Əhməd əş-Şaraa Rusiyaya GEDİR - Putinlə bu məsələləri MÜZAKİRƏ EDƏCƏK

Rusiya prezidenti Vladimir Putin 15 oktyabr tarixində suriyalı həmkarı Əhməd əş-Şaraa ilə görüşəcək. 

Olaylar.az xəbər verir ki, bu barədə Kremlin mətbuat xidməti məlumat yayıb.

Məlumatda bildirilir ki, Əhməd əş-Şaraa işgüzar səfərlə Rusiyaya gələcək. Görüş zamanı tərəflər Yaxın Şərqdəki cari vəziyyəti, həmçinin Rusiya-Suriya münasibətlərinin inkişaf perspektivlərini müzakirə edəcəklər.

Kremlin məlumatına görə, xüsusi diqqət ticarət-iqtisadi, humanitar və siyasi sahələrdə əməkdaşlıq məsələlərinə, həmçinin bölgədə vəziyyətin həllinə dair fəaliyyətlərin koordinasiyasına yönəldiləcək.