Kriminal
Evdən pul və qızılı aparan ələ keçib
Evlərdən oğrluq etməkdə şübhəli bilinən Bakı şəhər sakinləri saxlanılıblar. DİN-dən “Olaylar”a verilən məlumata görə, Xətai RPİ 37-ci PB əməkdaşlarının keçirdikləri əməliyyat-axtarış tədbirləri nəticəsində dekabrın 6-da rayon ərazisindəki evlərin birindən 250 manat və qızıl boyunbağı oğurlamaqda şübhəli bilinən Bakı şəhər sakinləri, əvvəllər məhkum olunmuş Sergey Nasinikov və Elçin Eldarov saxlanılıblar.
Kombi oğrusu saxlanıb
Silsilə oğurluqda şübhəli bilinən Biləsuvar rayon sakini saxlanılıb. DİN-dən “Olaylar”a verilən məlumata görə, Xəzər RPİ 1-ci PB əməkdaşlarının keçirdikləri əməliyyat-axtarış tədbirləri nəticəsində noyabrın 7-də rayon ərazisindəki evlərin birindən kombi aparatı və təmir-tikinti alətləri oğurlamaqda şübhəli bilinən Biləsuvar rayon sakini, əvvəllər məhkum olunmuş Şahin Allahverdiyev saxlanılıb.
Piyada hadisə yerində ölüb
Binəqədi rayonu ərazisində ölümlə nəticələnən yol-nəqliyyat hadisəsi qeydə alınıb. DİN-dən “Olaylar”a verilən məlumata görə, dekabrın 7-də saat 21 radələrində Binəqədi rayonu ərazisində Sumqayıt şəhər sakini Veysəl Quliyev idarə etdiyi “Mercedes” markalı avtomobillə yolu keçən 40-45 yaşlı kişini vurub və nəticədə həmin şəxs hadisə yerində ölüb. Baş İstintaq və Təhqiqat İdarəsi tərəfindən araşdırma aparılır.
Avtoqəzada 1 nəfər ölüb, 2-si xəstəxanaya yerləşdirilib
Beyləqan rayonunun Daşburun kəndində yol-nəqliyyat hadisəsi baş verib. DİN-dən “Olaylar”a verilən məlumata görə, dekabrın 7-də saat 16 radələrində Beyləqan rayonunun Daşburun kəndində rayon sakini Adil Əliyevin idarə etdiyi “Mercedes” və Xocavənd rayon sakini Hüseynağa Cəbiyevin idarə etdiyi “VAZ-21074” markalı avtomobillər toqquşub.
Azərbaycana narkotik vasitənin gətirilməsinin qarşısı alınıb
Hava Nəqliyyatında Baş Gömrük İdarəsinin əməkdaşları narkotik vasitə və psixotrop maddələrin ölkənin gömrük sərhədindən qanunsuz yolla keçirilməsinə cəhdin qarşısını alıblar. Dövlət Gömrük Komitəsindən “Olaylar”a verilən məlumata görə, Bakı-Tehran aviareysi ilə getmək istəyən İran vətəndaşının çantası rentgen aparatından keçirilərkən çantada olan əşyaların monitordakı təsvirləri və sərnişinin hərəkətləri şübhə doğurduğu üçün o, saxlanılıb.Vətəndaşın çantası təkrar yoxlanılıb və çantanın içərisində olan şəxsi əşyaların arasındakı qabda - üzərində "APO 0.5" yazılmış çəhrayı rəngli 15 ədəd həb, üzərində "M 40" yazılmış qəhvəyi rəngli 8 ədəd həb və ağ rəngli 4 ədəd həb aşkar edilib.Ədliyyə Nazirliyi Məhkəmə Ekspertizası Mərkəzinin arayışına əsasən, aşkar edilən çəhrayı rəngli 15 ədəd həb təsir maddəsi alprazolam, qəhvəyi rəngli 8 ədəd həb təsir maddəsi metadon, ağ rəngli 4 ədəd həb isə təsir maddəsi sertralin (asentra) olan dərman preparatlarıdır.
Dələduzluqda təqsirləndirilən müstəntiqə şərti cəza verilib
Səbail rayon Məhkəməsində Bakı şəhər Prokurorluğunun dələduzluq və digər cinayətdə təqsirləndirilən sabiq müstəntiqi Müşfiq Abbasovun məhkəməsi başa çatıb. Vəkil Vasif Mirzəyevin verdiyi məlumata görə, hakim Azər Tağıyevin sədrliyi ilə keçirilən prosesdə hökm oxunub. Hökmə əsasən, M. Abbasov barəsində 3 il sınaq müddəti təyin edilməklə, şərti cəza seçilib.
Evdən pul və qızıl aparan tutulub
Oğurluqda şübhələnilən Gəncə şəhər sakini saxlanılıb. DİN-dən “OLAYLAR”a verilən məlumata görə, Kəpəz RPİ əməkdaşlarının keçirdikləri əməliyyat tədbirləri nəticəsində Gəncə şəhərindəki evlərin birindən 50 manat pul, qızıl və məişət əşyaları oğurlamaqda şübhəli bilinən şəhər sakini, əvvəllər məhkum olunmuş Xəyal Qurbanov saxlanılıb.
İşçilərinin adına kredit götürən məktəb direktoruna cəza verildi
Dələduzluqda təqsirləndirilən sabiq məktəb direktoru Mustafayeva Diləfruz Əbil qızının cinayət işi üzrə məhkəmə başa çatıb. Bakı Ağır Cinayətlər Məhkəməsində hakim Cavid Hüseynovun sədrliyi ilə keçirilən prosesdə hökm oxunub. Hakimlər kollegiyasının hökmünə əsasən, Diləfruz Mustafayevaya 2 il müddətinə şərti cəza verilib.
Silsilə oğurluqla məşğul olan şəxs saxlanıb
Oğurluqda şübhəli bilinən Saatlı rayon sakini saxlanılıb. DİN-dən “Olaylar”a verilən məlumata görə, dekabrın 4-nə keçən gecə Xətai rayonu ərazisindəki evlərin birindən 200 manat oğurlamaqda şübhəli bilinən Saatlı rayon sakini Əhmədağa Əkbərov 34-cü Polis Bölməsinin əməkdaşları tərəfindən saxlanılıb. Onun həmin gün Bakı şəhər sakinləri Rəsul Əliyevə və qardaşı Fəridin pul və mobil telefonunu oğurlaması da müəyyən edilib.
Avtomobil vuran piyada hadisə yerində ölüb
Sabunçu rayonunun Zabrat qəsəbəsində yol-nəqliyyat hadisəsi baş verib. DİN-dən “Olaylar”a verilən məlumata görə, dekabrın 6-da saat 15 radələrində Sabunçu rayonunun Zabrat qəsəbəsində Bakı şəhər sakini Hikmət Səmədov idarə etdiyi “Mercedes” markalı avtomobillə yolu keçən paytaxt sakini Çingiz Balayevi vurub və nəticədə piyada hadisə yerində ölüb. Sabunçu RPİ tərəfindən araşdırma aparılır.
Bir sıra oğurluq cinayətlərinin üstü açılıb
Müxtəlif vaxtlarda qeyri-aşkar şəraitdə törədilmiş oğurluq cinayətlərinin açılması təmin edilib. DİN-dən “Olaylar”a verilən məlumata görə, dekabrın 6-da polis əməkdaşlarının keçirdikləri əməliyyat tədbirləri nəticəsində paytaxt ərazisində müxtəlif vaxtlarda qeyri-aşkar şəraitdə törədilmiş oğurluq cinayətlərinin açılması təmin edilib. Xəzər RPİ 1-ci Polis Bölməsi əməkdaşlarının keçirdikləri əməliyyat-axtarış tədbirləri nəticəsində noyabrın 22-də və 29-da rayon ərazisində 2 nəfərə məxsus velosipedləri oğurlamaqda şübhəli bilinən Bakı şəhər sakini Xaqani Xairov, Binəqədi RPİ 5-ci Polis Bölməsi əməkdaşlarının keçirdikləri əməliyyat tədbirləri nəticəsində dekabrın 5-də rayon ərazisində 1 nəfərin velosipedini oğurlamaqda şübhəli bilinən Lerik rayon sakini Elməddin Şahiyev saxlanılaraq istintaqa təhvil veriliblər.
Bakıda quldurluq edən şəxs saxlandı
Xətai rayonunda yerləşən mağazalardan birinə quldurluq niyyəti ilə basqın edən şəxsin müəyyən edilərək saxlanılması istiqamətində daxili işlər orqanlarının əməkdaşları tərəfindən əməliyyat tədbiri həyata keçirilib.DİN-in mətbuat xidmətindən “Olaylar”a bildirilib ki, noyabrın 9-da naməlum şəxs qeyd edilən mağazada satıcı işləyən Vahid Quliyevi bıçaqla hədələyərək quldurluq yolu ilə kassadan 420 manat götürərək hadisə yerindən qaçıb.
Ölkəyə külli miqdarda pirotexniki vasitənin gətirilməsinin qarşısı alınıb
Dövlət Gömrük Komitəsi (DGK) Tovuz Gömrük İdarəsinin "Sadıxlı" gömrük postunda Gürcüstandan Azərbaycana "Mercedes-Benz 300 D" markalı avtomobillə gələn qonşu ölkə vətəndaşı ilə idarə etdiyi avtomobildə və ya üzərində gömrük nəzarətindən gizlədilən və gömrük orqanına mütləq bəyan edilməli olan hər hansı predmetin olmasına dair şifahi sorğu-sual aparılıb.
Baş Prokurorluq və DİN Salyanda 5 nəfərin qətli ilə bağlı birgə məlumat yayıb
Baş Prokurorluq və Daxili İşlər Nazirliyi Salyanda törədilmiş ağır cinayətlə bağlı birgə məlumat yayıb. Baş Prokurorluğun mətbuat xidmətindən daxil olan birgə məlumatda bildirilir ki, Salyan rayon sakini Mehparə Əliyeva və dörd övladının qəsdən öldürülərək yaşadıqları ünvanda basdırılmaları barədə rayon prokurorluğuna daxil olmuş məlumat əsasında dərhal prokurorluq, polis əməkdaşları məhkəmə-tibb ekspertinin iştirakı ilə hadisə yerinə gedərək baxış keçirdikdə insan bədəninin hissələrinin basdırılması aşkarlanıb.
