Bakı-Tbilisi-Qars xətti üzrə hərəkət edəcək sərnişin qatarı test olunur - Gürcüstanda

Test qatarı Tbilisiyə çatandan sonra Bakıya yola düşəcək.

Bakı-Tbilisi-Qars istiqaməti üzrə hərəkət edəcək "Stadler" şirkətinin ilk sərnişin qatarı Türkiyədən Gürcüstana gəlib.

Azərbaycan tərəfinin aldığı qatar hazırda Axalkalaki dəmir yolu stansiyasındadır və test rejimində sərnişinlərsiz Gürcüstan dəmir yolları ilə hərəkət edəcək.

Axalkalaki dəmir yolu hissəsində 1 520 metr uzunluqda postsovet dövrünə aid dəmir yolu xətləri Avropa standartlarına uyğun relslərlə birləşdirilib.

"Stadler" qatarının hər iki hissəni maneəsiz qət etmək imkanı var.

İsveçrədən hərəkətə başlayan test qatarı Tbilisiyə çatandan sonra Bakıya yola düşəcək.

Qeyd edək ki, BTQ dəmir yolu vasitəsilə sərnişinlərin daşınmasına bu il başlanılması planlaşdırılır. (Report)