Kriminal
"Sənin anan, bacın da əxlaqsızdır" - MƏHKƏMƏDƏ ŞOK İFADƏ
Bakıda sevdiyi qadını öldürməkdə və iki nəfəri də yaralamaqda təqsirləndirilən Sənan Məmmədovun cinayət işi üzrə məhkəmə prosesi davam edib. Bakı Ağır Cinayətlər Məhkəməsində hakim Eldar İsmayılovun sədrliyi ilə keçirilən prosesdə hökm oxunub. Hakimlər kollegiyasının hökmünə əsasən Sənan Məmmədov 19 il azadlıqdan məhrum edilib.
100 kq narkotik vasitə müsadirə olunub
Respublikanın daxili işlər orqanları ümumən cinayətkarlığa, o cümlədən narkotik vasitələrin qanunsuz dövriyyəsinə qarşı mübarizə tədbirlərini uğurla davam etdirirlər.
Polis qanunsuz saxlanılan silahları müsadirə edib
Daxili İşlər Orqanları tərəfindən qanunsuz saxlanılan silah-sursatın aşkar edilərək götürülməsi, eyni zamanda könüllü təhvil verilməsi məqsədilə uğurlu əməliyyat-axtarış və profilaktiki tədbirlər davam etdirilir.
Rəqsanənin eks-polis sevgilisinin DƏHŞƏTLİ ƏMƏLLƏRİ ÜZƏ ÇIXDI
Oğurluqda ittiham olunan Baş Dövlət Yol Polisi İdarəsinin keçmiş əməkdaşı Fərid Azayev, qardaşı Faiq Azayev və onların ataları İsif Azayevin cinayət işi üzrə məhkəmə prosesi başlayıb.
Ali Məhkəmə Əli İnsanovla bağlı QƏRAR VERDİ
Sabiq səhiyyə naziri Əli İnsanovun barəsində olan hökmdən verilmiş kasasiya şikayəti üzrə məhkəmə prosesi keçirilib. Bu gün Ali Məhkəmədə hakim Fərhad Kərimovun sədrliyi ilə baş tutan prosesdə qərar elan olunub. Qərara əsasən, Əli İnsanovun kasasiya şikayəti təmin edilməyib.
Axtarışda olan 19 nəfər saxlanıb
Respublikanın daxili işlər orqanları tərəfindən yanvarın 15-dən 16-dək 117 cinayət faktı qeydə alınıb, onların da 28-i “isti izlər”lə açılıb. Daxili İşlər Nazirliyinin Mətbuat Xidmətindən “Olaylar”a verilən məlumata görə, axtarışda olduğuna görə 19 nəfər saxlanılaraq aidiyyatı üzrə təhvil verilib.
Ölkəyə qanunsuz siqaret və telefon gətirilməsinin qarşısı alınıb
Gürcüstandan qanunsuz gətirilən xeyli sayda mobil telefon və siqaret gömrükdə müsadirə olunub. Dövlət Gömrük Komitəsindən “Olaylar”a verilən məlumata görə, Tovuz Gömrük İdarəsinin Gömrük hüquqpozmalarına qarşı mübarizə şöbəsinə daxil olan məlumat əsasında, "Sınıq Körpü" gömrük postunda Gürcüstandan gələn Azərbaycan vətəndaşının idarə etdiyi minik avtomobilinə gömrük nəzarəti həyata keçirilib.
Fədayə Laçının həbs müddəti uzadıldı
Bakıda 2 məhbusun qaçmasında təqsirləndirilərək həbs edilən müğənni Fədayə Laçının həbs müddəti uzadılıb. Bu barədə F.Laçının vəkili Türkel Süleymanlı deyib.Vəkil bildirib ki, F.Laçının həbs müddəti yanvarın 25-də başa çatırdı. Nəsimi rayon məhkəməsi istintaq orqanının təqdimatı əsasında F.Laçının barəsində seçilmiş həbs-qətimkan tədbirinin müddətini daha 3 ay uzadıb. Həbs müddəti aprelin 25-dək uzadılıb.
Avtomobil qaçıran şəxs tutulub
Avtomobil qaçırmaqda şübhəli bilinən şəxs tutulub. DİN-dən “Olaylar”a verilən məlumata görə, yanvarın 14-nə keçən gecə Gəncə şəhəri ərazisindən şəhər sakini Süleyman Süleymanova məxsus “VAZ-2107” markalı avtomobili qaçırmaqda şübhəli bilinən həmyerlisi Sənan Cümşüdov Nizami (Gəncə) RPİ-nin əməkdaşları tərəfindən saxlanılıb.
Soyğunçular ələ keçiblər
Soyğunçuluq etməkdə şübhəli bilinən iki nəfər saxlanıb. DİN-dən “Olaylar”a verilən məlumata görə, yanvarın 14-də paytaxtın Nizami rayonu ərazisində 2 naməlum şəxs Bakı şəhər sakini Elmar Məmmədovun 113 manatını açıq talama yolu ilə alıblar. Nizami RPİ 24-cü PB əməkdaşlarının keçirdikləri əməliyyat-axtarış tədbirləri nəticəsində soyğunçuluğu törətməkdə şübhəli bilinən paytaxt sakinləri, əvvəllər məhkum olunmuşlar Pərviz Quliyev və Elməddin Quliyev saxlanılıb.
“Mercedes”i yol ayırıcısına vurdu, sürücü hadisə yerində ölü
Adam rayonunda ölümlə nəticələnən yol-nəqliyyat hadisəsi baş verib. DİN-dən “Olaylar”a verilən məlumata görə, yanvarın 15-də saat 2 radələrində Ağdam rayonunun Quzanlı qəsəbəsində Ayaq Qərvənd kənd sakini Fətiş Həmidov idarə etdiyi “Mercedes” markalı avtomobili yol ayırıcısına vurub. Nəticədə sürücü hadisə yerində ölüb.
3 evdən pul, qızıl və məişət əşyaları oğurlayan ələ keçib
Evlərdn qızıl və məişət əşyaları oğurlamaqda şübhəli bilinən şəxs saxlanıb. DİN-dən “Olaylar”a verilən məlumata görə, Nəsimi RPİ 19-cu PB əməkdaşlarının keçirdikləri əməliyyat-axtarış tədbirləri nəticəsində ötən ilin dekabr ayının 9-dan yanvarın 12-dək rayon ərazisindəki 3 evdən pul, qızıl və məişət əşyaları oğurlamaqda şübhəli bilinən İmişli rayon sakini Anar Əzizov saxlanılıb.
Avtoqəzada 1 nəfər ölüb
İmişli rayonunda ölümlə nəticələnən yol-nəqliyyat hadisəsi baş verib. DİN-dən “Olaylar”a verilən məlumata görə, yanvarın 14-də saat 9 radələrində İmişli rayonunun Telişli kəndində rayon sakini Pənah Kərimovun idarə etdiyi “VAZ-2105” markalı və Saatlı şəhər sakini Süleyman Nəsirovun idarə etdiyi “Toyota” markalı avtomobillər toqquşub. Nəticədə xəstəxanaya yerləşdirilmiş P.Kərimov orada ölüb. İmişli RPŞ tərəfindən araşdırma aparılır.
Ölkəyə qaçaqmalçılıq yolu ilə siqaret gətirilməsinin qarşısı alınıb
Tovuz Gömrük İdarəsinin Gömrük hüquqpozmalarına qarşı mübarizə şöbəsinə daxil olan məlumat əsasında, "Sınıq Körpü" gömrük postunda Gürcüstandan gələn Azərbaycan vətəndaşının idarə etdiyi minik avtomobilinə gömrük nəzarəti həyata keçirilib.Dövlət Gömrük Komitəsindən “Olaylar”a verilən məlumata görə, baxış zamanı, həmin nəqliyyat vasitəsində gömrük nəzarətinə əvvəlcədən bəyan edilməyən 2000 ədəd "Marlboro" markalı siqaret aşkar olunub. Faktla bağlı araşdırma aparılır.
Azərbaycanda insan alveri - 8 cinayətkar qrup zərərsizləşdirilib
İnsan alverinin və bu cinayətin qurbanlarının müəyyən edilməsi üzrə Milli Fəaliyyət Planı əsasında 2017-ci ildə görülən işlər çərçivəsində 142 insan alveri və 6 məcburi əmək cinayəti müəyyən edilib, 17 nəfərdən ibarət 8 cinayətkar qrup zərərsizləşdirilib.