“Günəşli” yatağında hasilatın artırılması üçün yeni yanaşma üsulları müzakirə olunub

SOCAR-ın Baş ofisində “Günəşli” yatağında hasilatın artırılması məqsədilə ABŞ-ın “McKinsey&Company;” şirkəti tərəfindən hazırlanmış “Mayak” layihəsinin müzakirəsi ilə bağlı iclas keçirilib.

SOCAR-ın Baş ofisində "Günəşli" yatağında hasilatın artırılması məqsədilə ABŞ-ın "McKinsey&Company;" şirkəti tərəfindən hazırlanmış "Mayak" layihəsinin müzakirəsi ilə bağlı iclas keçirilib. "OLAYLAR"-ın xəbərinə görə, iclasda "McKinsey&Company;" şirkətinin hazırladığı "Mayak" layihəsi barədə ətraflı məlumat verilib, "Günəşli" yatağında hasilatın stabil saxlanılması və artırılması ilə bağlı təkliflər dinlənilib. Layihədə yataq üzrə əməliyyat xərclərinin optimallaşdırılması öz əksini tapıb. "McKinsey&Company;" şirkəti tərəfindən "Günəşli" yatağında yaxın iki həftə ərzində ilkin tədqiqat işlərinin aparılması və təkliflərin verilməsi qərara alınıb, 2018-ci il üçün yataqda hasilatın ən az 7% artırılması barədə təklifin bir ay müddətinə təqdim olunması razılaşdırılıb. İclasda qeyd edilmişdir ki, "Mayak" layihəsi əlavə xərclər çəkilmədən hasilatın artırılmasına xidmət edəcək.