Gündəm
İlham Əliyev Filippin prezidentini təbrik etdi
Azərbaycan Respublikasının Prezidenti İlham Əliyev Filippin Respublikasının Prezidenti Rodriqo Duterteni Filippin Respublikasının milli bayramı - Müstəqillik Günü münasibətilə təbrik edib.
Tehranda terror aktları ilə bağlı 8 nəfər saxlanıldı
İranda hüquq-mühafizə orqanları tərəfindən Tehranda baş vermiş terror aktları ilə əlaqədar 8 nəfər saxlanılıb. Şübhəlilər Elburs əyalətində saxlanılıb. İran Ədliyyə Nazirliyinin məlumatına görə, saxlanılanlar terrorçulara dəstək verməkdə şübhəli bilinirlər. Bu günədək saxlanılanların sayı 41 nəfərə çatıb.
Kvant kompüterləri üçün lazım olan ultranazik maqnit yaradılıb
Massaçusets Texnologiya İnstitutu və Vaşinqton Universitetinin alimləri dünyada ilk dəfə ikiölçülü maqnit yaratmağa müvəffəq olublar. Alimlərin sözlərinə görə, xrom triodid adlı birləşmə hətta bir atom qalınlığında olarkən maqnit xüsusiyyətlərini saxlamaq qabiliyyətinə malikdir.
“Project Wing” dronlar üçün dispetçer sistemini sınaqdan keçirib
İstehlak məqsədli pilotsuz uçan aparatların (dron) əlçatanlığı onların təhlükəsizliyi məsələsini gündəmə gətirir. Yaxın gələcəkdə belə aparatların sayının artması idarə edilən aviatexnika üçün təhlükə yaradacaq. Belə təxmin edilir ki, xüsusi proqram həlləri (müəyyən sahələr daxilində uçuşlara qadağa qoyulması və ya maneədən yan keçmək üçün alqoritmlər) toqquşmaların qarşısını almağa imkan verəcək. Alternativ qismində olduğu yerin monitorinqini təmin edən “ADS-B” texnologiyası nəzərdə tutulur.
Yeni dron bütün istiqamətlər üzrə uçacaq
İsveçrədə bütün istiqamətlər üzrə sərbəst hərəkət edən pilotsuz uçan aparat yaradılıb. Əksər dronlar havada üfüqi şəkildə qaldığı halda, “Voliro” adlanan aparat istənilən əyilmə bucağı altında asanlıqla hərəkət edə bilir. Buna bütün tərəflərə dönən altı müstəqil propeller sayəsində nail olmaq mümkün olub.
Fərdi qurğulardan istifadə son həddə çatıb
“Cisco” şirkətinin yeni hesabatında hazırda internetin əksər hissəsinin smartfon, planşet və fərdi kompüterlərlə - insanı informasiya ilə təchiz edən qurğularla təmsil olunması qeyd edilib və beş il sonra həmin qurğuların sayının azalacağı və əsas diqqətin “ağıllı” ev, ofis və avtomobillərdə bir-biri ilə ünsiyyət üçün nəzərdə tutulan kompüterlərə yönəldiləcəyi proqnozlaşdırılır.
Robot ali məktəbə daxil olmaq üçün riyaziyyatdan test imtahanı verib
Çində düzəldilmiş “AI-MATHS” robotu Çendu (Cənub-Qərb Çin) şəhərində ali məktəblərə daxil olmaq üçün vahid dövlət imtahanı zamanı riyaziyyatdan test imtahanı verib.
Kiçik cihaz yuxu zamanı apnoe xəstəliyinə diaqnoz qoyur
Apnoe xəstəliyinə (tənəffüs hərəkətlərinin dayanması) diaqnoz qoymaq üçün insanlar yuxu laboratoriyasına (polisomnoqrafiya) göndərilir. Pasiyentlər tədqiqat çərçivəsində başa bərkidilmiş çoxsaylı elektrodların nəzarəti altında gecəni tibbi müəssisədə keçirməli olurlar. Bundan başqa, mövcud olan diaqnostik qurğular evdə də istifadə oluna bilər, ancaq belə qurğular kifayət qədər böyük yer tutur. İndi “Somnarus” startapı tərəfindən təqdim edilmiş “SomnaPatch” adlı kiçik cihaz yuxu zamanı apnoe xəstəliyinə yüksək dəqiqliklə diaqnoz qoya bilir.
Yuxusuzluğun daha bir çarəsi tapıldı
Alimlər yuxusuzluğun daha bir çarəsini tapıblar. Bunun üçün insan uzanıqlı halda öz beynini aldatmalıdır. Kanadalı alimlər yuxusuzluqdan əziyyət çəkənlərə hər hansı bir neçə hərfi seçib bundan sözlər düzəltməyi, sonra isə həmin sözləri vizual olaraq canlandırmağı tövsiyə edirlər. Sözlər emosianal yüklü olmamalıdır ki, beyni çox məşğul etməsin. Alimlər təcrübədən belə nəticəyə gəliblər ki, bu üsulla ən uzağı 20 dəqiqəyə yuxulamaq mümkündür.
Bu bitki qanda xolesterinin miqdarını normaya salır
Laminariya və ya dəniz kələmi boz-qonur rəngli dəniz yosunları sinfinə daxildir, qədim Şərq yosunu hesab edilən bitki dəniz sahilində yaşayanların qidası olub. Tərkibində külli miqdarda makro və mikroelement olduğuna görə ondan gübrə kimi də istifadə edilib. Əsasən Yapon və Oxot dənizlərinin sahilində bitir. Dəniz kələmi Yaponiya, Çin və Koreya mətbəxinin əsas qidası hesab edilir. Yaponlar demək olar ki, hər gün dəniz kələmindən istifadə edirlər. Məşhur yapon yeməyi olan suşiləri qurudulmuş laminariya məhsullarından hazırlanır.