Ədalət Vəliyev “Cinema Plus” kinoteatlar şəbəkəsinin direktoru ilə görüşdü

Azərbaycan Respublikasının Mədəniyyət və Turizm nazirinin müavini Ədalət Vəliyev “Cinema Plus” kinoteatrlar şəbəkəsinin direktoru Zaur Darabzadə  və “Park Cinema” kinoteatr şəbəkəsinin satış və marketinq üzrə direktoru Musa Axundovla Nazirlikdə görüş keçirib.

Azərbaycan Respublikasının Mədəniyyət və Turizm nazirinin müavini Ədalət Vəliyev "Cinema Plus" kinoteatrlar şəbəkəsinin direktoru Zaur Darabzadə  və "Park Cinema" kinoteatr şəbəkəsinin satış və marketinq üzrə direktoru Musa Axundovla Nazirlikdə görüş keçirib. "Olaylar" bildirir ki, Ədalət Vəliyev  milli kinonun inkişafı istiqamətində görülmüş işlərdən və qarşıda duran vəzifələrdən danışaraq, son illər ölkədə özəl kino sahəsindəki canlanmanı müsbət qiymətləndirmiş, tamaşaçıların kinoteatrlara marağının artmasında "Cinema Plus" və "Park Cinema" kinoteatr şəbəkələrinin xüsusi rolu olduğunu qeyd etdib.
Görüş zamanı kinoteatrlarda Azərbaycan filmlərinin nümayişi, xarici filmlərin Azərbaycan dilinə dublyaj edilərək nümayiş olunması, dublyaj səviyyəsinin yaxşılaşdırılması, kinoteatrlarda biletlərin satış qiymətləri,  sözügedən kinoteatr şəbəkələrinin Mədəniyyət və Turizm Nazirliyi ilə müxtəlif istiqamətlərdə əməkdaşlığı və s. məsələlər ətrafında fikir mübadiləsi aparılmışdır.
Zaur Darabzadə və Musa Axundov rəhbərlik etdikləri kinoteatr şəbəkələrinin fəaliyyəti, gələcək planları və perspektivləri haqqında ətraflı məlumat veriblər.