İqtisadiyyat
Sahibkarların təklifləri dinlənilib
Azərbaycan Respublikası Sahibkarlar (İşəgötürənlər) Təşkilatları Milli Konfederasiyasında “Kommersiya hüquqi şəxslərin və fərdi sahibkarların assosiasiyaları (ittifaqları) haqqında” Azərbaycan Respublikasının Qanun layihəsi müzakirə edilib.
Pekində Transxəzər Beynəlxalq Şərq-QərbTicarət və Nəqliyyat dəhlizinin rolu müzakirə olunub
Çində “Bir kəmər, bir yol” təşəbbüsünün reallaşmasında Transxəzər Beynəlxalq Şərq-Qərb Ticarət və Nəqliyyat dəhlizinin rolu mövzusunda beynəlxalq konfrans keçirilib. “Azərbaycan Dəmir Yolları” QSC-nin ictimaiyyətlə əlaqələr şöbəsindən “OLAYLAR”-a bildirilib ki, Azərbaycanın təşəbbüsü, Türkiyə, Qazaxıstan və Gürcüstanın Pekindəki səfirliklərinin təşkilatçılığı, Çinin Kommersiya Nazirliyinin dəstəyi ilə keçirilən konfrans Transxəzər Beynəlxalq Şərq-Qərb Ticarət və Nəqliyyat dəhlizinin təşviqi məqsədi daşıyıb. Konfransın açılışında Azərbaycanın iqtisadiyyat naziri Şahin Mustafayev, Çin kommersiya nazirinin müavini Van Şouven, Türkiyənin iqtisadiyyat nazirinin müavini Fatih Metin, Qazaxıstanın investisiya və inkişaf nazirinin müavini Roman Sklyar, Gürcüstanın iqtisadiyyat və davamlı inkişaf nazirinin müavini Georgi Çerkezişvili, çıxış ediblər.
Nazir müavini: “Azərbaycan yoxsulluq səviyyəsinin 5 faizdən aşağı olduğu 29 ölkədən biridir”
"Azərbaycan 2015-ci ildə BMT-nin Nyu-Yorkdakı mənzil qərargahında 192 ölkə ilə birgə yeni qlobal dayanaqlı inkişaf məqsədlərinə dair qəbul olunmuş qərara qoşulub. Azərbaycan bundan öncə də BMT-nin təşəbbüslərinə qoşulub.
Qaradağ stansiyasında yeni yoldəyişən quraşdırılır
Dəmir yolunda əsaslı təmir prosesinin növbəti mərhələsi davam edir və Bakı-Böyük Kəsik istiqamətində 600 km yol əsaslı təmir olunur. Eyni zamanda 2016-cı ilin ilin sentyabr ayından etibarən 5 və 11 saylı İDYM MMC-lər tərəfindən yeni yoldəyişənlərin quraşdırılmasına da başlanılıb. “Azərbaycan Dəmir Yolları” QSC-nin ictimaiyyətlə əlaqələr şöbəsindən “OLAYLAR”-a bildirilib ki, ilk belə yoldəyişən 9 sentyabr 2016-cı ildə quraşdırılıb.
Nazirlik: “Prezident seçkiləri günü iş günü hesab edilməyəcək”
Azərbaycan Respublikası Prezidenti seçkilərinin 2018-ci il aprelin 11-nə təyin olunması ilə əlaqədar “2018-ci il üçün iş vaxtının norması” və “2018-ci ilin istehsalat təqvimi”ndə müvafiq dəyişikliklər ediləcək. Bu barədə Əmək və Əhalinin Sosial Müdafiə Nazirlyinin İctimaiyyətlə əlaqələr şöbəsinin müdiri Elman Babayev bildirib: “Azərbaycan Respublikasının Əmək Məcəlləsinin 105-1-ci maddəsinə əsasən Azərbaycan Respublikası Milli Məclisi deputatlarının, Azərbaycan Respublikası Prezidentinin, Azərbaycan Respublikasında bələdiyyə üzvlərinin seçkiləri, həmçinin referendum zamanı səsvermə günü seçki (referendum) keçirilən ərazidə iş günü hesab edilmir. Səsvermə günü qanunvericiliyə uyğun olaraq müəyyən edilir”.
Çində Azərbaycanın ticarət nümayəndəliyinin ofisi açılıb
Fevralın 5-də Çinin Pekin şəhərində Azərbaycanın Ticarət Nümayəndəliyinin ofisinin rəsmi açılışı olub. İqtisadiyyat Nazirliyindən “Olaylar”a verilən məlumata görə, bununla bağlı keçirilmiş mərasimdə İqtisadiyyat naziri Şahin Mustafayevin rəhbərliyi ilə Çində səfərdə olan Azərbaycan nümayəndə heyəti və Çin rəsmiləri iştirak edib.
Azərbaycan nümayəndə heyəti Çində səfərdədir
İqtisadiyyat naziri Şahin Mustafayevin rəhbərliyi ilə rəsmi şəxslərdən və iş adamlarından ibarət nümayəndə heyəti Çin Xalq Respublikasında səfərdədir. İqtisadiyyat Nazirliyindən “Olaylar”a verilən məlumata görə, səfərin ilk günü - fevralın 5-də İqtisadiyyat naziri Şahin Mustafayev bir sıra görüşlər keçirib. Çinin Nəqliyyat naziri Li Siaopan ilə keçirilmiş görüşdə nazir Şahin Mustafayev Azərbaycanın Çin ilə ikitərəfli əlaqələrin inkişafına xüsusi önəm verdiyini qeyd edib.
14 ildə ölkə miqyasında bir çox önəmli sosial layihələr icra edilib
“Azərbaycan sosial dövlətdir və ölkəmizdə dinamik iqtisadi inkişaf bir qayda olaraq genişməzmunlu sosial təşəbbüslərlə tamamlanır”. “OLAYLAR” yap.org.az-a istinadən xəbər verir ki, bu fikri Milli Məclisin Əmək və sosial siyasət komitəsinin sədr müavini Rauf Əliyev səsləndiriib.
Azərbaycan məhsulları “Prodexpo 2018” Sərgisində nümayiş olunur
Rusiya Federasiyasının paytaxtı Moskva şəhərində “Prodexpo 2018” Beynəlxalq Ərzaq Sərgisi öz işinə başlayıb. Fevralın 9-dək davam edəcək sərgidə dünyanın 65 ölkəsindən 2000-dən çox şirkətin məhsulları nümayiş olunur.
Azərbaycan məhsulları “Fruit logistica” meyvə-tərəvəz sərgisində
Fevralın 7-dən 9-dək Almaniyanın Berlin şəhərində "Fruit Logistica" meyvə-tərəvəz Sərgisi keçiriləcək. İqtisadiyyat Nazirliyindən “Olaylar”a verilən məlumata görə, Azərbaycan məhsullarının da nümayiş olunacağı sərgidə dünyanın 84 ölkəsindən 3000-dən çox şirkətin iştirakı nəzərdə tutulur. İqtisadiyyat Nazirliyinin dəstəyi, Azərbaycanda İxracın və İnvestisiyaların Təşviqi Fondunun təşkilatçılığı ilə 9 ixracatçı Azərbaycan şirkətinin istehsal etdiyi meyvə-tərəvəz məhsulları vahid ölkə stendi ilə bu beynəlxalq sərgidə ziyarətçilərə təqdim ediləcək.
Qida şirkətlərinə sertifikat verən qurum dəyişdi
Yenicə fəaliyyətə başlamış Qida Təhlükəsizliyi Agentliyi bütün qida məhsullarını ekspertizadan keçirəcək. Agentlikdən verilən məlumata görə, ekspertizadan müsbət rəy almış məhsullara sertifikat veriləcək. Sertifikatlaşmanı Qida Təhlükəsizliyi Agentliyi və Prezident yanında Vətəndaşlara Xidmət və Sosial İnnovasiyalar üzrə Dövlət Agentliyi birgə həyata keçirəcək. Yaxın müddətdə bu iki dövlət agentliyi arasında müvafiq memorandum imzalanacaq.
“Ayıq sürücü”nün müştəriləri satması iddiasına DYP-dən cavab - VİDEO
Sosial şəbəkələrdə yayılan bir görüntü ayıq sürücü xidməti göstərən şəxs və şirkətlərin yol polisi ilə əməkdaşlığı məsələsini gündəmə gətirib. “Xəzər Xəbər” məsələni araşdırıb. Həm yol polisi, həm də ayıq sürücü şirkətləri məsələyə münasibət bildiriblər.
BP-nin regional prezidenti Energetika Nazirliyində olub
Energetika Nazirliyində energetika naziri Pərviz Şahbazovla BP-nin Azərbaycan, Gürcüstan və Türkiyə üzrə regional prezidenti Qəri Counz arasında görüş keçirilib. Nazirlikdən “Olaylar”a verilən məlumata görə, görüşdə BP şirkəti ilə əməkdaşlığın hazırki vəziyyəti və “Cənub Qaz Dəhlizi” layihəsinin həyata keçirilməsi istiqamətində görülən işlər müzakirə edilib.
Azərbaycan nümayəndə heyəti Çinə səfər edəcək
İqtisadiyyat naziri Şahin Mustafayevin rəhbərliyi ilə rəsmi şəxslərdən və iş adamlarından ibarət nümayəndə heyəti 5-7 fevral tarixində Çin Xalq Respublikasına səfər edəcək. Azərbaycan nümayəndə heyəti "Kəmər və Yol" layihəsinin təşviqində Transxəzər Beynəlxalq Nəqliyyat Marşrutunun rolu" mövzusunda Beynəlxalq Konfransda iştirak edəcək. Konfransda İqtisadiyyat naziri Şahin Mustafayev Azərbaycanın tranzit potensialına dair çıxış edəcək, Türkiyə, Qazaxıstan və Gürcüstan nümayəndə heyətlərinin rəhbərləri ilə müzakirələr aparacaq.