Kriminal
Metroda qadına qarşı cinayət
Bakı metrosunda cibgirlik edən şəxsin tutulması üçün əməliyyat keçirilib. Metropolitendə polis şöbəsinin əməkdaşlarının keçirdikləri əməliyyat tədbirləri nəticəsində Bakı şəhər sakini olan bir qadının içərisində 120 manat olan pul kisəsini oğurlamaqda şübhəli bilinən paytaxt sakini Seyfəddin Mustafayev saxlanılıb.
Gənclər şəhərçiyində gənclər arasında qanlı dava - Təfərrüat
Abşeron rayonunda bıçaqlanma hadisəsi baş verib. Abşeron gənclər şəhərciyi ərazisində 1991-ci il təvəllüdlü Elmir Bəhrəmov tanışı ilə mübahisə edib. Tanışı ilə pul borcu üstündə yaranan mübahisə sonradan əlbəyaxa davaya çevrilib. Dava zamanı Elmir Bəhrəmova tanışı 12 bıçaq zərbəsi vurub. Yaralı ağır vəziyyətdə 1 saylı Kliniki Tibbi Mərkəzə yerləşdirilib.
.jpg)
DİN-dən 100 min manat oğurluqla bağlı açıqlama
İçərisində 100 000 manat olan seyfi oğurlamaqda şübhəli bilinən şəxslər saxlanılıb. DİN-dən “Olaylar”a verilən məlumata görə, daxili işlər orqanlarının əməkdaşları tərəfindən mülkiyyət əleyhinə olan cinayətlərlə mübarizə sahəsində növbəti uğurlu əməliyyat tədbiri keçirilib. Belə ki, dekabrın 13-də Bakı şəhər sakini İlqar Həziyev Xəzər Rayon Polis İdarəsinin 2-ci Polis Bölməsinə məlumat verərək Albalılıq yeni yaşayış sahəsində yerləşən fərdi yaşayış evinin dəmir barmaqlıqlarının qırıldığını və mənzildən içərisində 100.000 manat olan seyfin oğurlandığını bildirib.
Müğənni Röyanın külli miqdarda dələduzluqda ittiham olunan keçmiş biznes ortağı məhkəmə zalından azadlığa buraxılıb
Bu gün Bakı Ağır Cinayətlər Məhkəməsində dələduzluqda təqsirləndirilən Səbinə Hüseynovanın cinayət işi üzrə məhkəmə prosesi başa çatıb. Hakim Novruz Kərimovun sədrliyi ilə keçirilən prosesdə hökm oxunub. Hökmə əsasən, onun barəsində 2 il sınaq müddəti təyin olunmaqla şərti cəza təyin olunub və məhkəmə zalından azadlığa buraxılıb. Dövlət ittihamçısı onun 10 il müddətinə azadlıqdan məhrum edilməsini istəmişdi.
Akkumlyator oğrusu ələ keçib
Avtomobildən akkumulyator oğurlamaqda şübhəli bilinən paytaxt sakini saxlanılıb. DİN-dən “Olaylar”a verilən məlumata görə, Bakı şəhər sakini Vüsal Qasımova məxsus avtomobildən akkumulyator oğurlamaqda şübhəli bilinən paytaxt sakini Zaur Əhmədov Binəqədi RPİ 6-cı PB-nin əməkdaşları tərəfindən saxlanılıb.
Evlərə qənim kəsilənin qolları qandallanıb
Oğurluqda şübhəli bilinən Pirallahı qəsəbə sakini saxlanılıb. DİN-dən “Olaylar”a verilən mlumata görə, dekabrın 13-də Xəzər rayonu ərazisindəki evlərin birindən 170 manat və 100 ABŞ dolları oğurlamaqda şübhəli bilinən Pirallahı qəsəbə sakini Sergey Qarbunov Xəzər RPİ 2-ci PB-nin əməkdaşları tərəfindən saxlanılıb. Araşdırma aparılır.
Evdən qızıl aparan saxlanıb
Qızıl əşyalar oğurlamaqda şübhəli bilinən Cəlilabad şəhər sakini saxlanılıb. DİN-dən “Olaylar”a verilən məlumata görə, Cəlilabad RPŞ əməkdaşlarının keçirdikləri əməliyyat-axtarış tədbirləri nəticəsində dekabrın 12-də rayon ərazisindəki evlərin birindən qızıl əşyalar oğurlamaqda şübhəli bilinən şəhər sakini Ənvər Zamanlı saxlanılmışdır. Ətrafında aparılan əməliyyat tədbirləri ilə onun daha 1 evdən 3000 manat və 2 ədəd mobil telefon oğurlaması da müəyyən edilib.
Evi qarət edən şəxs tutulub
Oğurluqda şübhəli bilinən Bakı şəhər sakini Ənvər Hüseynov saxlanılıb. DİN-dən “Olaylar”a verilən məlumata görə, Sabunçu RPİ 14-cü PB əməkdaşlarının keçirdikləri əməliyyat-axtarış tədbirləri nəticəsində dekabrın 11-də rayon ərazisindəki evlərin birindən 4300 manat, 80 ABŞ dolları və 500 lari, habelə qızıl və gümüş əşyalar oğurlamaqda şübhəli bilinən Bakı şəhər sakini Ənvər Hüseynov saxlanılıb. Faktla bağlı araşdırma aparılır.