Kriminal
Azyaşlı qızına zəhər verib öldürməkdə təqsirləndirilən qadının məhkəmə baxışı başlayıb
Bu gün Bakı Ağır Cinayətlər Məhkəməsində azyaşlı qızına zəhər verib öldürməkdə təqsirləndirilən Gülnarə Saypullayevanın cinayət işi üzrə məhkəmə baxışı başlayıb. Məlumata görə, hakim Ramella Allahverdiyevanın sədrlik etdiyi iclasda prokuror ittiham aktını elan edib.
Zərərçəkən Maşallah Əhmədov barəsindəki qərardan Ali Məhkəməyə şikayət etdi
Dələduzluqda təqsirləndirilən futbolçu Maşallah Əhməov barəsindəki Bakı Apellyasiya Məhkəməsinin qərarından Ali Məhkəməyə kassasiya şikayəti verilib. Bu barədə zərərçəkmiş Yusif Əzizov məlumat verib.
Sumqayıtda İran vətəndaşını qətlə yetirməkdə şübhəli bilinən şəxslər tutuldu
Sumqayıt şəhərində törədilmiş ağır cinayətin üstü “isti izlər”lə açılıb və onu törətməkdə şübhəli bilinən şəxslər tutularaq istintaqa cəlb ediliblər. Respublika Baş Prokurorluğu və Daxili İşlər Nazirliyinin mətbuat xidmətlərindən verilən məlumata görə, oktyabrın 12-də üzərində zorakılıq əlamətləri olan İran vətəndaşı Mohtati Saman Nemat oğlunun meyiti yaşadığı Sumqayıt şəhəri, Novxanı bağlar massivindəki evində aşkar olunmuşdur. Bu barədə daxil olmuş məlumat əsasında şəhər prokurorluğu və Polis İdarəsinin əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilmiş, maddi sübutlar götürülmüş və digər zəruri prosessual hərəkətlər yerinə yetirilib.
Azərbaycanın tanınmış şəxsinin qızı Türkiyədə həbs olundu - Oğurladığı qızılları alt paltarında gizlətdi
Ədirnə şəhərində oğurluq hadisəsi baş verib. Oğurluqda adı hallananlardan biri azərbaycanlı qadındır. Telefonla 11 yaşlı uşağı aldaraq atasının polis bölməsinə aparıldığını söyləyib 40 min lirə dəyərində zinət əşyaları ələ keçirənlərin məhkəməsi başlayıb. Biri qadın, 3-ü kişi olan qrup üzvləri məhkəmədə tutduqları əməldən peşman olduqlarını dilə gətiriblər.
2 dostun qız üstündə atdığı QORXUNC ADDIM
Quldurluqda ittiham olunan Sumqayıt şəhər sakinləri – 1992-ci il təvəllüdlü İsmayıl Məmmədov və 1991-ci il təvəllüdlü Tamerlan İbrahimovun cinayət işi üzrə məhkəmə prosesi başa çatıb.
Soyğunçular həm də oğru çıxdılar
Soyğunçuluq etməkdə şübhəli bilindiyinə görə tutulan şəxslərin oğurluq etmələri aşkar olunub. DİN-dən “Olaylar”a verilən məlumata görə, soyğunçuluq etməkdə şübhəli bilindiyinə görə tutulan Vasif Məmmədəliyevin və Elməddin Abbasovun ətraflarında Zaqatala RPŞ-nin əməkdaşları tərəfindən aparılan əməliyyat tədbirləri ilə onların cari il yanvarın 6-da Beyləqan rayon sakini Kəmaləddin Vəliyevlə birgə Mətləb Hüseynova məxsus yardımçı təsərrüfatdan 3 baş inək oğurlamaları da müəyyən edilib. Görülən tədbirlərlə K.Vəliyev də tutulub.
Oğrunun digər əməlləri də ifşa edildi
Oğurluq etməkdə şübhəli bilindiyinə görə tutulan şəxsin törətdiyi digər cinayət əməlləri də müəyyən edilib. DİN-dən “Olaylar”a verilən məlumata görə, oğurluq etməkdə şübhəli bilindiyinə görə tutulan Asif Qalimovun ətrafında Nərimanov RPİ 18-ci PB-nin əməkdaşları tərəfindən aparılan əməliyyat tədbirləri ilə onun cari ilin iyul - avqust ayları ərzində rayon ərazisində 1 kafedən, 1 çay evindən, 1 oyun zalından, habelə 3 avtomobildən pul, mobil telefon, oyun aparatı və noutbuk oğurlaması da müəyyən edilib.
Salondan oyun aparatı aparan yaxalanıb
Kompyüter salonundan oğurluq edən şəxs yaxalanıb. DİN-dən “Olaylar”a verilən məlumata görə, Nərimanov RPİ 16-cı PB-nin əməkdaşları tərəfindən oktyabrın 13-də Rafiq Məmmədova məxsus kompyuter salonundan 2 ədəd oyun aparatı və 12 ədəd pult oğurlamaqda şübhəli bilinən Bakı şəhər sakini Baba İlyasov tutulub. Faktla bağlı araşdırma aparılır.
“Mersedes” vuran piyada ölüb
Xaçmaz rayonunun Məhrəli-qışlaq kəndi ərazisində yol-nəqliyyat hadisəsi qeydə alınıb. DİN-dən “Olaylar”a verilən məlumata görə, oktyabrın 16-da saat 19 radələrində Xaçmaz rayonunun Məhrəli-qışlaq kəndi ərazisində Siyəzən rayon sakini Şamil Ələkbərov idarə etdiyi “Mercedes” markalı avtomobillə yolu keçən rayon sakini Nuru Zeynalovu vurub. Nəticədə piyada xəstəxanaya aparılarkən yolda ölüb. Baş İstintaq və Təhqiqat İdarəsi tərəfindən araşdırma aparılır.
Qadının çantasından pul oğurlayan saxlanıb
Pul və sənəd oğurlamaqda şübhəli bilinən şəxs tutulub. DİN-dən “Olaylar”a verilən məlumata görə, Sumqayıt ŞPİ 4-cü PB əməkdaşlarının keçirdikləri əməliyyat-axtarış tədbirləri nəticəsində oktyabrın 11-də şəhər sakini olan bir qadının çantasından 385 manat və sənəd oğurlamaqda şübhəli bilinən Ramiz Həmidov tutulub. Ətrafında aparılan araşdırmalar nəticəsində onun əvvəllər məhkum olunduğu müəyyən edilib.
Zibillikdən silah-sursat tapılıb
Xətai rayonun N.Mahmudov küçəsindəki məişət tullantıları yığılan yerlərdən birindən silah-sursat tapılıb. DİN-dən “Olaylar”a verilən məlumata görə, Xətai RPİ 34-cü PB və Əlahiddə Çevik Polis Alayının əməkdaşları tərəfindən rayonun N.Mahmudov küçəsindəki məişət tullantıları yığılan yerlərdən birindən 4 ədəd “F-1” qumbarası, 5 ədəd alışqan, 1 ədəd “AKSU-74” markalı nömrəsi silinmiş silah, 1 ədəd patron darağı və 6 ədəd 5,45 çaplı patron olan idman çantası tapılıb.
Keçmiş bank sədri barəsində cinayət işi başlandı
Azərbaycan Baş prokuroru yanında Korrupsiyaya qarşı Mübarizə Baş İdarəsində "Nikoyl" İnvestisiya Kommersiya Bankı" ASC-nin İdarə Heyətinin sabiq sədri Xamaza Vasiliy Viktoroviç barəsində cinayət işi başlanıb. Cinayət Məcəlləsinin 308.1 (Vəzifə səlahiyyətlərindən sui-istifadə) və 179.3.2-ci (Mənimsəmə və ya israfetmə, külli miqdarda törədildikdə) maddələri ilə başlanmış cinayət işinin istintaqının aparılması Baş İdarənin İstintaq İdarəsinə tapşırılıb.
Köhnə tikilidə külli miqdarda güclü təsir edən maddə aşkar olunub
Astarada köhnə yarımtikilidə külli miqdarda güclü təsir edən maddə aşkar olunub. Dövlət Gömrük Komitəsindən (DGK) “Olaylar”a verilən məlumata görə, komitənin Gömrük Sahəsində Hüquqpozmalara qarşı Mübarizə Baş İdarəsinin Əməliyyat İdarəsi və Astara Gömrük İdarəsi əməkdaşlarının keçirdikləri birgə əməliyyat tədbirləri nəticəsində, Astara şəhərində Azərbaycan vətəndaşına məxsus həyətin kənarında yerləşən, yaşayış sahəsi olmayan köhnə yarımtikilidə ümumi sayı 9028 ədəd olan “Tramadol” adlı dərman preparatı aşkar edilib.
Vidadi Zeynalovun məhkəməsi başladı
Bakı Apellyasiya Məhkəməsində "Rabitə işi" üzrə təqsirləndirilən şəxslərin apellyasiya şikayəti əsasında məhkəmənin baxış iclası başlayıb. Prosesə hakim Qədim Babayev sədrlik edir. Təqsirləndirilən şəxslər apellyasiya şikayətlərində barələrində bəraət hökmü çıxarılmasını istəyiblər. Təqsirləndirilən şəxslərdən Qəmbər Bəybalayev apellyasiya şikayəti verməyib.
