“KamAZ” “BMW” ilə toqquşub- ölən var

“KamAZ” “BMW” ilə toqquşub-ölən var

Qaradağ rayonunun Sahil qəsəbəsi ərazisində yol-nəqliyyat hadisəsi baş verib. DİN-dən "Olaylar"a verilən məlumata görə, mayın 30-da saat 18 radələrində Qaradağ rayonunun Sahil qəsəbəsi ərazisində Hacıqabul rayon sakini E.İspəndiyarovun idarə etdiyi "KamAZ" və Bakı şəhər sakini Rəşad Quliyevin idarə etdiyi "BMW" markalı avtomobillər toqquşmuşdur. Nəticədə R.Quliyev aldığı xəsarətlərdən hadisə yerində ölmüşdür. Baş İstintaq və Təhqiqat idarəsi tərəfindən araşdırma aparılır.