Kriminal
.jpg)
Türkiyədə quldurluq edən 8 azərbaycanlı tələbə tutuldu
Türkiyənin Kastamonu universitetində oxuyan 8 azərbaycanlı tələbə qəsbkarlıq və hədə-qorxu yol ilə pul tələb etmə ittihamları ilə tutulub. Virtualaz.org xəbər verir ki, iddiaya görə Azərbaycan vətəndaşı olan həmin 8 tələbə Kastamonu universitetində mütəşəkkil qruplaşma yaradaraq yeni təhsil almağa gedən azərbaycanlı tələbələri soymaqla məşğul olub. Onlar Azərbaycandan universitetə təhsil almağa yeni gedənləri hədələyərək pul istəyib, əşyalarını ələ keçirib.
5 evdən pul və qızıl oğurlayan saxlanıb
Oğurluq etdiyinə görə tutulmuş şəxsin törətdiyi digər cinayət əməlləri müəyyən edilib. DİN-dən “Olaylar”a verilən məlumata görə, oğurluq etdiyinə görə tutulmuş Zaur Süleykinin ətrafında Yasamal RPİ 28-ci PB və Nərimanov RPİ 18-ci PB-nin əməkdaşları tərəfindən aparılmış əməliyyat tədbirləri ilə onun cari ilin avqustundan dekabr ayınadək olan müddətdə daha 5 evdən pul, qızıl və məişət əşyaları oğurlaması da müəyyən edilmişdir.
Metroda qadının pulqabısını oğuirlayan ələ keçib
Bakı metrosunda oğurluqla məşğul olan şəxs saxlanıb. DİN-dən “Olaylar”a verilən məlumata görə, oğurluq etdiyinə görə tutulmuş Seyfəddin Mustafayevin ətrafında Metropolitendə Polis Şöbəsinin əməkdaşları tərəfindən aparılmış əməliyyat tədbirləri ilə onun dekabrın 14-də metronun “Elmlər Akademiyası” stansiyasında Bakı şəhər sakini Nuranə Hacıyevanın çantasından içərisində gümüş boyunbağı, yaddaş kartı və şəxsiyyət vəsiqəsi olan pulqabısını oğurlaması da müəyyən edilib.
Azərbaycan sərhədçiləri qeyri-qanuni miqrasiya ilə məşğul olan Hindistan vətəndaşlarını saxlayıb
Dövlət Sərhəd Xidməti (DSX) əməkdaşları tərəfindən qeyri-leqal miqrasiyaya qarşı həyata keçirilmiş tədbirlər nəticəsində Azərbaycan-Gürcüstan sərhədində bu fəaliyyətlə məşğul olan mütəşəkkil dəstə aşkarlanaraq zərərsizləşdirilib. DSX-nın Mətbuat Mərkəzindən verilib ki, 15.12.2017-ci il tarixdə Ağstafa rayonunun Sadıxlı kəndi ərazisində yerləşən sərhəd zastavasının xidməti sahəsində Azərbaycandan Gürcüstan istiqamətində dövlət sərhədini pozmağa cəhd göstərən 2 nəfər Hindistan vətəndaşı - 1993-cü il təvəllüdlü Şukla Sarxar Jitendrakumar (Shukla Sarkhar Jitendrakumar) və 1995-ci il təvəllüdlü Şukla Yaş Jitendrakumar (Shukla Yash Jitendrakumar) saxlanılıb.
Nənə və nəvəni maşın vurub
Bakıda nənə və nəvəni avtomobillə vurulub. Məlumata görə, paytaxtın Binəqədi rayonu ərazisində Bakı şəhər sakini Aftandil Paşayev idarə etdiyi “Mercedes” markalı avtomobillə yolu keçən 80 yaşlı Zəhra Bünyatovanı və onun azyaşlı nəvəsini vurub.
5 yaşlı uşağı vurub qaçan sürücü tutulub
Dekabrın 23-də saat 19 radələrində Sabunçu qəsəbəsi ərazisində müəyyən edilməmiş avtomobillə yolu keçən Bakı şəhər sakini, 5 yaşlı Mehman Əliyev vurulub. Daxili İşlər Nazirliyindən “Olaylar”a verilən məlumata görə, uşaq xəstəxanaya yerləşdirilib.
Sumqayıtda külli miqdarda narkotik dövriyyədən çıxarıldı
Sumqayıt Şəhər Polis İdarəsinin əməkdaşlarının ötən gün narkotiklərin qanunsuz dövriyyəsinə qarşı mübarizə istiqamətində keçirdikləri əməliyyat tədbirləri nəticəsində bu qanunazidd əməllə məşğul olan şəxslər məsuliyyətə cəlb olunub.
Göygöldə qətl törədilib
Göygöl rayonunda qətl hadisəsi qeydə alınıb. Məlumata görə, xəbər verir ki, hadisə Göygöl şəhərində qeydə alınıb. Şəhərin Rövşən Nəsibov küçəsində yaşayan 1949-cu il təvəllüdlü Musayev Qəzənfər Müzəffər oğlu bıçaqlanıb.
Avtomobil vuran velosipedçi xəstəxanalıq oldu
Bakıda avtomobil velosipedçini vurub. Məlumata görə, hadisə paytaxtın Nizami rayonunda qeydə alınıb. Belə ki, Babək prospektində velosipedlə hərəkətdə olan 1980-ci il təvəllüdlü İbrahimov İsak İsmayıl oğlunu “Lada Priora” markalı avtomobil vurub.
Keçmiş bank işçisinə 10 illik HƏBS TƏLƏBİ
Mənimsəmə və digər cinayətlərdə ittiham olunan bank əməkdaşı İlham Qasımovun cinayət işi üzrə məhkəmə prosesi keçirilib. Bakı Ağır Cinayətlər Məhkəməsində hakim Ramella Allahverdiyevanın sədrliyi ilə keçirilən prosesdə prokuror çıxış edib. O, İlham Qasımovun 10 il müddətinə azadlıqdan məhrum edilməsini istəyib.
Gömrük nəzarətindən gizlədilmiş zərgərlik malları aşkar edilib
Xaçmaz Gömrük İdarəsinin “Xanoba” gömrük postunda Rusiya istiqamətində gedən Azərbaycan vətəndaşının idarə etdiyi “Ford Transit” markalı, 99-GT-210 dövlət nömrə nişanlı nəqliyyat vasitəsinə gömrük baxışı keçirilib.
Bərdədə polisin Bakıdan olan həyat yoldaşını qanına qəltan etməsinin ŞOK TƏFƏRRÜATI
Bərdə rayonu Əliyanlı kənd sakini Sevindik Məmmədovun həyat yoldaşını bıçaqlamasının təfərrüatı məlum olub. Məlumata görə, S.Məmmədovun hadisəni törətməsinin səbəbi ailə münaqişəsidir. S.Məmmədovun həyat yoldaşı Anjela Şükürova Bakı sakinidir. Onlar ailə qurandan sonra qadın yoldaşı ilə birlikdə kənddə yaşayıb, iki uşaqları var. Sakinlər deyir ki, onlar S.Məmmədovun valideynləri ilə birlikdə yaşayır. Tez-tez ailədə münaqişə olurdu. Bəzi iddialara görə, S.Məmmədovun başqa bir qadınla münasibəti olub, bu səbəbdən yoldaşı ilə yola getmirmiş. Hadisə baş verəndə isə onun içkili olduğu güman edilir. İddialar arasında A.Şükürovanın başqa bir şəxslə münasibətinin olması fikirləri də var.
Azərbaycanda polis həyat yoldaşını öldürdü
Bərdədə qətl törədilib. Dünən axşam saatlarında Bərdə rayon Əliyanlı kənd sakini, 1987-ci il təvəllüdlü Şükürov Sevindik Şəmşir oğlu yaşadığı evdə həyat yoldaşı, 30 yaşlı Anjelikaya çoxsaylı bıçaq zərbələri endirib. Hadisə evin yataq otağında baş verib və qadın yerindəcə keçinib. Hadisənin qısqanclıq zəminində törədildiyi bildirilir.