Müayinədən sonra 8 cütlük evlənməkdən İMTİNA ETDİ - SƏBƏB

Ötən ay nikahdan əvvəl tibbi müayinə nəticəsində 558 nəfərdə talassemiya, 54 nəfərdə siflis, 16 nəfərdə QİÇS aşkarlanıb. Bu barədə B.Eyvazov adına Elmi-Tədqiqat Hematologiya və Transfuziologiya İnstitutunun direktoru Zöhrə Əlimirzəyeva məlumat verib. Onun sözlərinə görə, bu ay ərzində ümumilikdə 17793 nəfər müayinədən keçib.

Ötən ay nikahdan əvvəl tibbi müayinə nəticəsində 558 nəfərdə talassemiya, 54 nəfərdə siflis, 16 nəfərdə QİÇS aşkarlanıb. Bu barədə B.Eyvazov adına Elmi-Tədqiqat Hematologiya və Transfuziologiya İnstitutunun direktoru Zöhrə Əlimirzəyeva məlumat verib. Onun sözlərinə görə, bu ay ərzində ümumilikdə 17793 nəfər müayinədən keçib.

"Müayinədən keçən 5 cütlükdə talassemiya daşıyıcılığı aşkarlanıb. Onların hər biri ilə əlaqə saxlayaraq hamiləliyin 12-18-ci həftələrində perenatal müayinəyə gəlmələri bildirilib. Bu cütlüklərin heç biri nikahdan imtina etməsə də, 2015-ci ildən aparılan müayinələr nəticəsində hər ikisində talassemiya daşıyıcılığı aşkarlanan 7-8 cütlük ailə qurmaqdan imtina edib". Z.Əlimirzəyeva bildirib ki, nikahdan əvvəl müayinələr başlanandan ümumilikdə 114 cütlükdə talassemiya daşıyıcılığı aşkarlanıb: "Onlardan 50-dən çoxu hamilədir, bu vaxta qədər 40-ı perenatal müayinələrdən keçib. Bu müayinələr nəticəsində 7 uşaqda xəstəlik aşkarlanıb. Onlar ailələrin razılığı əsasında abort edilib. Digər uşaqlar isə sağlam və daşıyıcıdırlar".

Direktor bildirib ki, 2017-ci ilin 7 ayında 80930 nəfər müayinədən keçib. Onlardan 2411 nəfərdə talassemiya daşıyıcılığı, 313 nəfərdə siflis, 62 nəfərdə QİÇS aşkarlanıb. Bu il hər ikisində talassemiya daşıyıcılığı aşkarlanan cütlüklərin sayı 24-dür. Publika.az