Deputatımız Ukraynada prezident seçkilərini izləyəcək

Milli Məclisin deputatı Naqif Həmzəyev Ukraynada keçiriləcək prezident seçkilərini izləmək üçün martın 5-də Kiyevə səfər edəcək. MM-dən "Olaylar"a bildirilib ki, Avropa Şurası Parlament Assambleyasının müşahidə missiyasının tərkibində prosesə qatılan millət vəkili seçki məntəqələrində aparılan hazırlıq işləri ilə yaxından tanış olacaq, səsvermə zamanı vətəndaşların fəallığına, prosedur qaydalarına riayət olunmasına diqqət yetirəcək, yekun rəydə seçkinin gedişatı ilə bağlı öz münasibətini bildirəcək. Səfər martın 8-də başa çatacaq.