Kriminal
Avtomobil vuran 2 piyada hadisə yerində ölüb
Bərdə şəhərində ölümlə nəticələnən yol-nəqliyyat hadisəsi qeydə alınıb. DİN-dən “Olaylar”a verilən məlumata görə, noyabrın 16-da saat 6.00 radələrində Bərdə şəhərində Güloğlular kənd sakini Malik Cəfərov idarə etdiyi “VAZ-2107” markalı avtomobillə yolu keçən şəhər sakinləri Zakir Əliyevi və onun arvadı Zülfiyyəni vurub və nəticədə hər iki piyada hadisə yerində ölüb. Bərdə RPŞ tərəfindən araşdırma aparılır.
Piyadanı vurub qaçan sürücü saxlanıb
Noyabrın 14-də saat 7 radələrində Nərimanov rayonunun Z.Bünyadov prospektində müəyyən edilməmiş avtomobillə yolu keçən Bakı şəhər sakini Məlahət Hüseynova vurulub və nəticədə piyada hadisə yerində ölüb. DİN-dən “Olaylar”a verilən məlumata görə, Bakı BPİ-nin Təhlükəsiz Şəhər Xidməti və Nərimanov RPİ 16-cı PB əməkdaşlarının keçirdikləri əməliyyat-axtarış tədbirləri nəticəsində yol-nəqliyyat hadisəsinin “Chevrolet” markalı avtomobillə törədilməsi müəyyən edilib. Görülmüş tədbirlərlə həmin avtomobilin sürücüsü - Bakı şəhər sakini Ənvər Hüseynov şübhəli şəxs qismində saxlanılaraq istintaqa təhvil verilib.
Kabel oğurlayan yeniyetmə saxlanıb
Kabeli oğurlamaqda şübhəli bilinən Masazır qəsəbə sakini saxlanılıb. DİN-dən “Olaylar”a verilən məlumata görə, noyabrın 8-də Bakı şəhər sakini Orxan Vəliyevə məxsus evdən 500 metr elektrik kabeli oğurlamaqda şübhəli bilinən Masazır qəsəbə sakini olan bir yeniyetmə Abşeron RPİ-nin əməkdaşları tərəfindən saxlanılıb. Faktla bağlı araşdırma aparılır.
Oğrunun digər əməlləri də ifşa edilib
Oğurluqda şübhəli bilinən Bakı şəhər sakini tutulub. DİN-dən “Olaylar”a verilən məlumata görə, Xətai RPİ 34-cü PB əməkdaşlarının keçirdikləri əməliyyat-axtarış tədbirləri nəticəsində iyulun 27-də Fidan Fərzəliyevaya məxsus “Opel” markalı avtomobildən sənəd və açar oğurlamaqda şübhəli bilinən Bakı şəhər sakini, əvvəllər məhkum olunmuş Turqut Sadıqlı tutulub. Onun sentyabrın 23-də Əziz Əliyevə və Xıdırnəbi Mustafayevə məxsus avtomobillərdən pul və məişət əşyaları oğurlaması da müəyyən edilib.
Rusiya meşələrini doğrayan 3 azərbaycanlı tutuldu
Rusiyanın İrkutsk vilayətinin, Çunski rayonunda üç azərbaycanlı saxlanılıb. İrkutsk vilayət prokurorluğunun yaydığı məlumatda bildirilir ki, saxlanılan şəxslər meşə ağaclarını qanunsuz kəsməkdə təqsirləndirilirlər. Onların dövlətə 1,6 milyon rubldan çox ziyan vurduğu qeyd olunub. Məluma olub ki,həmin şəxslərdən biri daha əvvəl Rusiyadan deportasiya edilsə də, saxta sənəd düzəltdirərək, yenidən ölkəyə qayıdıb.
Kişidən keçmiş arvadına qarşı ŞOK ADDIM - Sumqayıtda
Sumqayıt şəhərində keçmiş həyat yoldaşını öldürməkdə ittiham olunan 1982-ci il təvəllüldü Ramin Şükürovun cinayət işi üzrə məhkəmə prosesi başlayıb. Bu gün Bakı Ağır Cinayətlər Məhkəməsində hakim Eldar İsmayılovun sədrliyi ilə baş tutan prosesdə təqsirləndirilən şəxsin anket məlumatları dəqiqləşdirilib. İttihama görə, qətl hadisəsi Sumqayıtda Corat qəsəbəsində baş verib. Sumqayıt şəhər sakini 35 yaşlı Ramil Şükürov keçmiş həyat yoldaşı Xəyalə Həsənovaya 17 bıçaq zərbəsi vurub.
“DəmirBank”ın filial müdiri həbs edildi - 3 milyonluq yeyinti
Bu gün Bakı Ağır Cinayətlər Məhkəməsində mənimsəmədə təqsirləndirilənlər - "Dəmir Bank" ASC-nin Bayıl filialının müdiri Fərəh Rəşadətli, xəzinadar Tamamgül Xanlarova və bankın əməkdaşı Fariz Qarayevin məhkəməsi başlayıb.
Dələduzluqda təqirləndirilən MTN polkovniki və digərlərinin məhkəmə istintaqı başa çatıb
Bu gün Bakı Ağır Cinayətlər Məhkəməsində dələduzluqda təqsirləndirilən Nicat Əliyev, Anar İsmayılov, Ceyhun İbayev, Vüqar Əsədov və Vüqar Güləlinin cinayət işi üzrə məhkəmə iclası başlayıb. Hakim Fikrət Qəribovun sədrliyi ilə keçirilən prosesdə məhkəmə istintaqının tamamlanması barədə qərar qəbul edilib. Prokuror çıxışa hazırlaşmaq üçün məhkəmədən vaxt istəyib.
Şəmkir sakinindən bacısına qarşı QANDONDURAN ƏMƏL: 6 dəfə... - ŞOK TƏFƏRRÜAT
Şəmkir rayonunda bacısını öldürməyə cəhd etməkdə təqsirli bilinən 1975-ci il təvəllüdlü Azad Alıyevin cinayət işi üzrə məhkəmə prosesi başa çatıb. Azad Alıyev Ermənistanın Vardenis rayonu, Pəmbək kəndində anadan olub, 1988-ci ildə Şəmkir rayonu, Yeni Göyçə kəndində məskunlaşıb.
Dələduzluqda ittiham olunan baş redaktorun məhkəməsi başlayır
"Zaman Press" qəzetinin baş redaktoru Gündüz Hüseynovun məhkəməsi başlayır. Öz işçilərinə qarşı dələduzluq edərək 264 min manat mənimsəməkdə təqsirləndirilən G.Hüseynovun cinayət işi üzrə istintaq başa çatıb.
Nardaranda narkotik plantasiyası aşkarlanıb
Nardaranda narkotik plantasiyası aşkarlanıb. Daxili İşlər Nazirliyinin mətbuat xidmətindən verilən məlumata görə, noyabrın 13-də Sabunçu Rayon Polis İdarəsinin əməkdaşları tərəfindən yarım kiloqrama yaxın narkotik vasitə qanunsuz dövriyyədən çıxarılıb, xeyli sayda yaşıl kütlə halında narkotik tərkibli bitkilər aşkar edilərək məhv edilib.
Leyla Şıxlinskayanın klinikasının mənimsəmədə təqsirləndirilən əməkdaşlarının məhkəməsi başlayır
Leyla Şıxlinskayanın klinikasının mənimsəmədə və vəzifə saxtakarlığında təqsirləndirilən klinikanın sabiq baş mühasibi Şəhla Abbasova və klinikanın əməkdaşları - Səkinə Qasımova, Aytən Hüseynova, Mədinə Hüsiyeva, Yelena Abdullayevanın, Nigar Rzaquliyevanın cinayət işi üzrə məhkəmə prosesinin vaxtı məlum olub. Cinayət işi Bakı Ağır Cinayətlər Məhkəməsinin hakimi Əfqan Hacıyevin icraatına verilib. Məhkəmənin hazırlıq iclası noyabrın 16-a təyin edilib.