Kriminal
Akkumlyaor oğrusu saxlanıb
Avtomobildən akkumulyator oğurlamaqda şübhəli bilinən Cəlilabad sakini Ruslan Əhmədov tutulub. DİN-dən “Olaylar”a verilən məlumata görə, oktyabrın 22-də Cəlilabad rayonu ərazisində “VAZ-2106” markalı avtomobildən akkumulyator oğurlamaqda şübhəli bilinən Sərhədabad kənd sakini Ruslan Əhmədov RPŞ-nin əməkdaşları tərəfindən tutulub.
Keçmiş məhkum oğurluğa görə tutuldu
Sumqayıtda oğurluq faktının üstü açılıb. DİN-dən “Olaylar”a verilən məlumata görə, Sumqayıt ŞPİ 1-ci PB əməkdaşlarının keçirdikləri əməliyyat-axtarış tədbirləri nəticəsində cari ilin avqust və oktyabr ayları ərzində şəhər ərazisində 1 nəfərin velosipedini və bir nəfərin 70 manat pulunu dələduzluq yolu ilə almaqda, habelə 1 evdən, 1 avtomobildən və 1 çantadan pul, sənəd və məişət əşyaları oğurlamaqda şübhəli bilinən Ümidvar Rzayev tutulub. Araşdırmalar zamanı onun əvvəllər məhkum olunduğu müəyyən edilib.
Prokuror tanınmış alimin oğluna 11 il iş istədi
Oktyabrın 26-da Bakı Ağır Cinayətlər Məhkəməsində dələduzluqda təqsirləndirilən Emin Quliyevin cinayət işi üzrə məhkəmə prosesi davam etdirilib. “Olaylar”ın məlumatına görə, hakim Azər Orucovun sədrliyi ilə keçirilən iclasda prokuror çıxış edib. O, E. Quliyevin 11 il müddətinə azadlıqdan məhrum edilməsini istəyib. E. Quliyevin vəkili çıxış üçün məhkəmədən vaxt istəyib. Proses oktyabrın 30-da davam etdiriləcək.
Quldurluqla məşğul olan şəxs tutulub
Quldurluqda şübhəli bilinən şəxs saxlanıb. DİN-dən “Olaylar”a verilən məlumata görə, Nəsimi RPİ 20-ci PB əməkdaşlarının keçirdikləri əməliyyat tədbirləri nəticəsində sentyabrın 6-da paytaxt sakini Fərid Zahirovun pulunu və içərisində ərzaq məhsulları olan çantasını quldurluq yolu ilə almaqda şübhəli bilinən Yaşar Musayev tutulub.
Soyğunçular vətəndaşın pulunu və gödəkçəsini alıblar
Soyğunçuluqda şübhəli bilinən Bakı şəhər sakilri tutulub. DİN-dən “Olaylar”a verilən məlumata görə, oktyabrın 25-də saat 1 radələrində Nəsimi rayonu ərazisində 2 naməlum şəxs Kürdəmir rayon sakini Elçin Eyyubova zor tətbiq edərək cibində 270 manat olan gödəkçəsini ondan alıblar.
İsmayıllıda “marixuana” əməliyyatı keçirilib
İsmayıllı şəhər sakinində narkotik vasitə aşkarlanıb. DİN-dən “Olaylar”a verilən məlumata görə, oktyabrın 25-də İsmayıllı Rayon Polis Şöbəsinin əməkdaşları tərəfindən rayon ərazisində narkotiklərin qanunsuz dövriyyəsinə qarşı növbəti əməliyyat tədbiri keçirilib və nəticədə 2 kiloqrama yaxın narkotik vasitə götürülüb.
Eyni mənzili 3-4 nəfərə satan vəzifəli şəxslər HAKİM QARŞISINDA
"İdeal-V" tikinti şirkətinin vəzifəli şəxsləri - İsa Məmmədov və Çingiz Məmmədovun cinayət işi üzrə məhkəmə başlayıb. Bakı Ağır Cinayətlər Məhkəməsində hakim Əhməd Quliyevin sədrliyi ilə keçirilən prosesdə təqsirləndirilən şəxslərin anket məlumatları dəqiqləşdirilib. Məlum olub ki, iş üzrə 16 nəfər zərərçəkən şəxs var.
Özünü asan MTN polkovnikinin qardaşı bəraət aldı
Bakı Apellyasiya Məhkəməsində Dövlət Əmlak Komitəsində müxtəlif vəzifələrdə, həmçinin 2014-cü ilədək "Azərsu" ASC-də iqtisadçı işləmiş Mətləb Mustafayevin apellyasiya şikayəti üzrə məhkəmə iclası başa çatıb. Hakim Rizvan Səfərovun sədrliyi ilə keçirilən prosesdə qərar elan olunub. Qərara əsasən, birinci instansiya məhkəməsinin çıxardığı hökm ləğv edilib, onun barəsində bəraət hökmü çıxarılıb.
Mühafizəçi bıçaqlandı - Bakıda
Bakının Nizami rayonu ərazisində bıçaqlanma hadisəsi baş verib. İnsident keçmiş maşın bazarı yaxınlığındakı qeyri-yaşayış binasının mühafizə postunda qeydə alınıb. Naməlum şəxs mühafizə olunan binaya daxil olmaq istəyərkən mühafizəçi, 1965-ci il təvəllüdlü Abbasov İlham Müseyib oğlu onun qarşısını alıb.
Bakıda qatardan qaçan məhbuslar tapıldı - Xırdalanda atışma gedir - SON DƏQİQƏ
23 oktyabr 2017-ci il tarixdə Bakı-Astara-Bakı planlı dəmir yolu qarovulu ilə xüsusi təyinatlı vaqonda Bakı şəhərinə etap olunan xüsusilə ağır cinayətlərlə təqsirləndirilməklə həbs edilmiş Etibar Ələkbər oğlu Məmmədov və Əli Rasim oğlu Ağami Biləcəri qəsəbəsi ərazisində müşayiət altından qaçdıqlarını xəbər vermişdik. Kütləvi İnformasiya Vasitələrində Xırdalan ərazisində cinayətkarlarla hüquq-mühafizə orqanlarının əməkdaşları arasında atışma baş verməsilə bağlı xəbər yayılıb. Xəbərdə deyilir ki, Biləcəri qəsəbəsi ərazisində dəmir yolu qarovulu ilə xüsusi təyinatlı vaqondan qaçan məhbuslar Xırdalan şəhəri ərazisində tapılıblar. Onlar polisə müqavimət göstərib və atışma baş verib.
Jurnalist avtomobil qəzasında dünyasını dəyişdi
Axşam saatlarında Şirvan şəhərində piyadanın vurularaq ölməsi ilə nəticələnən yol nəqliyyat hadisəsi baş verib. SOCAR-a məxsus, 90 JS 409 dövlət nömrə nişanlı avtobus yolu keçən zaman "Həftə içi" qəzetinin əməkdaşı, bölgə müxbiri Məmmədli Səxavət Musa oğlunu vurub. Xəstəxanaya çatdırılan S. Məmmədli orada dünyasını dəyişib.