Arman Tatoyan: Avropaya yol Brüsseldən deyil, İrəvandan başlayır - ÖZƏL

Olaylar.az xəbər verir ki, "Birlik qanadları" siyasi təşəbbüsünün rəhbəri Arman Tatoyan Ermənistanın Avropa inteqrasiyası üçün 4 əsas şərt irəli sürüb. O bildirib ki, Aİ-yə yol rəsmi İrəvanın daxili siyasətindəki avtoritar meyllərlə deyil, real dəyərlərlə mümkündür.

Tatoyanın "Yol xəritəsi": Beynəlxalq səviyyədə tanınmış sərhədlər toxunulmazdır. Qayıdış hüququ və təzminat mexanizmi olmayan hər hansı sülh müqaviləsi natamamdır. Kilsəyə təzyiq, siyasi təqiblər və məhkəmə asılılığı Avropa dəyərlərinə ziddir. Ermənistan imzaladığı bütün müttəfiqlik və ticarət müqavilələrinə (o cümlədən mövcud tərəfdaşlıqlara) tam əməl etməlidir.

Tatoyan vurğulayıb ki, daxili standartlar olmadan inteqrasiya yalnız "himayədarın dəyişdirilməsi" deməkdir.