Onlara görə Rusiyada biznes hər il təxminən 440 milyard rubl itirir- ÖZƏL

Rusiya Federasiyasının səhiyyə nazirinin müavini Yevgeni Kamkin SPİEF-2024 çərçivəsində çıxış edərək, rusların səhhətində ciddi problemləri və Rusiya iqtisadiyyatına dəyən ziyanı dilə gətirib. 

Olaylar.az xəbər verir ki, Kamkin çıxışında vətəndaşların xroniki xəstəlikləri səbəbindən ölkənin hər il ÜDM-in təxminən 4%-ni itirdiyini vurğulayıb. 

"Təkcə xroniki qeyri-infeksion xəstəliklərlə bağlı iqtisadi itkilər hər il ÜDM-in təxminən 4%-ni təşkil edə bilər", - nazir müavini deyir.

Kamkin həmçinin vurğulayıb ki, işəgötürənlərin siqaret çəkən işçilərə qarşı tez-tez şikayətləri tamamilə haqlıdır. Axı, yalnız işçilərin siqaret çəkməsi və onunla əlaqəli xəstəliklərə görə Rusiyada biznes hər il təxminən 440 milyard rubl itirir. Natiq qeyd etdi ki, siqaret çəkən işçilər tez-tez tüstülənməkdə fasilə verirlər, məhsuldarlığı azdır və ümumilikdə ləng işləyirlər.