Kriminal
Heroin alverçiləri yaxalandılar
Bakıda heroin alveri ilə məşğul olan şəxslər yaxalanıb. Daxili İşlər Nazirliyindən “Olaylar”a verilən məlumata görə, Xəzər rayon Polis İdarəsi əməkdaşları tərəfindən Bakı şəhər sakinləri Seyran Şahbazov və Həbib İbrahimovdan müvafiq olaraq 705 qram və 305,11 qram heroin götürülüb.
Xadimənin əl-ayağını bağlayıb seyfi qarət etdilər
Bakıda evlərdən birindən quldurluq yolu ilə külli məbləğdə pul, qızıl əşyalar və tüfəng aparmaqda şübhəli bilinən şəxs tutulub. Daxili İşlər Nazirliyinin mətbuat xidmətindən “Olaylar”a verilən məlumata görə, Bakı Şəhər Baş Polis İdarəsinin Cinayət Axtarışı İdarəsi və Xəzər Rayon Polis İdarəsi 1-ci polis bölməsi əməkdaşlarının keçirdikləri əməliyyat-axtarış tədbirləri nəticəsində avqustun 11-də rayonun Buzovna qəsəbəsindəki evlərdən birinə açıq qalmış qapıdan girib orada xadimə işləyən qadının əllərini və ayaqlarını kəmərlə bağlayıb seyfdən 75 000 manat, 11 000 ABŞ dolları, 200 000 manat dəyərində qızıl əşyalar və “Vinçestr” markalı tüfəng aparmaqda şübhəli bilinən paytaxt sakini Elvin Piriyev saxlanılıb. Şəxsiyyəti müəyyən edilən daha 3 nəfərin tutulması istiqamətində tədbirlər görülür.
Bakıda “London Taxi”si qaçırıldı
Bakıda “London Taxi” markalı avtomobili qaçırılıb. Daxili İşlər Nazirliyinin (DİN) mətbuat xidmətindən “Olaylar”a verilən məlumata görə, avqustun 11-də Binəqədi rayonu M.Ə.Rəsulzadə qəsəbəsi ərazisindən Cəbrayıl rayon sakini Allahyar Hüseynovun idarə etdiyi “London Taxi” markalı avtomobili qaçırılıb. Binəqədi Rayon Polis İdarəsinin (RPİ) 4-cü Pölis Bölməsi əməkdaşlarının keçirdikləri əməliyyat tədbirləri nəticəsində avtomobili qaçırmaqda şübhəli bilinən Bakı şəhər sakini, əvvəllər məhkum olunmuş Rantik Quliyev tutulub, avtomobil Baksol yaşayış sahəsində tapılıb.
Bakıda piyadanı vuraraq qaçan sürücü həbs edilib
Bakıda piyadanı vuraraq qaçan sürücü həbs edilib. Bakı şəhər Baş Polis İdarəsi və şəhər prokurorluğundan daxil olan birgə məlumatda qeyd olunur ki, Xəzər rayonunun polis və prokurorluq orqanları tərəfindən həyata keçirilmiş təxirəsalınmaz istintaq və əməliyyat-axtarış tədbirləri nəticəsində rayon ərazisində yol nəqliyyat hadisəsi törədərək hadisə yerindən qaçmış sürücü tutularaq istintaqa cəlb edilib.
Avtomobil qaçıran 2 şəxs saxlanıb
İyunun 24-də Bakı şəhər sakini Şaiq Alıyevə məxsus “VAZ-2106” markalı avtomobil qaçırılıb. DİN-dən “Olaylar”a verilən məlumata görə, Xətai RPİ 37-ci PB əməkdaşlarının keçirdikləri əməliyyat-axtarış tədbirləri nəticəsində maqda şübhəli bilinən paytaxt sakini Aleksey Litvinenko tutulub. Bundan başqa, Xəzər RPİ 1-ci PB əməkdaşlarının keçirdikləri əməliyyat-axtarış tədbirləri nəticəsində avqustun 9-da Bakı şəhər sakini Elmar Ocaqquliyevə məxsus “VAZ-2106” markalı avtomobili qaçırmaqda şübhəli bilinən qrupun digər üzvü - paytaxt sakini Aslan Əliyev tutulub.
Soyğunçular ələ keçdilər
Bakı şəhər sakininə qarşı soyğunçuluq törətməkdə şübhəli bilinən şəxslər tutulublar. Daxili İşlər Nazirliyinin (DİN) mətbuat xidmətindən “Olaylar”a verilən məlumata görə, avqustun 10-da saat 2 radələrində Nəsimi rayonunun Moskva prospektində 2 naməlum şəxs Bakı şəhər sakini İlqar Ağayevə zor tətbiq edərək pulunu və mobil telefonunu alıb.
Azərbaycanlı “qanuni oğru”ların sayı açıqlandı - ADLAR
Hazırda dünyada 17 azərbaycanlı "qanuni oğru" var. Bu barədə Rusiyanın kriminal mətbuatı məlumat yayıb. Məlumata görə, onların bəziləri həbsxanada, bir neçəsi axtarışda, qalanları azadlıqdadır. "Zaur Naxçivanski", "Tolik Noqinski", "Albert Piterski", "Rüfət Gəncinski", "Emin Hacıqabulski", "İlqar Bakinski" Rusiyada həbsxanadadırlar.
Təmir sexinin seyfindən pul oğurlanıb
Bərdə rayonu ərazisindəki elektrik avadanlıqlarının təmiri sexlərindən birində oğurluq törətməkdə şübhəli bilinən şəxs tutulub. Daxili İşlər Nazirliyinin (DİN) mətbuat xidmətindən “Olaylar”a verilən məlumata görə, avqustun 9-da Bərdə rayonu ərazisindəki elektrik avadanlıqlarının təmiri sexlərindən birində seyfdən 920 manat pul və videoqeydiyyat qurğusunu oğurlmaqda şübhəli bilinən şəhər sakini Azər Lətifi Bərdə rayon Polis Şöbəsinin əməkdaşları tərəfindən tutulub.
Evlərdən pul və qızıl aparan tutulub
Paytaxtın Nizami rayonu ərazisindəki evlərdən birindən oğurluq törətməkdə şübhəli bilinən Bakı şəhər sakini tutulub. Daxili İşlər Nazirliyinin (DİN) mətbuat xidmətindən “Olaylar”a verilən məlumata görə, Nizami rayon Polis İdarəsinin 24-cü polis bölməsi əməkdaşlarının keçirdikləri əməliyyat-axtarış tədbirləri nəticəsində avqustun 1-də rayon ərazisindəki evlərdən birindən 1700 manat, 75 ABŞ doları, habelə 10.000 manat dəyərində qızıl əşyalar oğurlamaqda şübhəli bilinən Bakı şəhər sakini Elmin Cəfərov tutulub.
Özünü MTN polvovniki kimi təqdim edən qadına və tanışına hökm oxunub
Bu gün Bakı Ağır Cinayətlər Məhkəməsində dələduzluqda təqsirləndirilən Aygün Akimova və İlham Baxışovun cinayət işi üzrə məhkəmə prosesi davam etdirilib. Hakim Əlövsət Abbasovun sədrliyi ilə keçirilən prosesdə hökm oxunub. Hökmə əsasən, A. Akimova 13 il, İ. Baxışov isə 3 il müddətinə azadlıqdan məhrum edilib. Ötən iclasda çıxış edən prokuror A. Akimovanın 13 il, İ. Baxışovun isə 4 il müddətinə azadlıqdan məhrum edilməsini istəyib. İttihama görə, A. Akimova özünü sahibkarlara ləğv edilmiş Milli Təhlükəsizlik Nazirliyinin (MTN) məxfi agenti, vəzifəli şəxs kimi tanıtmaqla dələduzluq edib. Həmin cinayət işində onun İ. Baxşıyevlə əlbir olduğu bildirilir. Onlar Cinayət Məcəlləsinin 178-ci (dələduzluq) maddəsi ilə ittiham olublar.
Gədəbəydə qətl hadisəsinin üstü açılıb
Gədəbəy rayonunda 2 quldurluq, həmçinin keçmiş illərdən bağlı qalmış 1 qətl hadisəsinin üstü açılıb. DİN və Baş Prokurorluqdan verilən birgə məlumata görə, bu il avqust ayının 5-də naməlum şəxs Gədəbəy rayonun İnəkboğan kənd sakini Əjdər Ələkbərovun evinə qanunsuz daxil olaraq ona qarşı zor tətbiq edib, müxtəlif xəsarətlər yetirərək pul tələb edib. Məqsədinə nail olmadıqda isə ev sahibinə məxsus 1 ədəd “NOKİA” markalı telefonu götürərək hadisə yerini tərk edib.
Aptekdən oğurluğa cəhd göstərən şəxs hadisə yerində saxlanılıb
Polis Səbail rayonunda aptekdən oğurluğa cəhd göstərən şəxsi hadisə yerində saxlayıb. Daxili İşlər Nazirliyinin mətbuat xidmətindən verilən məlumata görə, gecə saatlarında Səbail Rayon Mühafizə İdarəsi (RMİ) əməkdaşları tərəfindən xüsusi vasitələrlə qorunan Qurban Abbasov küçəsindəki aptekdən Kompüterləşdirilmiş Mərkəzi Mühafizə Məntəqəsinə “həyəcan” siqnalı daxil olub.
Evlərə qənim kəsilən keçmiş məhkum ələ keçib
Şabran RPŞ-nin əməkdaşları tərəfindən avqustun 8-də rayon ərazisindəki evlərdən birindən 200 manat pul və qızıl əşyalar oğurlamaqda şübhəli bilinən şəhər sakini Zamin Məlikov tutulub. Araşdırma zamanı onun əvvəllər məhkum olunduğu müəyyən edilib.