İlham Əliyev qurucu lider olduğunu artıq təsdiqləyib- ÖZƏL

"Prezident İlham Əliyev son dörd ildə Azərbaycanın dirçəliş modelini dünyaya təqdim edərək qurucu lider olduğunu təsdiqləyir". Olaylar xəbər verir ki, bunu YAP Astara rayon təşkilatının sədri Həbib Cəfərov deyib:
"Azərbaycanın yalnız öz gücünə, heç kimdən maliyyə yardımı almadan Qarabağı və Şərqi Zəngəzuru cənnət məkana şevirməsi, Böyük Qayıdış proqrmını uğurla icra etməsi dünənimizə baxış əsasında gələcəyə hesablanmış siyasətimizin təqdimatıdır.
Artıq dörd ildir bütün bayramlarımızı, o cümlədən Dövlət Bayrağı Gününü Zəfər ruhunda qeyd edirik.  Qalibiyyət rəmzi olan üçrəngli bayrağımızın işğaldan azad edilmiş torpaqlarımızda dalğalanması qürurumuz, milli kimliyimiz, sabaha doğru inamlı addımlarımızın əsasıdır. Bayraq Günündə 44 günlük İkinci Qarabağ müharibəsi dövründə cəbhədən gələn qələbə müjdələrinin xalqımızda yaratdığı hissləri yada salmamaq mümkünsüzdür. Küçə və meydanlarımızı Azərbaycan Bayrağı bəzədi. Paytaxt və bölgələrimizdə yaşanan Zəfər sevincinə bayrağımız şahidlik etdi".