İqtisadiyyat
Dollara tələbat artıb
“Fevral ayında dollara tələbin yüksəlməsi qeydə alınıb. Bu ilin ilk ayında hərraclarda 299.1 milyon dollar satan Dövlət Neft Fondu ötən ay 364,1 milyon dollar xərcləyib. Bu isə o deməkdir ki, fevralda dollara tələb əvvəlki ay ilə müqayisədə 21 faiz yüksəlib. 2017-ci ilin yanvar ayında fond valyuta hərraclarında 285 milyon dollar, fevralda isə 258,4 milyon dollar satıb.
Azərbaycan İnvestisiya Şirkəti 1,2 mlrd. dollar investisiya cəlb edib
Martın 5-də Bakı Biznes Mərkəzində İqtisadiyyat Nazirliyinin təşkilatçılığı ilə “Azərbaycan İnvestisiya Şirkəti” ASC-nin (AİŞ) fəaliyyətinə dair Mətbuat Konfransı keçirilib.
Yeyinti məhsullarına etibar edə bilərikmi?
Ölkə iqtisadiyyatının, xüsusən də kənd təsərrüfatı sahəsinin inkişafı ixrac potensialının atrımına əlverişli şərait yaradır. Daha doğrusu, Azərbaycanın dünya bazarına çıxması, bu bazarda öz brend məhsulunu təklif etməsi zərurəti yaranır. Belə halda tələb olunan ilk qayda məhsulun keyfiyyətinin beynəlxalq standarta cavab verməsidir. Düzdüqr, son illər ərzində ölkədə qida təhlükəsizliyinin təmiminatı, ərzaq məhsullarının keyfiyyətinin artırılması istiqamətində bir sıra ciddi addımlar atılıb. Lakin bütün görülən tədbirlərə baxmayaraq hələ də yerli bazarda keyfiyyətsiz, insan orqanizmi üçün təhlükəli hesab olunan yeyinti məhsullarına rast gəlinməkdədir.
Əcnəbilərin Azərbaycanda bank kartları ilə apardıqları əməliyyatların dəyəri 70% artıb
2017-ci ildə Azərbaycana gələn xarici vətəndaşların aylar üzrə bank kartları vasitəsi ilə apardıqları əməliyyatların dəyəri 1 milyard 22 mln. manat təşkil edib. Məlumata görə, İqtisadi İslahatların Təhlili və Kommunikasiya Mərkəzinin (İİTKM) departament rəhbəri Ramil Hüseyn bildirib ki, 2016-cı illə müqayisədə 2017-ci ildə Azərbaycana gələn xarici vətəndaşların aylar üzrə bank kartları vasitəsi ilə apardıqları əməliyyatların dəyəri 70% artıb.
Azərbaycanın bank sektorunda çalışanların sayı artıb
2018-ci il fevralın 1-nə Azərbaycanın bank sektorunun işçilərinin sayı 16207 nəfər təşkil edib. Bu barədə Maliyyə Bazarlarına Nəzarət Palatasının (MBNP) açıqladığı statistikada deyilir.
Bu il Azərbaycanın bank sektoru 87 mln. manat mənfəət əldə edib
2018-ci il fevralın 1-nə bank sektorunun xalis mənfəəti 86,7 mln. manat təşkil edib. Maliyyə Bazarlarına Nəzarət Palatasının açıqladığı hesabatda bildirir ki, bu il bankların faiz gəlirləri 146,9 mln. manat, faiz xərcləri isə 50,8 mln. manat olub.
Azərbaycan nümayəndə heyəti Qarsa səfər edib
İqtisadiyyat naziri, Tranzit Yükdaşımalar üzrə Koordinasiya Şurasının sədri Şahin Mustafayevin rəhbərlik etdiyi nümayəndə heyəti Qarsda səfərdədir. İqtisadiyyat Nazirliyindən “Olaylar”a bildirilib ki, Azərbaycan nümayəndə heyəti əvvəlcə Ümummilli Lider Heydər Əliyevin abidəsini ziyarət edib, abidə önünə əklil qoyublar.
Banklardakı əmanətlərin həcmi açıqlanıb
31 yanvar 2018-ci il tarixinə Azərbaycanda fəaliyyət göstərən bankların cəmi aktivləri 28,169.7 mln. manat, cəmi öhdəlikləri isə 24,367.9 mln. manat təşkil edib. Bu barədə Maliyyə Bazarlarına Nəzarət Palatasından məlumat verilib. Sektorun balans kapitalı 3,801.8 mln. manat, əhalinin əmanətləri isə 7,482.5 mln. manat olub.
İranda turistlər üçün vergi bahalaşır - Azərbaycan üçün də problemlər yarana bilər
İrandan Azərbaycana gələn turistlərin sayı ilbəil artır, lakin əvvəlki illərdən fərqli olaraq, bu il artımın müşahidə ediləcəyi gözlənilmir. Bunu Azərbaycan Turizm Assosiasiyasının (AzTA) sədri Nahid Bağırov deyib. N.Bağırovun sözlərinə görə, İran qanunvericiliyinə uyğun olaraq, bu ölkənin vətəndaşları xarici səyahətlərə gedərkən dövlətə müəyyən qədər vergi ödəyir. Hazırda İrandan başqa ölkəyə təyyarə ilə səfər edənlər 15 dollara, quru nəqliyyatı ilə gedənlər isə 7 dollara yaxın vergi ödəyirlər.
DGK hüquqi və fiziki şəxslərə müraciət etdi
Türkiyə Respublikasından idxal edilən malların nəqliyyat xərclərinin artması ilə bağlı ötən gün bir sıra kütləvi informasiya vasitələrinə müsahibə verən bəzi yükdaşıma (karqo) şirkətlərinin nümayəndələri bunu gömrük ödənişlərinin hesablanması zamanı yeni sistemin tətbiq edilməsi, gömrük vergi və rüsumlarının artırılmasına dair həqiqətə uyğun olmayan məlumatlarlarla əsaslandırmağa çalışıb.
Regionların sosial iqtisadi inkişafına dair Dövlət Proqramı Bərdənin simasını dəyişib
Regionların sosial-iqtisadi inkişafına dair Dövlət Proqramının uğurlu icrası respublikanın hər bir bölgəsində olduğu kimi Aran zonasında da uğurla icra edilir. Məlumat üçün qeyd edək ki, hələ sözügedən Dövlət Proqramı qəbul edilərkən proqramda ayrı-ayrı regionlar üzrə spesifik sahələr müəyyən edilib qruplaşdırılmışdı. Bərdə rayonun daxil olduğu Aran iqtisadi zonasında əsasən kənd təsərrüfatının, heyvandarlığın, pambıqçılığın inkişaf etdirilməsi, qeyd edilən sahələrdə emal və istehsal müəssisələrinin açılması nəzərdə tutulurdu. Ötən dövrdə demək olar ki, Bərdə rayonu üzrə qarşıya qoyulan məqsədlərə nail olunub.
Mikayıl Cabbarov: “Vergi xidmətində peşəkar və ləyaqətli kadrlara üstünlük veriləcək”
Vergilər Nazirliyində nazirliyin rəhbər vəzifəli şəxslərinin və yerli vergi orqanlarının rəhbərlərinin iştirakı ilə geniş tərkibli iclas keçirilib. Nazirliyin mətbuat xidmətindən “Olaylar” a verilən məlumata görə, iclasda çıxış edən vergilər naziri Mikayıl Cabbarov vergi orqanlarının fəaliyyətində yeni yanaşmalar və vergi xidmətinin qarşısında duran vəzifələrin icrası, vergi əməkdaşlarının fəaliyyətinə yeni tələblər, vergi orqanlarına etimadın yüksəldilməsi və digər məsələlərlə bağlı çıxış edib.
Rusiyalı nazir Azərbaycana səfər edəcək
Rusiyanın iqtisadi inkişaf naziri Maksim Oreşkin apreldə Azərbaycana səfər edəcək. Bu barədə nazir özü "Moskva-Bakı" portalına müsahibəsində deyib. M.Oreşkin qeyd edib ki, Rusiya-Azərbaycan ticari-iqtisadi münasibətləri aktiv inkişaf edir: "Hazırda biz Azərbaycanla bu istiqamətdə əlaqələrin gücləndirilməsinə imkan verəcək xüsusi qrup yaratmışıq. Azərbaycanla qarşılıqlı münasibətlər bizim üçün çox mühümdür".
Azərbaycanda yeni Assosiasiya yaradıldı-Südlə bağlı
Süd və süd məhsulları istehsalçılarının təşəbbüsü, İqtisadiyyat Nazirliyinin dəstəyi ilə Azərbaycan Süd və Süd Məhsulları İstehsalçıları və İxracatçıları Assosiasiyası təsis edilib. İqtisadiyyat Nazirliyindən “Olaylar”a verilən məlumata görə, Assosiasiya süd və süd məhsullarının istehsalı sahəsində sahibkarlığın inkişafına, bu sahədə yeni texnologiyaların tətbiqinə, istehsalın və ixracın artmasına dəstək göstərəcək.
Regionların sosial iqtisadi inkişafı proqramları rayonların dirçəlməsində əhəmiyyətli rol oynayır
Ölkədə həyata keçirilən sosial-iqtisadi siyasət bölgələrin inkişafında xüsusi əhəmiyyət daşıyır. Əsasən regionların sosial-iqtisadi inkişafı ilə bağlı dövlət proqramlarının icrası ayrı-ayrı rayonların inkişafına ciddi təsir göstərib. Belə rayonlardan biri də respublikanın cənub bölgəsində yerləşən Astara rayonudur.