərin baş verə biləcək fövqəladə hallara hazır olması, onların fövqəladə hallar zamanı davranış qaydalarına əməl etmə vərdişlərinin təkmilləşdirilməsi haqqında geniş məlumatların verilməsidi.
