Gündəm
Mədəniyyət və Turizm Nazirliyinin əsasında Mədəniyyət Nazirliyi və Dövlət Turizm Agentliyi yaradılıb
Prezident İlham Əliyev aprelin 20-də Mədəniyyət və turizm sahəsində dövlət idarəçiliyinin təkmilləşdirilməsi ilə bağlı bəzi tədbirlər haqqında Sərəncam imzalayıb. Sərəncama əsasən Mədəniyyət və Turizm Nazirliyinin əsasında Mədəniyyət Nazirliyi və Dövlət Turizm Agentliyi yaradılıb.
Yəməndə hava zərbələri nəticəsində 20 nəfər ölüb
Səudiyyə Ərəbistanının başçılığı ilə koalisiya qüvvələrinin endirdiyi havazərbəsi nəticəsində Yəmənin cənub-qərb bölgəsində azı 20 nəfər ölüb. Bu barədə “Reuters” məlumat verib.
Yunanıstan sahillərində ardıcıl üç zəlzələ baş verib
Yunanıstan sahillərində 4,9 bal gücündə zəlzələ baş verib. Bu barədə Avropa və Aralıq dənizi Seysmoloji Mərkəzin (EMSC) məlumatında bildirilir. Yerli vaxtla saat 03:20-də qeydə alınan yeraltı təkanların episentri Saloniki şəhərindən 95 km cənub şərqdə, ocağı 10 km dərinlikdə yerləşib.
Şimali Koreya nüvə və raket sınaqlarını dayandırıb
Şimali Koreya nüvə və raket sınaqlarının həyata keçirilməsini dayandırıb. APA-nın “Rönhap” agentliyinə istinadən verdiyi xəbərə görə, bunu Şimali Koreya lideri Kim Çen In bəyan edib. Məlumata görə, aprelin 21-dən etibarən Şimali Koreya nüvə sınaqları və qitələrarası ballistik raketlərin buraxılışını dayandırır. Həmçinin ölkənin şimalındakı nüvə poliqonunun fəaliyyəti dondurulur. Bu barədə qərar hakim Koreya Əmək Partiyası Mərkəzi Komitəsinin iclasında qəbul edilib.
Məşhur aktrisa: "Evdar xanım olmaq istəyirəm"
"Min bir gecə" seriyalından "Şəhrizad" rolu ilə tanıdığımız məşhur türk aktrisası Bərgüzar Korəl Türkiyə mediyasına istinadən artıq evdar xanım olmaq istədiyini və 1 il heç bir proyektdə yer almayacağını bildirib.
Muratla Aslının ayrılıq səbəbi - Evlilik
Türkiyəli aktrisa Aslı Enverlə müğənni Murat Bozun ayrılma səbəbinin detalları məlum olub. Bir müddət əvvəl Bahar-Nihan Candan bacıları ilə birlikdə görüntüləndiyi üçün Aslı tərəfindən tərk edilən Murat daha sonra onunla barışmağı bacarmışdı. Enver isə Muratı evlilik şərti ilə baöışlamış və onun evinə köçmüşdü. Ancaq Boz bu yaxınlarda "Mən evlilik adamı deyiləm. Səni aldatmaq istəmirəm" deyərək Aslıya bildirib.