Evlərdən pul və qızıl aparan keçmiş məhkum tutulub

Bakıda evdən 3 min manatlıq qızıl oğurlanıb. Daxili İşlər Nazirliyinin mətbuat xidmətindən "Olaylar"a verilən məlumata görə, Nəsimi Rayon Polis İdarəsinin 20-ci Polis Bölməsi əməkdaşlarının keçirdikləri əməliyyat-axtarış tədbirləri nəticəsində aprelin 15-də rayon ərazisindəki evlərin birindən 1800 manat və 3000 manat dəyərində qızıl əşyalar oğurlamaqda şübhəli bilinən Şabran rayon sakini saxlanıb. Araşdırmalar zamanı onun əvvəllər məhkum olunmuş Etibar Kərimov olduğu müəyyən edilib.