Professor Kamal Abdullayev: "Koronovirusa yoluxmağım haqqında məlumat yalandır"

Son  günlər  "Haqqın.az",  "Virtual.az"  saytlarında "Uroloji Mərkəz  Kamal Abdullayevin Klinikası"nın  rəhbəri, tanınmış uroloq, professor  Kamal Abdullayevin koronavirusa yoluxması barədə məlumat yayılıb. "Olaylar" ın  əməkdaşı  məsələni dəqiqləşdirmək üçün sözügedən klinikanın rəhbəri  K.Abdullayevlə görüşüb. Professor  bildirib ki, onun koronavirusa yoluxması barədə yayılan məlumatın heç bir əsası yoxdur: "Mənim haqqımda yayılan məlumat tamamilə yalandır. Mən sağlamam və hazırda gördüyünüz  kimi  iş başındayam. Klinika da tam gücü ilə fəaliyət göstərir. O ki  qaldı yanlış məlumat yayan saytlara, bildiriəm ki, həmin saytları məhkəməyə vermək hüququm var. Lakin onları hazırda dünyanın və Azərbaycanın yaşadığı bu gərgin günlərə bağışlayıram".