"Taliban" hərəkatı - 7 polis öldürüldü

Əfqanıstanın cənubunda Zabul əyalətində "Taliban" radikal hərəkatının üzvlərinin hücumu nəticəsində ən azı 7 polis həlak olub.

Olaylar.az bildirir ki, bu barədə "Sinxua" agentliyində məlumat yayılıb.

Yerli hakimiyyətin nümayəndəsinin agentliyə verdiyi məlumata görə, silahlı döyüşçülər səhər tezdən nəzarət-buraxılış məntəqələrinə hücüm edib və yeddi polisin ölümünə səbəb olublar.

Qeyd edək ki, Taliban (ərəbcə "tələbələr") - 1994-cü ildə yaranan və 1996-2004-cü illər arası Əfqanıstanın bütün ərazisini idarə etmiş  hərəkatdır.