Mədəniyyət
Nəsimi yaradıcılığı “Qəzəllər” layihəsində - Muğam Mərkəzində
Martın 27-də Beynəlxalq Muğam Mərkəzində “Qəzəllər” layihəsi çərçivəsində növbəti konsert İmadəddin Nəsimi yaradıcılığına həsr ediləcək. Olaylar.az bildirir ki, konsertdə Əməkdar artistlər Ehtiram Hüseynov, Səbuhi İbayev və Babək Niftəliyev şairin qəzəlləri üstə “Zabul segah” dəstgahını ifa edəcəklər. Xanəndələri tarda Rövşən Qurbanov, kamançada Ceyhun Muradov müşayiət edəcək.
Məşhur virtuoz müğənni Bakıda çıxış edəcək
Aprelin 29-da Heydər Əliyev Mərkəzində Rusiya Federasiyasının Xalq artisti Aleksandr Serovun solo konserti olacaq. Məşhur estrada ulduzu konsert proqramında milyonların sevgisini qazanmış hitləri ilə yanaşı, yeni mahnılarını da təqdim edəcək.
Qobustanda “Zamanla Üz-Üzə” adlı sərgi keçiriləcək
Martın 12-də Muzey Mərkəzinin Sərgi qalereyasında Qobustan Milli Tarix-Bədii Qoruğunun təşkilatçılığı ilə “Zamanla Üz-Üzə” adlı sərginin açılışı mərasimi baş tutacaqdır. Olaylar.az bildirir ki, “Reinkarnasiya 5” layihəsi çərçivəsində təşkil olunacaq sərgidə Azərbaycan Rəssamlar İttifaqının üzvlərinin hazırladığı, Qobustan mövzusunda 40-dan artıq orijinal iş nümayiş etdiriləcəkdir. İşlər rəsm əsərləri, heykəltəraşlıq və keramika, video installasiya formatında təqdim olunur.
Aleksey Boqdançikov “Sevilya bərbəri” operasında çıxış etdi
Azərbaycan Dövlət Akademik Opera və Balet Teatrında Coakkino Rossininin “Sevilya bərbəri” operası nümayiş olunub. Olaylar.az bildirir ki, səhnə əsərində Fiqaro partiyasını Hamburq Dövlət Operasının (Almaniya) və Moskvanın “Novaya opera” Teatrının solisti, vokalçıların beynəlxalq müsabiqələrinin laureatı Aleksey Boqdançikov ifa edib.
İstanbulda “Nəsimi ili”
Türkiyədə “Nəsimi ili” çərçivəsində Azərbaycanın dahi şairi İmadəddin Nəsimi yaradıcılığına həsr olunmuş silsilə tədbirlər davam edir. Olaylar.az bildirir ki, İstanbulda Türk Ədəbiyyat Vəqfində bu münasibətlə tədbir keçirilib. Tədbir Azərbaycanın Mədəniyyət Nazirliyi, TÜRKSOY, Azərbaycan Milli Kitabxanası və Türk Ədəbiyyat Vəqfi tərəfindən təşkil olunub.
Nazpəri efirdə yıxıldı - Video
"Azərbaycanın səsi" yarışmasının final bölümü baş tutub. Proqramın sonunda bir çox maraqlı anlar yaşanıb. Yarışmanın qalibi xalq artisti Nazpəri Dostəliyevanın tələbəsi birinci seçilib.
Vasko Araujonun sərgisi - “Kapelhaus” Alman-Azərbaycan Mədəniyyət Mərkəzində
“Goethe-Zentrum Baku”nun (Höte İnstitutu) dəstəyi ilə “Kapelhaus” Alman-Azərbaycan Mədəniyyət Mərkəzində tanınmış portuqal rəssamı Vasko Araujonun “Məhəbbət və Ölüm” adlı fərdi sərgisi açılıb. Ekspozisiyada İçərişəhərin fotoları ilə yanaşı “Leyli və Məcnun” poemasından ingilis dilində parçalar təqdim edilib. Leyli və Məcnunun nakam məhəbbətindən söz açan “Liebestod. Məhəbbət və Ölüm” videoişi sərginin ana xəttini təşkil edib. Məhz “Leyli və Məcnun” və paytaxtımızın qədim tarixi rəssamı bu ekspozisiyanı yaratmağa ruhlandırıb.
