Kriminal
Bakıda mənzildə meyit aşkarlanıb
Fövqəladə Hallar Nazirliyinin Böhran Vəziyyətlərində İdarəetmə Mərkəzinə Bakının Nərimanov rayonunda 1 nəfərin bağlı qapı arxasında köməksiz vəziyyətdə qalması barədə məlumat daxil olub. FHN-dən “Olaylar”a verilən məlumata görə, nazirliyin Xüsusi Riskli Xilasetmə Xidmətinin xilasediciləri hadisə yerinə cəlb olunaraq mənzilin qapısını açıb və 1971-ci il təvəllüdlü İsmayılov Elzamin Nəbi oğlunun cəsədini aşkar ediblər. Cəsəd aidiyyəti üzrə təhvil verilib.
Ata və qızını küçədə bıçaqlayıb aradan çıxdı
Daxili İşlər Nazirliyi (DİN) ata və qızının qətli ilə bağlı məlumat yayıb. “Olaylar” xəbər verir ki, DİN-in məlumatına görə, sentyabrın 9-da saat 23 radələrində Abşeron rayonunun Sulutəpə qəsəbəsi ərazisində naməlum sürücü idarə etdiyi “Mercedes” markalı avtomobili yolun kənarında dayanan, paytaxt sakini Allahverdi Əsədova məxsus “VAZ-2107” markalı avtomobilə vurub. Sonra o, hadisə yerinin yaxınlığında olan A.Əsədova, qızı Samirəyə bıçaqla xəsarət yetirərək hadisə yerini tərk edib. Nəticədə A.Əsədov və qızı hadisə yerində ölüblər.
Həbs edilmiş şəxslərin bir qrupu vaxtından əvvəl azadlığa buraxılıb
Nardaran hadisələrinə görə həbs edilmiş şəxslərin bir qrupu azadlığa buraxılıb. Bununla bağlı məhkəmə tərəfindən qərar qəbul edilib. Qərara əsasən, 2015-ci il noyabrın 26-da Nardaranda keçirilən əməliyyat zamanı saxlanılan 14 nəfər vaxtından əvvəl azadlığa buraxılıb.
Yolu keçən piyadanı maşın vurub
Bakıda piyadanın vurulması ilə nəticələnən yol qəzası baş verib. Daxili İşlər Nazirliyinin mətbuat xidmətindən verilən məlumata görə, sentyabrın 11-nə keçən gecə Sabunçu rayonu ərazisində İmişli rayon sakini Müşviq Mikayıl idarə etdiyi “Mitsubishi” markalı avtomobillə yolu keçən Bakı şəhər sakini Malik Rəcəbovu vurub. Nəticədə piyada hadisə yerində ölüb. Sabunçu RPİ tərəfindən araşdırma aparılır.
.jpg)
Sankt-Peterburqda üç azərbaycanlı tutulub
Sankt-Peterburqda oğurluq və soyğunçuluq törətməkdə təqsirləndirilən üç azərbaycanlı həbs edilib. Hüquq-mühafizə orqanlarının yaydığı məlumatda bildirilir ki, 23, 24 və 26 yaşlarında olan təqsirləndirilənlər yuxu dərmanından istifadə edərək bir neçə şəxsi qarət ediblər.
“KamAZ” piyadanı vurub öldürdü
Sabunçu qəsəbəsi ərazisində “KamAZ” markalı avtomobillə paytaxt sakini Q.Əliyeva vurulub. Daxili İşlər Nazirliyinin (DİN) mətbuat xidmətindən “Olaylar”a verilən məlumata görə, cari il iyul ayının 5-də Sabunçu qəsəbəsi ərazisində Bakı şəhər sakini Elnur Yunusov idarə etdiyi “KamAZ” markalı avtomobillə paytaxt sakini Qəmərzə Əliyevanı vurub. Belə ki, qadın sentyabrın 7-də yaşadığı evdə ölüb. Sabunçu rayon Polis İdarəsi tərəfindən araşdırma aparılır.
Motosiklet oğrusu yaxalandı
Bakı şəhər sakininə məxsus motosikleti oğurlamaqda şübhəli bilinən paytaxt sakini tutulub. Daxili İşlər Nazirliyinin (DİN) mətbuat xidmətindən “Olaylar”a verilən məlumata görə, Yasamal rayon Polis İdarəsinin 27-ci polis bölməsi əməkdaşlarının keçirdikləri əməliyyat tədbirlərilə iyunun 30-da Bakı şəhər sakini Fərid Məmmədova məxsus “Haojue” markalı motosikleti oğurlamaqda şübhəli bilinən paytaxt sakini Rasim Abdurəhmanov tutulub.
Qaz sayğaclarına qənimi ələ keçib
Oğurluq etməkdə şübhəli bilindiyinə görə tutulan şəxs Qaradağ rayonu ərazisindəki 4 evdən qaz sayğaclarını oğurlaması müəyyən edilib. Daxili İşlər Nazirliyinin (DİN) mətbuat xidmətindən “Olaylar”a verilən məlumata görə, oğurluq etməkdə şübhəli bilindiyinə görə tutulan Sənan Abbasovun ətrafında Qaradağ rayon Polis İdarəsinin 10-cu polis bölməsi əməkdaşları tərəfindən aparılan tədbirlərlə onun cari ilin iyul-avqust ayları ərzində rayon ərazisindəki 4 evdən qaz sayğaclarını oğurlaması müəyyən edilib.
Evdən 10 min manatlıq qızıl oğurlayan şəxs tutulub
Qaradağ rayonu ərazisindəki evlərdən birindən 10 min manat dəyərində qızıl əşyalar oğurlamaqda şübhəli bilinən Bakı şəhər sakini tutulub. Daxili İşlər Nazirliyinin (DİN) mətbuat xidmətindən “Olaylar”a verilən məlumata görə, Qaradağ rayon Polis İdarəsi əməkdaşlarının keçirdikləri əməliyyat-axtarış tədbirləri nəticəsində sentyabrın 9-da rayon ərazisindəki evlərdən birindən 10min manat dəyərində qızıl əşyalar oğurlamaqda şübhəli bilinən Bakı şəhər sakini Samir Səlimov tutulub. Ondan 0,255 qram heroin götürülüb.
Azərbaycanlı “qanuni oğru”ların savaşı başladı
Azərbaycanlı “qanuni oğru”, “Rəşad Gəncinski” ləqəbi ilə tanınan Rəşad İsmayılovun avqustun sonunda Abxaziyada güllələnməsi kriminal aləmdə yeni savaş yaradıb. Məlum olduğu kimi, “Gəncinski” Abxaziyanın Qudauti şəhərinə Azərbaycanın ən titullu “qanuni oğru” Nadir Səfilovun (“Lotu Quli”) tapşırığı ilə gedibmiş. Səfərdə əsas məqsəd isə “Quli”yə yaxın olan “Nika Qaqrinski” ləqəbli “qanuni oğru” Nikolay Dqebuadzeyə dəstək vermək olub.
Məhkəmə "Nardaran işi” üzrə təqsirləndirilən şəxs barəsində ekspertiza təyin edib
Bu gün Bakı Ağır Cinayətlər Məhkəməsində "Nardaran işi” üzrə təqsirləndirilən Əbülfəz Bünyatov və Elxan İsgəndərovun cinayət işi üzrə məhkəmə prosesi davam etdirilib. Məlumata hakim Əfqan Hacıyevin sədrlik etdiyi iclasda təqsirləndirilən şəxs Əbülfəz Bünyatovun səhhətində yaranan problemlə bağlı ekspertiza təyin edilməsinə qərar verilib. Buna görə məhkəmə prosesi qeyri-müəyyən vaxtadək təxirə salınıb.
Yevlaxda dilənçinin oğlu narkotiklə tutuldu
Yevlax Rayon Polis Şöbəsinin əməkdaşları xuliqanlıq maddəsi ilə axtarışda olan rayonun Havarlı kənd sakini 53 yaşlı Cəlal Dilənçi oğlu Qəhrəmanovu saxlamaq istəyərkən o qaçmağa çalışıb.