Böyük çörək ehtiyatı yığmağa ehtiyac yoxdur - Elgin Həbibullayev

Ötən həftə xoşagəlməz mənzərə ilə qarşılaşdıq, binaların qarşısında çörək tullantılarının yığılmasını gördük.

Bunu Bakı şəhər İcra Hakimiyyəti Aparatının rəhbəri Elgin Həbibullayev Operativ Qərargahın bu günükü brifinqdə deyib:

"Bəzi insanlar 2 günlük deyil, 20 günlük ehtiyat götürürlər. Onlardan diqqətli olmalarını xahiş edirik".

Elgin Həbibullayev bildirib ki, vətəndaşlar ticarət mərkəzlərinə daxil olarkən maskadan istifadə etsələr də, daha sonra maskanı çıxarırlar: "Bu, özünü aldatmadır. Hazırda görünməz düşmənlə mübarizədəyik. Nəzərə alaq ki, dövlət üzərinə düşən öhdəliyi yerinə yetirib. Hər kəs ətrafında olan insana məsələnin mahiyyətini və təhlükəsini çatdırmalıdır".