Bu ölkə İrana qarşı sanksiya elan etdi

Yeni Zelandiya İrana qarşı sanksiyaları yenidən tətbiq edib.

Olaylar xəbər verir ki, xarici işlər naziri Uinston Pitersin sözlərinə görə, bu addım İranın uranın zənginləşdirilməsi ilə bağlı öhdəliklərini pozmasına cavab olaraq atılıb.

Sanksiyalar oktyabrın 18-dən qüvvəyə minib və maliyyə məhdudiyyətləri ilə yanaşı, Yeni Zelandiya ərazisinə giriş qadağasını da əhatə edir.

Rəsmi Vellinqton İranı danışıqları bərpa etməyə və MAQATE ilə əməkdaşlığı davam etdirməyə çağırıb.