Yay məktəbi başa çatdı

Paytaxt məktəblərinin V-VI sinif şagirdləri üçün təşkil olunan “Yay məktəbi” başa çatıb. “OLAYLAR”-ın xəbərinə görə, Bakı Şəhəri üzrə Təhsil İdarəsinin tabeliyindəki ümumi təhsil müəssisələrində reallaşdırılan “Yay məktəbi”ndə fəal iştirak edən şagirdlərə sertifikatlar təqdim olunub.  “Məktəblinin dostu” pilot layihəsi çərçivəsində “Yay məktəbi”nin təşkil olunmasının əsas məqsədi yay istirahəti dövründə keyfiyyətli təhsil imkanları yaratmaq və əyləncəli proqramlar təşkil etməklə intellektual və sosial aktiv gənclərin-gələcəyin liderlərinin formalaşdırılmasıdır.

Paytaxt məktəblərinin V-VI sinif şagirdləri üçün təşkil olunan "Yay məktəbi" başa çatıb. "OLAYLAR"-ın xəbərinə görə, Bakı Şəhəri üzrə Təhsil İdarəsinin tabeliyindəki ümumi təhsil müəssisələrində reallaşdırılan "Yay məktəbi"ndə fəal iştirak edən şagirdlərə sertifikatlar təqdim olunub.  "Məktəblinin dostu" pilot layihəsi çərçivəsində "Yay məktəbi"nin təşkil olunmasının əsas məqsədi yay istirahəti dövründə keyfiyyətli təhsil imkanları yaratmaq və əyləncəli proqramlar təşkil etməklə intellektual və sosial aktiv gənclərin-gələcəyin liderlərinin formalaşdırılmasıdır. Bakı məktəblərinin V-VI sinif şagirdləri "Yay məktəbi"ndə iyulun 3-dən 31-dək iştirak ediblər. "Yay məktəbi" zamanı 600-ə yaxın şagird üçün maarifləndirici tədbirlər, xarici dil məşğələləri, intellektual oyunlar, idman yarışları, muzeylərə ekskursiyalar təşkil olunub. Məktəblilər musiqi, rəqs və rəsm dərslərinə qatılıb, filmlər izləyiblər.  "Yay məktəbi"nə hazırda 400-dən artıq VII-VIII sinif şagirdi qatılıb. Onlar üçün avqustun 1-dən 31-dək təlim, seminar, informativ sessiya, əyləncəli oyun və idman yarışlarının təşkil edilməsi nəzərdə tutulur.