Kiyev meri səsverməyə velosipedlə gəldi

"Ukrayna avrointeqrasiya kursundan dönməməlidir".

Kiyev şəhərinin meri Vitali Kliçko Ukraynada keçirilən prezident seçkilərində səsverməyə velosipedlə gəlib.

Rusiya mediası xəbər verir ki, keçmiş boksçu səhər saat 8-də seçki məntəqəsi açılandan dərhal sonra səsvermədə iştirak edib.

"Bu seçkilərin nəticəsi Ukraynanın gələcək inkişafının istiqamətini müəyyənləşdirəcək. Kimin prezident seçilməsində asılı olmayaraq ölkə avrointeqrasiya kursundan dönməməlidir. Mən Ukraynada Avropa demokratik dəyərlərinin güclənməsi üçün əlimdən gələni edəcəyəm", - deyə Kiyev meri bildirib.

Qeyd edək ki, prezidentliyə əsas namizədlər hazırkı dövlət başçısı Pyotr Poroşenko, keçmiş baş nazir Yuliya Timoşenko və şoumen Vladimir Zelenskidir.(teleqraf.com)